iRooma 2:9 - ɛWee ne ìTsɛm iHywas

⁹ ɛGbaang nggbang ne ɛmpyep i hyep gbik ɛnyi gha ne ɛɛ mon ibebhe de, sɛ tsa nɛ niYahodawa, ne ji kungus nɛ ninyi na ne hame nibhɛ soye niYahodawa na.

iRooma 2:9 ပူးပေါင်းရင်းမြစ်များ

1 ɛBiturus 4:17

Nten de kɛ tuu ne yaa tsa bol ninaa ne roos ɛTaanggbey yegha ɛshara gha. Wu njwɛɛn no ne yaa ne tsa i bol njwɛɛn ɛshara gha, ninyi na nɛ nibhɛ kɛ ne mbaray tang roos iBol iYɛnɛng ɛTaanggbey de se ne ji taal ɛlii?

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

2 iTasɔlɔnika 1:6

ɛTaanggbey ya so cik, iphɛ ɛlɛy, ninyi na nɛ nibhɛ baasek nyini nggbang ngga ɛ sɛ ne tal nibhɛ nɛ ne nggbang ngga.

iRooma 9:24

Njwɛɛn ne ma so ndɔ ninaa ne ɛTaanggbey ya kɛ yel-le wo, sɔng niYahodawa zɔng nang, gbik nɛ ninaa ne hame nibhɛ soye niYahodawa na.

iRooma 2:10

Gbik ɛnyi gha ne ɛ mɔn iyɛnɛng ngge, sɛ ne nang ɛbhɛ ne ndiinday, ne igbom gbik ne irway ne laal, sɛ tsa nɛ niYahodawa ne ji kungus nɛ ninaa ne hame nibhɛ soye niYahodawa na.

ɛTomɛ 3:26

Kaa ne sɛ ɛTaanggbey ya kɛ yiisik ɛkpuru ɛbhɛ gha tsik ndɔ ne ikpuu ba, ne ɛ tsa ɛ tom ɛbhɛ ɛlɔ mon, daa ɛli ne ɛTaanggbey ya sim te aa sit nyini ne ɛwɛng, te ɛ hyere ɛrɔngɔ ndɔ mon no, te ɛ tek ihywel ikpɛɛ ɛbhɛ da.”

ɛLuka 24:47

ndɔ ne irywɛɛk ɛbhɛ wo ne sɛ ne tɔng igbagha wo gbik ibol ne san ɛbɔk ge, ne idee ne hana ɛfɔt. Sɛ ne tsa ne iYɛrushɛlɛm.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

ɛTomɛ 28:28

“iPhɛ ɛlɛy nzi ne sim te ɛ sɛ seng ɛn, ɛTaanggbey ya kɛ tom ninyi na ne hame nibhɛ so niYahodawa ne ibol ne iphɔrɔt de, nibhɛ yaa ne tenes.”

ɛTomɛ 28:17

Ne sɛ nituk itwat kɛ phee, ɛBulus sa ne yel-le nindiinday niYahodawa na. Nibhɛ ne tumɛy, ne ɛ yaak nibhɛ, “Nigwaa nge nzi yɛɛ sɔng nggɛ mɔn ninyi njwɛɛn na ɛkɔn ɛkpɛɛ nang, sɔng nggɛ ne ta bees ikpii nikyɛɛ-nikyɛɛ njwɛɛn da nang. Gbik ne iphɛ ɛlɛy kɛ ne jung wum me ne iYɛrushɛlɛm i rop me ne nyang i ji nang me nɛ ninyi ne iRooma.

ɛTomɛ 26:20

Nggɛ sanga ibol ɛTaanggbey de ne iDimaskus, ne n ji bhɛ sanga ne iYɛrushɛlɛm nɛ nigarang ne iYahudiya, ne n ji bhɛ sanga ɛlɔ ninyi na ne hame nibhɛ so niYahodawa na dɔng. Nggɛ sanga tɛ nibhɛ san ɛbɔk nibhɛ hyereey nibhɛ roos ɛTaanggbey ye, nibhɛ ji mɔn nikɔn na nɛ nibhɛ yaa tɔɔrek wu nibhɛ kɛ san ɛbɔk ka ɛtsak.

ɛTomɛ 20:21

Nggɛ kpɛng niYahodawa na gbik nɛ ninyi na ne hame nibhɛ soye niYahodawa na, n nzi bo tɛ nibhɛ hyere irway nibhɛ ɛlɔ ɛTaanggbey nibhɛ san ɛbɔk nibhɛ nang ne itin nɛ ne ɛDaray njwɛɛn ɛYɛso gha.

ɛTomɛ 13:26

“Nigwaa en, ninɔn ɛBaraying gbik ne nyinɛn no ne hame ɛ so ɛn niYahodawa na, ne ɛ re ɛn ɛTaanggbey yegha ntsong ngga, njwɛɛn ne kɛ tom njwɛɛn ne ibol ne phɔrɔt tɛdee wo.

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛMacu 16:26

iPhɛ so ɛnyi gha ikyee ne aa sɛ ɛzay ya gbik ko ɛ ji wɔs iken ɛbhɛ dee? iKyee ne ɛnyi gha sɛ yɛɛ ne bo ɛ sunu ne iken ɛbhɛ dee?

iRooma 8:35

ɛHay ɛbhɛ aa ne ji yɛɛ ne hosop njwɛɛn ne ishwim ɛKiriti daa? Nggbang nge? iTak iyɔm mee? iBaasek nggbang nge? iKpyak ghe? iYɔm me? iYɔm ne ɛtura? Hang iku?