iRooma 3:5 - ɛWee ne ìTsɛm iHywas

⁵ Wu iyɔm ne icik njwɛɛn de kɛ ne kyii ɛnkiinɛ wo ne yaa seng ɛli ne ɛTaanggbey ya so icik ko, njwɛɛn yaa ne ji yɔng ɛli daa mɛɛ? Njwɛɛn yaa yɔng wu ɛTaanggbey ya sang so icik ne ɛ so njenjek ne njwɛɛn noo? ɛLi ne nzi bol ɛlɛ wo, nzi maa bol icwas ɛten ɛsii.

iRooma 3:5 ပူးပေါင်းရင်းမြစ်များ

iRooma 6:19

Nzi bol ne nyinɛn te ɛli ne ɛten ɛsii i bol, daa ɛli ne ɛ so ɛn niten nisii, icwas mon da kɛ ne taasek. Ne ile de ɛ kaa nang ɛn nilɔ ne ibek mon na nibhɛ teye nikpuru nikɔn ne ishis gbik ne ibebhe ne iphɛ hanas se nɛ. ɛLyilyɛghaa wo, iphɛ ne so nggbinggbing, ɛ nang nilɔ ne ibek mon na nibhɛ teye nikpuru nitomɛ nicik, nɛ nibhɛ te ɛ shɛɛ iwɛwɛy.

iGalatiya 3:15

Nigwaa en, te n tes nyini nɛ nikɔn na ne ɛ mɔn ɛn cɛcɛɛy. I sɛ ninyi ifaa kɛ sime ne ɛkɔn nɛ nibhɛ aa mɔn, nibhɛ rop ɛbhɛ, sɔng ɛnyi ya ne tang yɛɛ ne hobhose nang, sɔng ɛnyi ya ne ta yɛɛ ne hante ne ɛkɔn nang.

1 iKɔrɔntos 9:8

Nzi bol ibol lɛ de wo ne icwas ɛten ɛsii naa? Hang iMɛmɛ ɛMuusaa da kɛ ma sang bol ɛlɛy naa?

iRooma 7:7

Njwɛɛn yaa ne ji yɔng ɛli da mɛɛ? iMɛmɛ ɛMuusaa da so ɛfɔt naa? Kwa! Yang so ikpii ne iMɛmɛ da ifɛ i te ɛfɔt to kpas. Sɛɛ yɔng iMɛmɛ ɛMuusaa da kɛ sang yɔngɔ, “Sɔng ɛ phok ihyop ɛkɔn ɛnyi nang,” sɔng nzɛɛ ne seng ɛkɔn na ne bok ɛbhɛ ihyop be nang.

iRooma 4:1

Njwɛɛn na ne yɔng ɛli daa ɛkɔn na ne ɛkyɛɛ-nikyɛɛ njwɛɛn ɛBaraying ndɔ ne ibek ge kɛ seng daa ne ibol lɛ de woo?

iRooma 2:5

Ɛ bok ito ihet ne irway gɛgɛy, ɛ ne waa ito mo ɛndok ɛTaanggbey, ne iphɛ sɛ phaal le ɛtuk ne njenjek ɛTaanggbey ya, ɛtuk ka ne sɛ tɔɔrek ɛli ne ɛTaanggbey ya i hyɛ ɛshara ɛbhɛ gha cik ko.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 15:3

Nibhɛ ne i yaak ne iywel ɛMuusaa ne ɛ soye ɛkpuru ɛTaanggbey gbik ne ihoo ɛNgɔn ne ɛpharak ko, nibhɛ bo, “ɛTomɛ mo gha so gbom, nibhɛ so ɛkɔn ne kparat, ɛDaray ɛTaanggbey ne iTo gbik ɔɔy. Nkpiinɛ mo da so cik, ifɛ so itin nɛ, ɛGɔm ne igbagha gbik.

