iRooma 6:6 - ɛWee ne ìTsɛm iHywas

⁶ Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iRooma 6:6 ပူးပေါင်းရင်းမြစ်များ

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iGalatiya 6:14

Sɛɛ so te me wo, sɔng naa ne hal ɛgyɛy ya nang. Wu naa yung hal ɛgyɛy ya, naa ne hal daa ne bol ne gangat ɛDaray njwɛɛn ɛYɛso ɛKiriti ye, daa ɛli ne ibol ne gangat ɛYɛso yede kɛ te nikɔn ɛzay ya te te ikom ɛlɔ nge gha, nggɛ ne ma te te ikom mɛ ɛlɔ nikɔn ɛzay ya.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iRooma 8:13

Wu ˆɛ kɛ ne shɛɛ ɛn ɛli ne icwas ne irway ɛten ɛsii da i sim mo ˆaa ne kus ɛn. Wu ˆɛ kɛ ne yang phoo ɛn icwas nikɔn na nɛ nibhɛ te nyini ˆɛ mɔn ɛn ɛfɔt to lenɛ ne ihwet ne iKabyik ga ˆaa ne shɛɛ ɛn niken.

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

iRooma 6:12

iPhɛ ɛlɛy, sɔng ne ɛ sim ɛn ɛfɔt to tɔ re igbɔm ne ibek mon nɛdee wo ne iphɛ sɛ ku wo, ɛ roos ɛn nikɔn nibebhe na ne iphɛ sim mo nang.

iRooma 7:14

Njwi i yɛɛ ɛli ne iMɛmɛ ɛMuusaa da so ibol ne ikabyik, mee wo nang ne n bok icwas ne irway ɛten ɛsii, nggɛ te me ɛkpuru ne ɛfɔt ta.

2 iKɔrɔntos 5:14

Gbik ɛkɔn na ne njwii mɔn, njwi mɔn ɛbhɛ daa ɛli ne ishwim ɛKiriti bok igbɔm daa mos. Daa ɛli ne njwii kɛ nang ne itin nɛ wu ɛKiriti gha kɛ ku ɛlɔ ninyi na gbik, iphɛ ɛlɛy ninyi na gbik kɛ ne ma kus ndɔ ɛbhɛ.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.