iRooma 5:1 - ɛWee ne ìTsɛm iHywas

¹ iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

iRooma 5:1 ပူးပေါင်းရင်းမြစ်များ

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

iKɔlɔsi 1:20

iPhɛ so ɛTaanggbey yegha ɛkɔn ne irway ihwala ɛ kyii nɛ nikɔn na ne ɛ kɛ ryɔng ngo gbik ɛlɔ ɛbhɛ lenɛ ne ɛNgɔn na. Kaabi kɛ lenɛ nɛ neyi na ne ɛNgɔn na kɛ lok daa ne ihon, ɛ kyii ne ìtsɛm ndɔ nikɔn na ne ɛ kɛ ryɔng ngo ne ɛbhɛ, nikɔn gbik, ninaa ɛzay nɛ ninaa ɛdaa ne irywa.

iRooma 6:23

I tal ɛfɔt to nɛ ne iku, izɛɛng ɛTaanggbey de ne so iken ne inat lenɛ ne ɛDaray njwɛɛn ɛYɛso ɛKiriti.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

2 iTasɔlɔnika 3:16

Te ɛDaray ya ne ito ɛbhɛ, ne ɛ soye ɛhaa ne irway ne laal la nang nyini irway ne laal cɛcɛɛy ndɔ ne nikɔn na gbik. Te ɛDaray ya shɛɛ ne nyinɛn gbik.

ɛYohana 14:27

Naa tek nyini ne irway ne laal; irway ne laal nge ne naa nang nyini. Sɔng nzi nang ifɛ ɛli ne ɛzay ya nang ngo nang. Sɔng ɛ tek ɛn irway mon tak nyini iyɔm mang, sɔng ne ɛ wum ɛn ɛnik kang.”

iRooma 4:5

ɛNyi gha ne ɛ kɛ ne sang hal ɛgyɛy ne ɛtomɛ ɛbhɛ gha, ɛ yang nang ne itin nɛ ne ɛTaanggbey ya ne ɛbhɛ ɛ say nibebhe ninyi na wu nibhɛ so cik ko, sɛ ne bo ìnang ne itin ɛnyi yɛdee nggyɛ wo i say ɛbhɛ wu ɛ so cik.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

iRooma 15:33

Te ɛTaanggbey ya ne ɛ nang irway ne laal da shɛɛ ne nyinɛn gbik. Ɛɛy.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

iRooma 5:18

iPhɛ ɛlɛy, ɛli ne ɛfɔt ɛnyi ɛdaan no kɛ yɛɛs ne iku de daa ninyi na gbik ko ɛlɛy ne ihywel icik ɛnyi ɛdaan da kɛ ne ma te kɛ say ninyi na gbik wu nibhɛ so cik ɛnu ɛyisɛ ɛTaanggbey, iphɛ kɛ ne te nibhɛ bok iken.

ɛLuka 19:42

Ne ɛ boote, ɛ yɔngɔ, “iZenge wo sɛ ji yɔng ɛ yɛɛ ɛn ɛkɔn na ne aa yɛɛs ne ncaang nggee! iPhɛ dee kɛ ne rɛɛ nyini nɛ!

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

ɛLuka 19:38

Nibhɛ bo, “Te sit ɛgɔm ma ne ɛ kɛ yɛɛs ndɔ ne irywɛɛk ɛDaray yo nɛ ɛwɛng. Kɛ ne sɛ irway ne laal ɛdaa ne irywa ne ito-ndiinday daa Nyu ne irywa.”

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

iRooma 10:10

Daa ɛli ne ɛɛ nang ne itin de ndɔ ne irway mo ne say yɛ wu ɛ so cik ɛnu ɛyisɛ ɛTaanggbey ya, aa ne ta boote ne ɛnu mo dɔng ɛ sɛ iphɔrɔt da.

iRooma 3:30

ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

iRooma 1:17

Daa ɛli iBol iYɛnɛng ngge iphɛ phaal ɛli ɛTaanggbey ya i say ɛnyi wu ɛ so cik. Ninyi na ne say icik kɛdee nggɛ wo lenɛ ne nang ne itin nɛ, ɛli ne kɛ haa i bo: “ɛCik ka yaa shɛɛ ɛken lenɛ ne nang ne itin nɛ.”

iBirani 13:20

ɛTaanggbey ne irway ne laal la kɛ yiisik ɛDaray njwɛɛn ɛYɛso yegha ne ikpuu. Ɛ mɔn ɛlɛ wo lenɛ nɛ neyi ne ìtsɛm ne inat ne kɛ rop. ɛYɛso yeghaa wo ɛbhɛ ɛ soye ɛGbaang ɛHaa ne Hyep ntsabhak ge.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

iGalatiya 3:25

Ɛlyilyɛghaa wo ne ìnang ne itin de kɛ ne ji yɛɛs so, sɔng ɛShara gha ne ta tɔ wɛɛ njwɛɛn no nang.

iRooma 10:15

Yaa ne ta mɔn ɛli ninaa ne sanga ibol la bhɛ sanga ibol de wu kɛ sang tom nibhɛ woo? Te ɛli ne kɛ haa ndɔ ne ɛWee ne iBol ɛTaanggbey yo i bo, “iYɛɛs ninaa ne sanga ibol iyɛnɛng ngge kɛ jam gbom!”

iRooma 9:30

Njwɛɛn yaa ne ji ta yɔng ɛli da mɛɛ? Ninyi ne hame nibhɛ soye niYahodawa na, nɛ nibhɛ sang ta kyangase nɛ tɛ nibhɛ sɛ icik ɛTaanggbey de, kɛ ne sɛ. iCik ge ne i sɛ lenɛ ne ìnang ne itin ne de.

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

iRooma 3:22

iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

iRooma 5:11

Sɔng ɛlɛ wo zɔng nang, njwɛɛn bok irway ihwala ne ɛkɔn na ne ɛTaanggbey ya kɛ mɔn lenɛ ne ɛDaray njwɛɛn ɛYɛso ɛKiriti gha, ne kɛ lenɛ ne ɛbhɛ i kyii ta ryɔng njwɛɛn ne ɛTaanggbey ya.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,