iRooma 3:30 - ɛWee ne ìTsɛm iHywas

³⁰ ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

iRooma 3:30 ပူးပေါင်းရင်းမြစ်များ

iGalatiya 3:8

Ne ile de kaa ku haa ndɔ ne ɛwee ne bol ɛTaanggbey yo wu ɛTaanggbey ya sɛ say ninyi na ne hame nibhɛ soye niYahodawa na wu nibhɛ so cik lenɛ ne itin ne bol nibhɛ. iPhɛ ɛlɛy, kaa ne ku mɔng ɛBaraying ngegha ibol iyɛnɛng ngge, i bo, “Sɛ ne lenɛ ne igyɛ ninyi ɛzay ya ne sɛ ɛwɛng.”

iGalatiya 3:20

ɛTaanggbey ya ne so ɛbhɛ ɛdaan zɔng, sɔng ɛShara gha kaa ne ku le daa ɛlɔ ɛbhɛ ɛ yɛɛs ɛlɔ ninyi na nang. Ɛ kaa roos ɛhaa ɛceree ɛ yɛɛs.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iRooma 3:28

Njwit to njwi bo wu ɛTaanggbey ya sɛ bhɛ say ɛnyi gha wu ɛ so cik ko lenɛ ne ɛ kɛ nang ne itin nɛ, sɔng lenɛ ne ɛ kɛ roos ikpii ɛshara nang.

iRooma 2:26

Wu ninaa ne kɛ sang hyɛghɛ nibhɛ icwee da kɛ shwaak ibol ɛshara de, ɛTaanggbey ya yaa ne sang bo nibhɛ tɛ ninaa ne hyɛghɛ icwee daa?

iRooma 2:27

Ninyi na nɛ nibhɛ sang hyɛghɛ icwee da ndɔ ɛli ne iMɛmɛ ɛMuusaa da i bo wo, nibhɛ kyii hyep iMɛmɛ yɛwo sɛ phoo yɛ ne. Nyinɛn niYahodawa na, ne ɛ bok iMɛmɛ da ne kɛ haa wo, ɛ ta so ɛhaa ne hyɛghɛ icwee da, ɛ kyii tes ɛkɔn na ne iMɛmɛ yɛ kɛ bol lo tsaan no.

iRooma 3:22

iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

iRooma 4:9

ɛWɛng ngɛghaa wo so ɛhaa ninaa ne kɛ hyɛghɛ nibhɛ icwee zɔng nge? Hang gbik nɛ ninaa ne kɛ sang hyɛghɛ nibhɛ icwee? ɛKɔn na ne njwɛɛn i bol lo, njwɛɛn i bo: “ɛTaanggbey ya kɛ ne bo ɛBaraying nge gha wu ɛ so cik ko daa ɛli ne ɛBaraying nga kɛ nang ne itin nɛ ne ɛbhɛ.”

iRooma 4:16

iPhɛ ɛlɛy, ìtsɛm mɛdee wo kɛ kyinak daa ìnang ne itin nɛ, te iphɛ ne kyinak daa ne izɛɛng ɛTaanggbey, te ne ta sang to irway wu icwaang ɛBaraying ngo gbik sɛ say ìtsɛm be. Sɔng iphɛ so daa ninaa ne roos iMɛmɛ ɛMuusaa zɔng nang, iphɛ ma so daa ninaa nibhɛ kɛ nang ne ihywee ne itin ɛBaraying ngge, ne ɛ so ɛkyɛɛ njwɛɛn na gbik ko.

1 ɛTimɔti 2:5

Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.