iRooma 7:21 - ɛWee ne ìTsɛm iHywas

²¹ iPhɛ kɛ te te ibek nge, i sɛ nzi sim na mɔn ɛkɔn ɛyɛnɛng nga, ibebhe de ne jung sonɛ.

iRooma 7:21 ပူးပေါင်းရင်းမြစ်များ

iRooma 7:23

Nzi ne jung kyii phok ɛdɛ ɛkɔn na kang ne ɛ mɔn ɛtomɛ nɛ nilɔ ne ibek nge na. ɛKɔn nɛghaa nggyɛ wo i ne dat iphup ne ɛkɔn na ne irway nge da sim. ɛKɔn kɛgha kɛ ne te nggɛ te me ɛkpuru ɛkɔn ne ɛfɔt tɛghaa nggyɛ wo ne ɛ tɔ ndɔ ne ibek nge de.

iBirani 2:17

iPhɛ ɛlɛy, iphɛ ne so nggbinggbing i ma te ɛbhɛ ɛ te tɛ nigwaa ɛbhɛ na ndɔ nikɔn na gbik, te ɛ teye ɛgɔm nibo ɛTaanggbey, ɛhaa ne ɛ so sɛ kyinak daa ne ibol ɛbhɛ, ɛhaa ne san iyɔm ndɔ ɛtomɛ gha ne ɛ mɔn ɛTaanggbey yegha nɛ wo, te ɛ teye ɛkɔn ne hap itsanga te ɛTaanggbey ya han ninyi ne ɛfɔt.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iRooma 6:14

Mɔn ɛn ɛlɛ wo daa ɛli ne sɔng ɛfɔt to bok igbɔm daa mon nang. Sɔng ɛ tɔ ɛn nikpuru ne iMɛmɛ ɛMuusaa da nang, ɛ so ɛn ndɔ ne izɛɛng ɛTaanggbey.

iRooma 6:12

iPhɛ ɛlɛy, sɔng ne ɛ sim ɛn ɛfɔt to tɔ re igbɔm ne ibek mon nɛdee wo ne iphɛ sɛ ku wo, ɛ roos ɛn nikɔn nibebhe na ne iphɛ sim mo nang.

2 ɛBiturus 2:19

Nibhɛ kɛ ku sim ninyi na nɛ nibhɛ bo wu nibhɛ kɛ roos imɛmɛ nibhɛ da, nibhɛ yaa sɛ ishwɛɛ ne ito nibhɛ, ɛlɛy nibhɛ wo, nibhɛ ne ma kyi soye nikpuru ne ibebhe de daa ɛli ne ɛnyi gha i soye ɛkpuru ɛkɔn na ne ɛ kɛ kpuru ihywɛɛ ɛbhɛ de.

iBirani 4:15

Sɔng ɛGɔm Nibo njwɛɛn na ne so ɛnyi ne ɛ sang tas itaasek njwɛɛn da nang. Ɛ yang so ɛnyi ne kɛ ma ku tɛɛsek ɛbhɛ ndɔ nikɔn na gbik te njwɛɛn no, gbik ne iphɛ ɛlɛy sɔng ne ɛ mɔn ɛfɔt nang.

ɛYohana 8:34

ɛYɛso gha ne kyii nɛ ɛ yɔngɔ, “Nzi tɔng nyini itin nɛ, ɛhiha ɛnyi ne ɛ kɛ mɔn ɛfɔt, ɛ kɛ teye ɛkpuru ne ɛfɔt ta.

ɛLuka 4:1

ɛYɛso gha kaa ne tek iHywel ne iWurudun no ne iKabyik ɛTaanggbey de hyɔrɔ ndɔ ɛbhɛ. iPhɛ ne ji bo ɛbhɛ, iphɛ phɛ nɛ ndɔ ɛhay.

iRooma 7:25

ɛHay, kang ne ɛTaanggbey yaa? N bok irway ihwala ne ɛTaanggbey ne ɛbhɛ kɛ phɔt me lenɛ ne ɛDaray njwɛɛn ɛYɛso ɛKiriti! iPhɛ ɛlɛy, ndɔ ne irway nge, nzo ɛkpuru ne imɛmɛ ɛTaanggbey. iCwas ne irway ɛten ɛsii da ne ifɛ so ndɔ nge de ne ma ji so ɛkpuru ɛshara ne ɛfɔt.