iRooma 3:22 - ɛWee ne ìTsɛm iHywas

²² iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

iRooma 3:22 ပူးပေါင်းရင်းမြစ်များ

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

iRooma 2:1

iPhɛ ɛlɛy, igyɛ wo ne ɛ kɛ hyɛghɛ ɛhak ɛnyi na ɛshara gha sɔng ɛ bok ɛkɔn ne aa yɔngɔ nang, hang ɛ sɛ kyi soyɛ ɛhay yo. Wu ɛ kɛ hyɛ ɛhak ɛnyi gha ɛshara gha, ɛɛ robhos ito mo, daa ɛli ne ɛ ma kyii mɔn ɛkɔn na ne ɛ kɛ hyɛ ɛhak ɛnyi gha ɛshara gha ne ɛdak kɛwo.

ɛYakub 2:23

ɛBɛ wo ne kɛ ne shwaak ɛWee ne iBol ɛTaanggbey yo ne iphɛ bo, “Daa ɛli ne ɛBaraying nga kaa nang ne itin nɛ ne ɛTaanggbey, ɛTaanggbey ya ne say ɛbhɛ wu ɛ so cik.” iPhɛ ne te i yel-le ɛbhɛ ɛtaay ɛTaanggbey.

ɛTomɛ 15:9

Sɔng ɛTaanggbey ya kaa tɔɔrek wu njwɛɛn lap bhe nibhɛ nibhɛ wo nang daa ɛli ne ɛ kuus irway nibhɛ da ifɛ te wɛwɛy lenɛ ne ìnang ne itin nibhɛ.

1 iKɔrɔntos 4:7

ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

iRooma 9:30

Njwɛɛn yaa ne ji ta yɔng ɛli da mɛɛ? Ninyi ne hame nibhɛ soye niYahodawa na, nɛ nibhɛ sang ta kyangase nɛ tɛ nibhɛ sɛ icik ɛTaanggbey de, kɛ ne sɛ. iCik ge ne i sɛ lenɛ ne ìnang ne itin ne de.

ɛLuka 15:22

“ɛKyɛɛ gha ne yel-le nikpuru ɛbhɛ, ɛ yaak nibhɛ, ‘Yɔngɔ ɛn ɛhywarat ɛbhɛ tɔk ɛn ɛtura ne ɛbhɛ kɛ jam ɛbhɛ shɛs, ɛ yɛk ɛn ɛbhɛ nɛ, te ne ɛ yɛk ɛn ɛbhɛ ne ikpikpangat ne isu ne ikɛn ne iwɔ.

ɛTomɛ 3:16

Nang ne itin ne irywɛɛk ɛYɛso iphɛ kɛ te ɛnyi yɛghaa wo ne ɛ yɛɛn ɛn ɛbhɛ ɛ ta yaang ɛn no kɛ yɛk ihwet da. Kɛ lenɛ ne ìnang ne itin ndɔ ne irywɛɛk ɛYɛso ɛnyi yɛghaa kɛ te ɛken na gbik ko. Gbik mon no ɛ yaang ɛn.”

ɛTomɛ 11:12

iKabyik ge ne yaak me te ne roos nibhɛ, wu hang n yɔng njiinjii. Nigwaa ninaa ne roos ɛtaraa yɛnaa wo ne roos me, njwi bhɛ lel ne ijwee ɛKɔnɛliyas.

iRooma 1:17

Daa ɛli iBol iYɛnɛng ngge iphɛ phaal ɛli ɛTaanggbey ya i say ɛnyi wu ɛ so cik. Ninyi na ne say icik kɛdee nggɛ wo lenɛ ne nang ne itin nɛ, ɛli ne kɛ haa i bo: “ɛCik ka yaa shɛɛ ɛken lenɛ ne nang ne itin nɛ.”

iRooma 3:30

ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

iRooma 4:16

iPhɛ ɛlɛy, ìtsɛm mɛdee wo kɛ kyinak daa ìnang ne itin nɛ, te iphɛ ne kyinak daa ne izɛɛng ɛTaanggbey, te ne ta sang to irway wu icwaang ɛBaraying ngo gbik sɛ say ìtsɛm be. Sɔng iphɛ so daa ninaa ne roos iMɛmɛ ɛMuusaa zɔng nang, iphɛ ma so daa ninaa nibhɛ kɛ nang ne ihywee ne itin ɛBaraying ngge, ne ɛ so ɛkyɛɛ njwɛɛn na gbik ko.

iRooma 10:4

ɛKiriti gha ɛbhɛ shwaak iMɛmɛ ɛMuusaa da te gbik ɛnyi gha ne ɛ kɛ nang ne itin nɛ, te ne say ɛbhɛ wu ɛ so cik ɛnu ɛyisɛ ɛTaanggbey ya.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iGalatiya 3:22

Sɔng ɛlɛy ne iphɛ ne so nang, ɛWee ne bol ɛTaanggbey yo i bo wu ɛfɔt to bok ito da ɛzay ya gbik, te ibol de ne kaa ku sim-mɛ wo, lenɛ ne ìnang ne itin ndɔ ɛYɛso ɛKiriti gha te nang ninaa nɛ nibhɛ kɛ nang ne nang ne itin nɛ wo.

iFisus 3:12

Kɛ lenɛ ne ìtsɛm be ne njwɛɛn bok ne ɛKiriti gha, gbik ne ìnang ne itin de ne ɛbhɛ wo, njwɛɛn i ne phɛ ɛnu ɛyisɛ ɛTaanggbey ya tɔrɔk wɛlɛng ɛnik.