iRooma 3:23 - ɛWee ne ìTsɛm iHywas

²³ daa ɛli nɛ ninyi na gbik kɛ mɔn ɛfɔt nibhɛ kɛ ne taasek ndiinday ɛTaanggbey de.

iRooma 3:23 ပူးပေါင်းရင်းမြစ်များ

iRooma 3:9

Njwɛɛn ya ne ji taal i yɔng ɛli daa mɛɛ? Njwɛɛn niYahodawa na ne ji phyin ninaa ne hame nibhɛ soye niYahodawa naa? Kwa! Sɔng ɛlɛy yang! Njwi kɛ ku tɔɔl nyini njwi bo niYahodawa na nɛ ninyi na ne hame nibhɛ soye niYahodawa na gbik so ndɔ ɛta ne ɛfɔt.

iGalatiya 3:22

Sɔng ɛlɛy ne iphɛ ne so nang, ɛWee ne bol ɛTaanggbey yo i bo wu ɛfɔt to bok ito da ɛzay ya gbik, te ibol de ne kaa ku sim-mɛ wo, lenɛ ne ìnang ne itin ndɔ ɛYɛso ɛKiriti gha te nang ninaa nɛ nibhɛ kɛ nang ne nang ne itin nɛ wo.

iRooma 11:32

ɛTaanggbey ya kɛ bo ninyi na gbik te ninaa ne nyang daa ɛli nɛ nibhɛ kɛ sang roos ibol ɛbhɛ de. Ɛ kɛ mɔn ɛlɛ wo te ɛ sɛ ɛ tɔɔrek san iyɔm ɛbhɛ daa nibhɛ gbik.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

iRooma 3:19

ɛLyilyɛghaa wo, njwi yɛɛ gbik ɛkɔn na ne ɛShara gha i bol lo, ɛ bol daa ninyi na nɛ nibhɛ so ndɔ ɛta ɛShara gha. Kɛ mɔn ɛlɛ wo te ne te ninaa ne tɔk ivol la yaa kɔsɔɔy, te ne ta yɛk ɛzay ya gbik ndɔ ɛta ɛshara ɛTaanggbey.

2 iTasɔlɔnika 2:14

ɛTaanggbey kɛ yel-le nyini ɛbɛ wo, lenɛ ne iBol iYɛnɛng ngge ne njwi kɛ tɔng nyini wo te ɛ sɛ ɛn ito-ndiinday ɛDaray ɛYɛso ɛKiriti njwɛɛn de.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

iBirani 4:1

ɛTaanggbey ya kɛ nang njwɛɛn ibol ne iphɔrɔt de ne ɛ kɛ ku sim-mɛ wo, iphɛ ɛlɛy nɛ njwɛɛn ne wɛɛ ɛn hywɛɛ ɛlɔ ne ɛdɛ mon sɛ yung bhɛ wɔs.