iRooma 7:14 - ɛWee ne ìTsɛm iHywas

¹⁴ Njwi i yɛɛ ɛli ne iMɛmɛ ɛMuusaa da so ibol ne ikabyik, mee wo nang ne n bok icwas ne irway ɛten ɛsii, nggɛ te me ɛkpuru ne ɛfɔt ta.

iRooma 7:14 ပူးပေါင်းရင်းမြစ်များ

iRooma 7:18

Nzi yɛɛ sɔng ɛkɔn ɛyɛnɛng i shɛɛ ndɔ mee wo nang, ndɔ ne icwas ne irway ɛten ɛsii da ne ifɛ so ndɔ nge de. Nzi yang sim te nzɛ mɔn ɛkɔn ɛyɛnɛng nga, sɔng nzi ne ji kyi yɛɛ ne mɔn nɛ nang.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

ɛMacu 5:28

Mee wo nzi ne bok nyini, gbik ɛnyi gha ne ɛ kɛ yɛɛn ɛkuk ka ne irwisɛ ne ihyop ne ibek, ɛ kɛ ne ku ra nzangas de ne ɛkuk ka nggyɛ wo ndɔ ne irway ɛbhɛ.

ɛMacu 5:22

Mee wo nzi ne bok nyini, ɛnyi gha ne kɛ te njenjek ne ɛgwaa ɛbhɛ gha, sɛ ne bol ɛbhɛ ɛshara. ɛHiha ɛnyi gha ne ɛ bol ivol ivebhe da ɛgwaa ɛbhɛ gha, itɔrɔng ngge sɛ ne soosek ɛbhɛ ɛnu ɛyisɛ. ɛHiha ɛnyi ne ɛ kɛ ne ta yaak ɛgwaa ɛbhɛ wu ɛ soye ɛwamang, ɛ sɛ ne bhɛ lel ne ijwee ne igboo.

ɛLuka 7:6

iPhɛ ɛlɛy yang, ɛYɛso gha ne roos nibhɛ. Kɛ ne sɛ nibhɛ yek cɛcɛk ne ijwee ɛndiinday yo nang, ɛndiinday ya ne kyii shii tom nitaay ɛbhɛ ɛlɔ ɛYɛso gha, wu tɛ nibhɛ bhɛ yaak ɛbhɛ, “ɛDaray, sɔng, ɛ tak ito mo iyɔm ɛ yɛɛs so nang. Sɔng nggɛ ma yung hɔn ɛ sɛ lel ndɔ ne ijwee nge wo nang.

ɛLuka 5:8

Kɛ ne sɛ ɛSimɔn na, ne i bok ɛbhɛ ɛBiturus sa, kɛ yaang ɛlɛ wo, ne ɛbhɛ ho ɛYɛso yegha, nggbuk, ne iphanta ɛ yaak ɛbhɛ, “Hyel ɛ tek me ɛDaray yɔɔy. Nzo me ɛhaa ne ɛfɔt!”

ɛMacu 18:25

Daa ɛli ne aa sang yɛɛ ne tal lɛ wo nang, ɛkyɛɛ ne ijwee ɛbhɛ gha ne yɛk ngɛ wu te bo ɛbhɛ ne ɛkuk ɛbhɛ, nɛ ninɔn ɛbhɛ gbik ne ɛkɔn na ne ɛ bok, i bhɛ rɛp i bo ijam mɛ i tal ne ɛkɔn na ne i roos ɛbhɛ wo.

ɛMacu 16:23

ɛYɛso gha ne hyereey ne ɛ yaak ɛBiturus segha, “Cwi gɔɔ ɛbɛ wo ɛShɛtan ɔɔy! ˆƐ sim aa teyɛ ikɛɛ ne ɛkɔn ne kyibhɛ nge, sɔng icwas sɛdaa wo le ɛlɔ ɛTaanggbey yang, ifɛ le ɛlɔ ɛten ɛsii.”

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.

iRooma 3:9

Njwɛɛn ya ne ji taal i yɔng ɛli daa mɛɛ? Njwɛɛn niYahodawa na ne ji phyin ninaa ne hame nibhɛ soye niYahodawa naa? Kwa! Sɔng ɛlɛy yang! Njwi kɛ ku tɔɔl nyini njwi bo niYahodawa na nɛ ninyi na ne hame nibhɛ soye niYahodawa na gbik so ndɔ ɛta ne ɛfɔt.

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iGalatiya 4:3

Ɛlɛy ne iphɛ ne so ne njwɛɛn no, ɛli ne njwɛɛn kɛ tɔ tɛ ninɔn na, njwɛɛn kaa so nikpuru daa ne igbɔm ne ikpabyik ɛzay da.