iRooma 2:8 - ɛWee ne ìTsɛm iHywas

⁸ Nidɛng ne ma ji sonɛ nɛ nibhɛ ne sim ito, nibhɛ mbaray itin ne ibol nibhɛ ta i mɔn ibebhe, ɛTaanggbey ya sɛ ne tal nibhɛ ne njenjek gbik ne irway njɛt.

iRooma 2:8 ပူးပေါင်းရင်းမြစ်များ

Nikɔn ne kɛ Phaal 16:19

ɛGbaang ɛgarang ne iBabila wo ne tasat ɛ hobhoset ɛtat. Nigarang ne igbagha na ne bungaay gbik. ɛTaanggbey ya ne taate ne ɛgbaang ɛgarang ne iBabila wo, ne ɛ yɛk ɛbhɛ nɛ ɛ sɔ ɛhyihyangas ne njenjek ɛTaanggbey ya.

1 ɛBiturus 4:17

Nten de kɛ tuu ne yaa tsa bol ninaa ne roos ɛTaanggbey yegha ɛshara gha. Wu njwɛɛn no ne yaa ne tsa i bol njwɛɛn ɛshara gha, ninyi na nɛ nibhɛ kɛ ne mbaray tang roos iBol iYɛnɛng ɛTaanggbey de se ne ji taal ɛlii?

2 iTasɔlɔnika 1:8

Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

iBirani 11:8

Kaa ne lenɛ ne ìnang ne itin de ɛBaraying roos ibol ɛTaanggbey nten de ne kaa yel-le ɛbhɛ, te ɛ phɛ ne ivel ne kaa yɔng aa teye isha ɛbhɛ. Sɔng ɛ kaa ne i yɛɛ ɛlɔ gha ne ɛ phɛɛs nang, gbik ne iphɛ ɛlɛy ne ɛ phɛ.

iBirani 10:27

ɛKɔn ɛ kɛ mak ɛbhɛ so njwɛɛn yaa yang ku i hyep ɛshara gha ne ɛgbaang ne igboo ndɔ ne ɛnik gbom. iGboo wo ne ifɛ sɛ re ninaa ne iphup ɛTaanggbey ya.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

ɛTitus 3:9

Tel lɛ ishamas ɛbuu de gbik ne ibol ne wɛɛ irɛɛk ne itaang ngge, ne izok ge, ne ishisim daa ne ibol iMɛmɛ ɛMuusaa da. Daa ɛli ne sɔng nikɔn nɛnaa wo bok iphyik nang, sɔng nibhɛ kɛ ne ta jam nang.

1 iKɔrɔntos 11:16

Wu ɛdɛng i ne sim te aa re ne ishamas daa ne ibol lɛdee wo, njwit to sɔng njwi ne yɛɛ idɛ ikpii ne roos da ndɔ ne itumɛ ninaa ne roos ɛTaanggbey yegha nang.

iRooma 15:18

Sɔng naa ne boote ne irway nviit daa ɛdɛ ɛkɔn na kang ne ɛkɔn na ne ɛhaa ne ɛKiriti gha kɛ mɔn lenɛ ne mee wo nang. Ɛ kɛ te ninyi na ne hame nibhɛ so niYahodawa na yaa roos ibol ɛTaanggbey de lenɛ ne ivol nge gbik ne ɛtomɛ nge,

iRooma 10:16

Sɔng ne so gbik ninyi niSɛrɛla na nibhɛ kɛ say iBol iYɛnɛng ngge nang. Te ɛli ne ɛShaa gha kɛ boote ɛ yɔngɔ, “ɛDaray, ɛhay ɛbhɛ kɛ nang ne itin nɛ ne ibol mos dee?”

iRooma 9:22

ɛLɛy ne ɛtomɛ ɛTaanggbey ya ne so. Ɛ kɛ sim aa tɔɔrek njenjek ɛbhɛ de ɛ ta tɔɔrek ihwet ɛbhɛ de kpas, ne ɛ ma kyi bo ɛbɔk gbom daa ninaa na ne iphɛ ku so aa te njenjek nɛ nibhɛ, nɛ ninaa ne iphɛ ku so yaa bees nibhɛ.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

iRooma 1:18

Kɛ phaal ɛli ne njenjek ɛTaanggbey de sɛ le daa ne irywa ihywɛ yɛɛs daa ninaa ne ɛfɔt ta, nɛ ninyi nibebhe na, nɛ ninaa ne yɛbhɛsek itin de lenɛ ne ibebhe nibhɛ de.

1 ɛBiturus 3:1

ɛLɛy ne mang, nyinɛn nikuk ko, roos ɛn ibol niras mon de. Daa ɛli ne wu nidɛng niras sa sonɛ nɛ nibhɛ kɛ sang nang ne itin nɛ ne ibol ɛTaanggbey, sɛɛ ne yɛɛ ne lenɛ ne ihywɛɛ nikuk nibhɛ de nɛ nibhɛ kɛ tɔɔrek ko i hɔwɔ nibhɛ ma yung tɔ tang ku mɔng nibhɛ ibol.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

iGalatiya 5:20

ne re nikɔn nɛ nibhɛ sang iken ntsong, ne re nkut, ne mbray nigwaa, hɔ irywen, ne waa irway, ne njenjek, ne sim ito, ne ishishim, ne ihosobhe,

iFilibi 1:17

Ninaa nɛ nibhɛ tɔng ibol ɛKiriti de ne ɛnkyis sa i ne mɔn ɛlɛ wo ne sim ito, sɔng ndɔ ne itin nɛ nang. Nibhɛ yang sim te sɛ hante me ne nggbang ndɔ ne ijwee ne inyang ngo.

iFilibi 2:3

Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

ɛYakub 3:14

Wu ˆɛ boos ɛn ɛnkyis sa ne sim ito de ndɔ ne irway mon da, sɔng ne ˆɛ hal ɛn ɛggyɛy wu ˆɛ so ɛn ninyi ne ntsɛntsɛng nang. Wu ˆɛ kɛ mɔn ɛlɛ wo, ˆɛ kɛ ne hyere ɛn itin de iphɛ kɛ teye irywɛɛk.

ɛYakub 3:16

Gbik ɛlɔ gha ne ɛnkyis sa ne sim ito de sonɛ wo, ishisim ihywee-ihywee gbik ne ibebhe yaa ne ma sonɛ ɛlɔ yɛ.