iRooma 5:18 - ɛWee ne ìTsɛm iHywas

¹⁸ iPhɛ ɛlɛy, ɛli ne ɛfɔt ɛnyi ɛdaan no kɛ yɛɛs ne iku de daa ninyi na gbik ko ɛlɛy ne ihywel icik ɛnyi ɛdaan da kɛ ne ma te kɛ say ninyi na gbik wu nibhɛ so cik ɛnu ɛyisɛ ɛTaanggbey, iphɛ kɛ ne te nibhɛ bok iken.

iRooma 5:18 ပူးပေါင်းရင်းမြစ်များ

1 iKɔrɔntos 15:22

ɛLi ne gbik ninyi na kɛ yaa kus daa ɛli nɛ nibhɛ so ninɔn ɛDɛmu na, ɛlɛy gbik ninyi na nɛ nibhɛ soye ninaa ɛKiriti na sɛ ne ma yiisitsik ne ikpuu da.

iRooma 5:12

ɛFɔt to kaa yɛɛs ndɔ ɛzay ya lenɛ ne ɛnyi ɛdaan, ɛfɔt to kɛ ne yɛɛs ne iku. iKu de kɛ ne teye idee ninaa ɛzay gbik, daa ɛli nɛ ninaa ɛzay ya gbik kɛ mɔn ɛfɔt.

iRooma 5:15

iZɛɛng ɛTaanggbey de ne ɛ kɛ nang lenɛ ne ɛnyi gha ne ɛ sɛ yɛɛs so ne labhe ne ɛfɔt ɛDɛmu wo. ɛTsak, ɛfɔt ɛnyi ɛdaan nɛwoo nggyɛ wo kɛ hɔ ninyi gbom iku. iZɛɛng ɛTaanggbey de ne phyin ne igbom, izɛɛng ɛbhɛ de ne ɛ kɛ nang lenɛ ne ɛnyi ɛdaan nɛghaa nggyɛ wo, ne ɛbhɛ so ɛYɛso ɛKiriti gha kɛ ne sit ninyi na gbarang ne ɛwɛng gbogbom.

iRooma 5:19

Ɛli ne kɛ lenɛ nɛ ɛnyi ɛdaan na ne ɛ kɛ sang roos ibol ɛTaanggbey de ninyi na gbom teye ninaa ne mɔn ɛfɔt to, ɛlɛy ne kɛ ne ma lenɛ ne ɛnyi ɛdaan ne ɛ kɛ roos ibol ɛTaanggbey de kɛ ne say ninyi na gbom wu nibhɛ so cik ɛnu ɛyisɛ ɛTaanggbey ya.

ɛTomɛ 13:39

Kɛ ne lenɛ ne ɛYɛso, gbik ɛnyi gha ne ɛ kɛ nang ne itin nɛ, kɛ ne say ɛbhɛ wu ɛ so cik ɛnu ɛyisɛ ɛTaanggbey, ɛkɔn na ne hame ɛShara ɛMuusaa gha kaa sang yɛɛ ne mɔn nɛ wo.

iBirani 2:9

Njwi yang yaang ɛYɛso yegha ne kaa yɛk ngɛ igbɔm ɛbhɛ taasek ivaa nimalɛka da. ɛLyilyɛghaa wo, kɛ ne nang ɛbhɛ ne ndiinday ne igbom, daa ɛli ne ɛ kɛ sɔ nggbang ne iku. Ɛ kaa mɔn ɛlɛ wo te lenɛ ne izɛɛng ɛTaanggbey de ɛ ku ɛlɔ ninyi na gbik.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

ɛYohana 1:7

Ɛbhɛ kaa yɛɛs te ɛ tɔng ninyi na ibol ne iwɛwɛy de, tɛ ninyi na gbik ne phok nibhɛ nang ne itin nɛ.

ɛYohana 12:32

Yaa sɛ kɛ yinɛ me ndɔ ne ivel da, naa ne hɔ ninyi gbik ɛlɔ nge.”

1 ɛYohana 2:20

Nyinɛn no, ɛKiriti gha ɛhaa ne ɛ so kang ngo kɛ ne tul nyini kang, iphɛ ɛlɛy gbik mon no ˆɛ yɛɛ ɛn itin de.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

ɛYohana 3:26

iPhɛ ɛlɛy yang, ninɔn ne icwam ma ne phɛ ɛlɔ ɛYohana gha nibhɛ bhɛ yaak ɛbhɛ, “ɛKyɛɛ ne icwam! ɛNyi gha ne ɛ kɛɛ so ɛn ne ɛbhɛ wo gɔɔ ne ikpang iHywel ne iWurudun no nang; ɛnyi gha ne ɛ kɛɛ mɔng njwii ibol ɛbhɛ de. Ɛ kɛ ma yaa yaak ninyi na ne ibatisima de, ɛrɔngɔ kɛ ne yaa phɛɛs ɛlɔ ɛbhɛ.”

iRooma 3:25

ɛTaanggbey ya kɛ tom ɛYɛso yegha te igyol ne hap itsanga, te ne ji lenɛ nɛ neyi ɛbhɛ te han ninyi na ne ɛfɔt nibhɛ wo lenɛ nɛ nibhɛ kɛ nang ne itin nɛ ne ɛbhɛ. ɛTaanggbey ya kɛ mɔn ɛlɛ wo te ɛ tɔɔrek wu ɛ so cik, daa ɛli ne ile de ɛTaanggbey ya kaa bok ɛbɔk daa ne ɛfɔt ninyi wo, sɔng ɛ kaa wɛɛ ibol lɛ nang.

iRooma 6:14

Mɔn ɛn ɛlɛ wo daa ɛli ne sɔng ɛfɔt to bok igbɔm daa mon nang. Sɔng ɛ tɔ ɛn nikpuru ne iMɛmɛ ɛMuusaa da nang, ɛ so ɛn ndɔ ne izɛɛng ɛTaanggbey.