1 iKɔrɔntos 15:32

Wu nggɛ ta itsom be ne inyam ɛhay de ndɔ ɛgarang ne iFisus sa, daa ne icwas ɛten ɛsii, naa ne sɛ ikyee, wu sɛ sang yilitsik ninyi na ne ikpuu daa? “Nɛ njwɛɛn ku i re, ku i sɔ, daa ɛli ne njwɛɛn sɛ kus ne ihwɛlɛ, ɛli nɛ ninyi na i bol lo.”

iRooma 12:19

Nigwaa en, sɔng ɛ tal ɛn irwyen da nang, yang tek ɛn ɛTaanggbey ye nɛ ɛbhɛ tal nyini nɛ te ɛli ne kɛ ku haa i bo; “ɛDaray ya i bo, ‘Mee nzo ɛhaa ne tal irywen da, ɛDaray ya bo, me na tal lɛ nɛ.’ ”

iRooma 6:1

Njwɛɛn yaa ne yɔng ɛli daa mɛɛ? Njwɛɛn yaa ne ku see ito ne mɔn ɛfɔt to te izɛɛng ɛTaanggbey de hantey yɛɛ?

iRooma 3:19

ɛLyilyɛghaa wo, njwi yɛɛ gbik ɛkɔn na ne ɛShara gha i bol lo, ɛ bol daa ninyi na nɛ nibhɛ so ndɔ ɛta ɛShara gha. Kɛ mɔn ɛlɛ wo te ne te ninaa ne tɔk ivol la yaa kɔsɔɔy, te ne ta yɛk ɛzay ya gbik ndɔ ɛta ɛshara ɛTaanggbey.

iRooma 3:7

ɛDɛ ɛnyi gha sɛ yɛɛ ne yɔngɔ, “Wu iyɔm ne itin ne ibol nge de yang kyii tɔɔsel itin ne ibol ɛTaanggbey de wɛsɛrɛk ko, iphɛ ta teye ɛkɔn na ne aa te i hante ne nang ɛTaanggbey yegha ne ndiinday de, ikyee iphɛ kɛ ne te i so njenjek ne me wo wu n bok ɛfɔt too?

iRooma 5:8

ɛTaanggbey ya kɛ yang tɔɔrek ishwim ɛbhɛ daa njwɛɛn daa ɛli ne njwɛɛn kɛ tɔ ninaa ne ɛfɔt, ɛKiriti gha ne ku ɛlɔ njwɛɛn!

iRooma 8:31

Njwɛɛn yaa ne ji ta yɔng ɛli daa ne ibol lɛdee woo? Wu ɛTaanggbey ya ne so ɛduu njwɛɛn na, ɛhay ɛbhɛ yaa ne ta bok iphup be ne njwɛɛn noo? Wɛlɛng ɛnyi!

iRooma 9:30

Njwɛɛn yaa ne ji ta yɔng ɛli da mɛɛ? Ninyi ne hame nibhɛ soye niYahodawa na, nɛ nibhɛ sang ta kyangase nɛ tɛ nibhɛ sɛ icik ɛTaanggbey de, kɛ ne sɛ. iCik ge ne i sɛ lenɛ ne ìnang ne itin ne de.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

2 iKɔrɔntos 7:11

Yaang ɛn ɛkɔn na ne ibees irway da ne ɛTaanggbey ya i sim mo kɛ yɛk ndɔ ne irway mon da: Ifɛ kɛ te ɛ yɛk ɛn cwacwat ne hyere ishwɛɛ mon. Ifɛ kɛ te ɛ te ɛn njenjek, ɛ ta wum ɛn ɛnik. Ifɛ kɛ te ɛ yɛk ɛn ne irway, ɛ ta yel-le ɛn tsik ne ihwet. Ifɛ kɛ te ɛ yaa sim ɛn igbaat ne ifɛ kɛ jam. Daa nikɔn nɛnaa wo ɛtsak, ɛ kɛ ne tɔɔrek ɛn sɔng ɛ kɛ ben ɛn nang.

iGalatiya 2:18

“Wu nzi ne kyi ta lɔl ɛkɔn na ne nggaa ku tobhos ne ile de, nggɛ ne tɔɔk ito wu nggɛ ben ɛshara gha.