iRooma 3:2 - ɛWee ne ìTsɛm iHywas

² ɛTsak, nikɔn na sonɛ gbom ne ɛnyi niYahodawa gha phyin nɛ wo! niYahodawa na ne ɛTaanggbey ya kɛ tsa ɛ tek nibhɛ ne ibol ɛbhɛ de ndɔ ne iwɔ nibhɛ.

iRooma 3:2 ပူးပေါင်းရင်းမြစ်များ

ɛYohana 5:39

Ɛ phɛl ɛn ɛWee ne iBol ɛTaanggbey yo cɛcɛɛy daa ɛli ne ɛ wɛɛ ɛn te ndɔ yɛ ne aa sɛ ɛn ne iken ne inat de. iVol lɛdaa nggyɛ wo ifɛ ne bol daa ne ito nge.

ɛTomɛ 7:38

ɛMuusaa yɛghaa wo ɛbhɛ kaa ne sonɛ ninyi niSɛrɛla na ndɔ ɛhay ya. Ɛbhɛ ne ɛmalɛka ɛTaanggbey ya kaa ne ta bol ne ɛbhɛ dak ne iGol ne iSinay de nɛ nikyɛɛ-nikyɛɛ njwɛɛn na, i nang ɛbhɛ ibol ne iken de te ɛ nang njwɛɛn.

iRooma 1:2

ɛTaanggbey ya kaa ku sim-mɛ ne ile daa ne iBol iYɛnɛng ngɛdee wo lenɛ nɛ ninabawa ɛbhɛ nɛ nibhɛ kɛ haa ndɔ ne ɛWee ne iBol ɛTaanggbey yo.

iRooma 2:18

ɛ bo wu i yɛɛ ɛkɔn na ne ɛTaanggbey ya sim te sɛɛ mɔn, ɛ ta bo wu i kɛ tɔng ɛ seng ndɔ ɛshara gha ɛli ne sɛɛ kasa ɛkɔn na ne ɛ kɛ jam.

iRooma 3:1

iKyee ne ɛnyi ne niYahodawa gha phyin ɛnyi gha ne ɛ sang so ɛnyi niYahodawa gha nɛɛ? Hang iyɛnɛng ne hyɛ itee de so ikyee?

iRooma 3:3

Wu nidɛng ndɔ nibhɛ wo ne sang ìnang ne itin, iyɔm ne ìnang ne itin nibhɛ de kɛ ne tɔɔrek wu ɛTaanggbey ya ma sang ìnang ne itin bɛ?

iRooma 9:4

Nibhɛ bhɛ so niSɛrɛla. Nibhɛ ne ɛTaanggbey ya kɛ ne bo nibhɛ teye ninɔn ɛbhɛ, ɛ tɔɔrek nibhɛ ndiinday ɛbhɛ, ɛ rop ibol nɛ nibhɛ, ɛ nang nibhɛ iMɛmɛ ɛMuusaa, ɛ tɔɔrek nibhɛ ɛnkiinɛ ne re ntsong ntin, ɛ nang nibhɛ nikɔn na ne ɛ kɛ ku sim-mɛ.

1 iKɔrɔntos 9:17

Te sɛ yɔng nzi mɔn ɛtomɛ nge gha daa ne kasa nge, sɛ ne mɔn me iyɛnɛng. Daa ɛli ne naa ne sang yɛɛ ne kasa wo nang, nzi ne mɔn ɛtomɛ gha ne ɛTaanggbey kɛ tek me nɛ ndɔ ne iwɔ nge.

2 iKɔrɔntos 5:19

iBol mos de bo wu i lenɛ ne ɛKiriti gha ɛTaanggbey ya te ninyi na gbik nibhɛ tes en nitaay ɛbhɛ, sɔng ɛɛ ne tas ɛfɔt ninyi wo nang. Ɛ kɛ ne ta nang njwɛɛn ɛtomɛ ne tɔng ninyi na ibol ɛli ne aa te nibhɛ tes en nitaay ɛbhɛ na.

iGalatiya 2:7

Nibhɛ kɛ yang kyi seng wu ɛTaanggbey ya ɛbhɛ kɛ nang me ɛtomɛ ne tɔng ninyi na ne hame nibhɛ soye niYahodawa na ibol iyɛnɛng ngge, ɛli ne ɛ kɛ ma nang ɛBiturus segha wu te ɛ tɔng niYahodawa na nɛ wo.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

iBirani 5:12

ɛLyilyɛghaa wo ɛlɛ, se yɔng ɛ kɛ te ɛn nyini nikyɛɛ ne icwam, gbik ne iphɛ ɛlɛy, ne ɛ tɔɔ tɔk ɛn te ɛhak ɛnyi ɛbhɛ sɛ mɛmɛ nyini ne ilwing ne ibol ɛTaanggbey de. Ɛ tɔɔ tɔk ɛn mbalas tɛ ninɔn nishesheng sɔng ire gɛgɛy nang.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 22:6

ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”