iRooma 7:18 - ɛWee ne ìTsɛm iHywas

¹⁸ Nzi yɛɛ sɔng ɛkɔn ɛyɛnɛng i shɛɛ ndɔ mee wo nang, ndɔ ne icwas ne irway ɛten ɛsii da ne ifɛ so ndɔ nge de. Nzi yang sim te nzɛ mɔn ɛkɔn ɛyɛnɛng nga, sɔng nzi ne ji kyi yɛɛ ne mɔn nɛ nang.

iRooma 7:18 ပူးပေါင်းရင်းမြစ်များ

ɛYohana 3:6

ɛTen ɛsii gha i yɛk ɛten ɛsii, iKabyik ge ne ma yɛk ikabyik.

iGalatiya 5:17

Daa ɛli nɛ nikɔn ne ɛfɔt ta ne ibek ge i sim mo, sɔng nibhɛ ne iKabyik ɛTaanggbey de ne sim mang. Nikɔn na ne iKabyik ɛTaanggbey ne ma sim mo, sɔng nibhɛ nɛ nikɔn ne ɛfɔt ta ne ma sim mang. Nikɔn ne ɛfɔt ta ne ibek ge i sim mo ne bok iphup iKabyik ɛTaanggbey de, iphɛ ne ring nyini ne mɔn ɛkɔn na ne ɛ sim aa mɔn ɛn no nang.

iRooma 7:25

ɛHay, kang ne ɛTaanggbey yaa? N bok irway ihwala ne ɛTaanggbey ne ɛbhɛ kɛ phɔt me lenɛ ne ɛDaray njwɛɛn ɛYɛso ɛKiriti! iPhɛ ɛlɛy, ndɔ ne irway nge, nzo ɛkpuru ne imɛmɛ ɛTaanggbey. iCwas ne irway ɛten ɛsii da ne ifɛ so ndɔ nge de ne ma ji so ɛkpuru ɛshara ne ɛfɔt.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iFilibi 2:13

Daa ɛli ne ɛTaanggbey ya ɛbhɛ ɛ mɔn ɛtomɛ ne irway mon da. Ɛbhɛ ɛ ne yɛk ngɛ ˆɛ sim ɛn ɛkɔn na ɛ sim, ˆɛ ta mɔn ɛn ɛbhɛ.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

iRooma 7:19

Sɔng nzi mɔn ɛkɔn ɛyɛnɛng nga ne nzi sim te naa mɔn no nang, nzi yang kyii mɔn ibebhe de ne nzi mbaray me iphɛ.

iRooma 7:15

Sɔng nzi yɛɛ ɛkɔn na ne nzi mɔn nang. Sɔng nzi mɔn ɛkɔn na ne nzi sim te nzɛ i mɔn nang, nzi yang kyii mɔn nikɔn na ne nzi mbaray me.

ɛMacu 15:19

Ndɔ ne irway ɛnyi da ne icwas ivebhe da i wuusi nɛ. iCwas ne phoo ɛnyi, nzangas, re ihwel, ɛyi, iwul irywɛɛk daa nikɔn ne hame nibhɛ so itin nɛ, ne bees ɛnyi irywɛɛk.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

iFilibi 3:12

Sɔng nggɛ ku shɛɛ bhɛ tuu ɛlɔ gha ne nzi sim na bhɛ tuu wo nang. Sɔng nggɛ ku shii te hyɔrɔ nang. Kwa! Nzi yang kyangas me nɛ te nzɛ ɛwɛng nga, daa ɛli ne ɛYɛso ɛKiriti gha kɛ ku hyere me nggɛ teme ɛhaa ɛbhɛ.

ɛLuka 11:13

Wu nyinɛn no, ne ɛ bok ɛn ibebhe de, ɛɛ jung yɛɛ ɛn nikɔn niyɛnɛng nga ne aa nang ɛn ninɔn mon na, ɛKyɛɛ mon ɛdaa ne irywa gha yaa nang ninaa nɛ nibhɛ kɛ phom ɛbhɛ iKabyik ɛTaanggbey de gbom.

iRooma 13:14

Te njwɛɛn yang boos ɛDaray ɛYɛso ɛKiriti yegha cɛcɛk ne ibek te ɛtura ne njwɛɛn kɛ yɛk ngɛ, sɔng njwɛɛn sim i roos icwas ne irway njwɛɛn da ne ifɛ aa te njwɛɛn yaa sim ibebhe de nang.

iRooma 7:5

Daa ɛli ne nten de ne njwɛɛn kaa i roos izɔlɔs ne irway ɛten ɛsii da nɛ wo, iMɛmɛ ɛMuusaa da kaa ne yɛɛs ne ihyop igywebhe ne ibek njwɛɛn. iHyop igywebhe yɛdee wo ne i mɔn ɛtomɛ ndɔ ne ibek njwɛɛn de, ne ɛ nang ikpam ivebhe ne ifɛ yɛɛs ne iku.