iRooma 5:2 - ɛWee ne ìTsɛm iHywas

² Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iRooma 5:2 ပူးပေါင်းရင်းမြစ်များ

iFisus 2:18

Daa ɛli ne i lenɛ ne ɛKiriti gha njwɛɛn itaang ifaa de, niYahodawa na nɛ ninaa nɛ nibhɛ sang so niYahodawa na i yɛɛ ne lel ɛnu ɛyisɛ ɛTaanggbey ya ne ɛ so ɛTaa gha ne ɛnkiinɛ ɛdaan nɛ, kaabi iKabyik ge.

iFisus 3:12

Kɛ lenɛ ne ìtsɛm be ne njwɛɛn bok ne ɛKiriti gha, gbik ne ìnang ne itin de ne ɛbhɛ wo, njwɛɛn i ne phɛ ɛnu ɛyisɛ ɛTaanggbey ya tɔrɔk wɛlɛng ɛnik.

1 iKɔrɔntos 15:1

ɛLyilyɛghaa wo nigwaa en, nzi sim na taate nyini ne iBol iYɛnɛng ngge ne nggaa tɔng nyini wo, idee ne ɛ kɛ say ɛn, ɛ ta roos ɛn no.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

ɛYohana 10:9

Mee n so ɛnu ne izuk ne ibang nga, ɛhiha ɛnyi ne ɛ kɛ roos ɛlɔ nge gha ɛ lel, aa ne phɔrɔt. Aa ne i leesel ɛ ta wuusi, ne i hyep ɛbhɛ yɛnɛng.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

Nikɔn ne kɛ Phaal 21:23

Sɔng ɛgarang ngɛ i tɔk iroy ne ifɛl ne nɛ nibhɛ yaa te ɛbhɛ saa nang, daa ɛli ne ito-ndiinday ɛTaanggbey de iphɛ nang ɛgarang ngɛ iwɛwɛy de, ɛNgɔn ne ɛpharak ka ɛbhɛ soye ɛpitila ɛgarang ngɛ.

Nikɔn ne kɛ Phaal 21:3

Ne n phok ɛgbaang ne izɔlɔs ihywɛ le ɛcuruu ne igbɔm ma ihywɛ bo, “ɛLyilyɛghaa wo ɛlɔ ne shɛɛ ɛTaanggbey ya ne so ɛlɔ nɛ nibhɛ shɛɛ nɛ nɛ ninyi. Aa shɛɛ nɛ nibhɛ, nibhɛ ne teye ninyi ɛbhɛ. ɛTaanggbey ya ne ito ɛbhɛ aa shɛɛ nɛ nibhɛ, ɛ teye ɛTaanggbey nibhɛ.

iRooma 5:5

Sɔng iyɛk ne irway da yaa ne te buu nang, daa ɛli ne ɛTaanggbey ya kɛ sit ishwim ɛbhɛ da ndɔ ne irway njwɛɛn da lenɛ ne iKabyik ɛTaanggbey de ne ɛTaanggbey ya kɛ nang njwɛɛn.

iRooma 3:23

daa ɛli nɛ ninyi na gbik kɛ mɔn ɛfɔt nibhɛ kɛ ne taasek ndiinday ɛTaanggbey de.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 10:7

iPhɛ ɛlɛy, ɛYɛso gha ne ta ɛ yaak nibhɛ, “Nzi tɔng nyini itin nɛ, Mee nzo ɛnu ne izuk ne ibang ntsabhak ge.

Nikɔn ne kɛ Phaal 21:11

ɛGarang nga ne i tol lenɛ ne ito-ndiinday ɛTaanggbey. iTol lɛ ne so te ivaa ne idɛ ikɛɛ ne izel de ne i bok iphɛ iyasipa, iphɛ so nggyɛnggyɛl te ɛmɔdɔbi.

Nikɔn ne kɛ Phaal 3:21

Gbik ɛnyi gha ne ɛ kɛ re ɛwɛng ndɔ ne itsom mɛdee wo, nzɛ ne nang ɛbhɛ ɛnkiinɛ ɛ soos ne mee ɛcuruu ne igbɔm nge gha te ɛli ne nggɛ ma re ɛwɛng nga nggɛ soos ne ɛKyɛɛ nge gha ɛcuruu ne igbɔm ɛbhɛ gha.

iBirani 6:18

ɛTaanggbey ya kɛ nang nikɔn ifaa, ibol ne ɛ kɛ rop ne iLɛlɛm ihywa. Sɔng i ne yɛɛ ne hyere nikɔn nɛnaa nggyɛ wo nang, daa ɛli ne sɔng ɛTaanggbey ya i yɛɛ ne hyɛ irywɛɛk nang. iPhɛ ɛlɛy, njwɛɛn no ne kɛ tel bhɛ kyɛngɛy ɛlɔ ɛbhɛ gha, njwɛɛn yaa ne yɛɛ ne kyinak ne ihwet i hyep ibol ɛbhɛ de ne ɛ kɛ ku rop po ne njwɛɛn kɛ sit irwisɛ da.

iRooma 8:24

Ɛlɛy, daa ne yɛk ne irway yɛdaa wo ne kɛ phɔt njwɛɛn nɛ. Wu njwɛɛn kɛ ne yaang ɛkɔn ne njwɛɛn kɛ yɛk ne irway da, sɔng iphɛ ne ta tɔye iyɛk ne irway nang. Ɛhay ɛbhɛ yɛk ne irway da daa ɛkɔn na ne ɛɛ yaang ngoo?

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

iFisus 6:13

iPhɛ ɛlɛy, ne ˆɛ yɛk ɛn nɛ igbum ba ne ɛTaanggbey ya kɛ nang ngo gbik, te sɛ́ ne sɛ ɛtuk ɛbebhe gha kɛ yɛɛs, ne ˆɛ yɛɛ ne kyinak ɛn gɛgɛy. Te ne sɛ ɛtsim mɛ ne ˆɛ kɛ taal ɛn gbik, ne ˆɛ jung kyinak ɛn nting.

2 iKɔrɔntos 3:18

Njwɛɛn no ne kɛ sang cwaal ɛyisɛ njwɛɛn na nang, njwɛɛn ne tɔɔsel ndiinday ɛDaray de, ne jii hyeem njwɛɛn te njwɛɛn te te ɛbhɛ. iHyeem ba ne hyeem njwɛɛn no ne hanas se ne ndiinday, ndiinday de ne iphɛ le ɛlɔ ɛDaray ya ne ɛ so iKabyik ge.

iRooma 14:4

Ɛ soyɛ ɛhay ne aa hyɛ ɛkpuru ɛhak ɛnyi gha ɛshara gha? Wu ɛkpuru gha kɛ mɔn ɛkɔn ɛyɛnɛng, hang ɛ kɛ taasek yoo iphɛ so ɛlɔ ɛkyɛɛ ne ijwee ɛbhɛ. iPhɛ ku so ɛ sɛ re ɛshara gha daa ɛli ne ɛDaray ya bok ito ne ɛ te ɛbhɛ ɛ re ɛshara gha.

iRooma 11:20

Ɛlɛy ne phɛ so! Kaa ne hyɛghɛ ilaak ge nɛ ne itin nɛwo daa ne yɔm ne sang nang ne itin nɛ. iGyɛ wo nang, ne lenɛ ne nang itin nɛ ɛ kɛ ne sɛ ɛ shɛɛ ndɔ ne itin de. iPhɛ ɛlɛy, sɔng ne ɛ hal ɛgyɛy ya nang, yang wum ɛnik.