iRooma 5:6 - ɛWee ne ìTsɛm iHywas

⁶ Yaang ɛn, kaa ne ji sɛ nten nɛ kɛ shwaak ghe, nten de ne njwɛɛn kɛ tɔ iMarasha, ɛKiriti gha ne ku ɛlɔ njwɛɛn ninaa ne ɛfɔt to.

iRooma 5:6 ပူးပေါင်းရင်းမြစ်များ

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

ɛTitus 2:12

iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.

iRooma 4:5

ɛNyi gha ne ɛ kɛ ne sang hal ɛgyɛy ne ɛtomɛ ɛbhɛ gha, ɛ yang nang ne itin nɛ ne ɛTaanggbey ya ne ɛbhɛ ɛ say nibebhe ninyi na wu nibhɛ so cik ko, sɛ ne bo ìnang ne itin ɛnyi yɛdee nggyɛ wo i say ɛbhɛ wu ɛ so cik.

iBirani 9:26

Sɛɛ yɔng ɛlɛy yo, ɛYɛso gha saa ne i ku ɛ kyi ta mɔɔng ɛ ku ne ile ne tum ɛzay de. ɛYɛso gha kaa yang tɔɔrek ito ɛbhɛ ɛdaan zɔng nten de ne ɛtuk ɛshara gha yungaa shwaak ghe, te ɛ ba ɛfɔt to lenɛ ne ɛ kɛ nang ito ɛbhɛ de.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

1 ɛTimɔti 1:9

Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 iTasɔlɔnika 5:9

Sɔng ɛTaanggbey ya kɛ kasa njwɛɛn te njwɛɛn sɛ sɔ nggbang ne njenjek ɛbhɛ nang. Ɛ kɛ yang kasa njwɛɛn te njwɛɛn sɛ iphɔrɔt, lenɛ ne ɛDaray njwɛɛn ɛYɛso ɛKiriti gha.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

ɛYahuza 1:15

te ɛ hyɛ ninyi na ɛshara gbik. Ɛ sɛ ne tɔɔrek ninyi na nɛ nibhɛ sang i shɛɛ ihywee ne ishwɛɛ ɛTaanggbey da nitomɛ nibhɛ na nɛ nibhɛ sang soye ninaa ɛTaanggbey ya. Ɛ sɛ ne phaasel gbik ivol ivebhe da nɛ ninaa ne ɛfɔt ta nɛ nibhɛ sang i shɛɛ ihywee ne ishwɛɛ ɛTaanggbey da kɛ bol daa ne ito ɛbhɛ de.”

2 ɛBiturus 3:7

Ne ta so ibol ɛTaanggbey idaan nɛ iphɛ kɛ tek irywa wo ne ivel da i hyep ne igboo wo. Kɛ tek irywa wo ne ivel da i hyep ne ɛtuk ne hyɛ ɛshara gha ne sɛ phoo ninyi na nɛ nibhɛ sang ɛnik ɛTaanggbey.

iRooma 11:26

ɛLɛy ne sɛ mɔn i phɔt niSɛrɛla na gbik. Te ɛli ne ɛWee ne iBol ɛTaanggbey yo i bo: “ɛHaa ne phɔt ta sɛ le ne iSihiyɔɔna. Ɛ sɛ ne tul iyɔm ne roos ɛTaanggbey yede ne iphɛ so ndɔ ninɔn ɛYakub na gbik.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”

iRooma 5:7

iPhɛ bok nggbang gbom ɛnyi gha ku ɛlɔ ɛnyi gha ne ɛ so cik ko, sɛɛ ne ma rɔk ɛdɛ ɛnyi gha rop ku, ɛ ku ɛlɔ ɛnyi ɛyɛnɛng.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

iRooma 8:34

ɛHay ɛbhɛ ɛ kɛ hɔn ɛ sɛ yɛɛ ne hyɛ ɛnyi gha ɛshara ne iku ghaa? Wɛlɛng ɛnyi! ɛYɛso ɛKiriti gha ne ɛ kɛ ku, iphɛ phyinti ɛlɛy, ɛ kɛ ne yilitsik ne ikpuu da, ɛ so ne iwɔ ne irwye ɛTaanggbey yo ɛɛ bol ne ɛTaanggbey ya ɛlɔ njwɛɛn.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iBirani 8:3

I kasa ɛGɔm Nibo na te ɛ hap itsanga nɛ izɛɛng nɛ ninyi i yɛɛset nɛ, nɛ nikɔn ne hap itsanga yɛ. ɛLɛy iphɛ ne ma so nggbinggbing ɛGɔm Nibo njwɛɛn na ma bok ɛkɔn na aa hap ne itsanga de.