iRooma 6:4 - ɛWee ne ìTsɛm iHywas

⁴ Kaa ne Lenɛ ne ibatisima njwɛɛn de, ne rɛɛ njwɛɛn ne ɛYɛso gha ndɔ ne iku ɛbhɛ de te lenɛ ɛli ne kaa yiisik ɛKiriti yegha tsik ndɔ ne ikpuu da ndɔ ne ito-ndiinday ɛTaanggbey de, te njwɛɛn ma yaa shɛɛ ishwɛɛ ne iken iphas.

iRooma 6:4 ပူးပေါင်းရင်းမြစ်များ

ɛYohana 11:40

ɛYɛso gha ne yaak ɛbhɛ, “Sɔng nggɛ yaak kɛ wu ɛ kɛ nang ne itin nɛ aa ne yaang ito-ndiinday ɛTaanggbey de nang nge?”

ɛYohana 2:11

ɛKɔn ne kparat tɛghaa wo ɛbhɛ kaa so ɛhaa ne ɛYɛso gha kɛ tsa ɛ mɔn, ɛ kaa ne mɔn ɛbhɛ ndɔ ɛgarang ne iKaana ne ɛ so ne ivel ne iGalili. Ɛ kaa ne tɔɔl ito-ndiinday ɛbhɛ, ninɔn ne icwam ɛbhɛ na ne nang ne itin nɛ ne ɛbhɛ.

ɛTomɛ 2:24

Gbik ne phɛ ɛlɛy, ɛTaanggbey ya ne yiisik ɛYɛso yegha tsik ndɔ ne ikpuu da. Ɛ kaa sɔ nggbang ndɔ ne iku de, sɔng ɛTaanggbey ya ne sim ɛ shɛɛ ndɔ ne iku de nang, daa ɛli ne sɔng ikpuu da yaa yɛɛ ne boos ɛbhɛ nang.

ɛTomɛ 2:32

ɛTaanggbey ya kaa yiisik ɛYɛso yɛghaa wo tsik ndɔ ne ikpuu da, gbik mos so njwi kaa yaang ɛlɛy ɛtsak.

iRooma 6:19

Nzi bol ne nyinɛn te ɛli ne ɛten ɛsii i bol, daa ɛli ne ɛ so ɛn niten nisii, icwas mon da kɛ ne taasek. Ne ile de ɛ kaa nang ɛn nilɔ ne ibek mon na nibhɛ teye nikpuru nikɔn ne ishis gbik ne ibebhe ne iphɛ hanas se nɛ. ɛLyilyɛghaa wo, iphɛ ne so nggbinggbing, ɛ nang nilɔ ne ibek mon na nibhɛ teye nikpuru nitomɛ nicik, nɛ nibhɛ te ɛ shɛɛ iwɛwɛy.

iRooma 6:3

Ɛ doo ɛn ɛli ne gbik njwɛɛn no ne kaa yɛk njwɛɛn ne ibatisima de ndɔ ɛYɛso ɛKiriti gha, kaa ma ku yɛk njwɛɛn ne ibatisima ne iku ɛbhɛ de naa?

iRooma 6:8

Te ɛli ne njwɛɛn kɛ ne ku nɛ ɛKiriti gha, njwɛɛn kɛ ne nang ne itin nɛ njwɛɛn sɛ shɛɛ niken ne ɛbhɛ dɔng.

iRooma 6:9

Njwɛɛn i yɛɛ ɛli ne kɛ yiisik ɛKiriti yegha ne ikpuu da, sɔng ɛ sɛ ne tang ta ku dɔng nang. Sɔng iku de ne ta bok ito daa ɛbhɛ nang.

iRooma 7:6

ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

1 iKɔrɔntos 6:14

ɛTaanggbey ya kaa yiisik ɛDaray yegha tsik ndɔ ne ikpuu, ɛ sɛ ne ma yiisik njwɛɛn tsik ndɔ ne ikpuu ba lenɛ ne ihwet ɛbhɛ.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

iKɔlɔsi 4:1

Nyinɛn nikyɛɛ ne ijwee, boos ɛn nikpuru mon na cik, nang ɛn nibhɛ ɛkɔn na ne ɛ kɛ jam, daa ɛli ne ˆɛ yɛɛ ɛn ˆɛ ma bok ɛn ɛKyɛɛ ne ijwee gha daa ne irywa.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

1 ɛYohana 2:6

Gbik ɛnyi gha ne ɛ bo wu so ndɔ ɛTaanggbey ya, iphɛ ne so nggbinggbing ɛ hyel ihywel da ɛli ne ɛYɛso ɛKiriti gha kɛ hyel lo.