iRooma 2:6 - ɛWee ne ìTsɛm iHywas

⁶ ɛTaanggbey ya sɛ mɔn ɛrɔngɔ iyɛnɛng cɛcɛɛy ne ɛkɔn na ne ɛ kɛ mɔn.

iRooma 2:6 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

iRooma 14:22

iPhɛ ɛlɛy, ne te icwas mo da ne ɛ kɛ nang ne itin nɛ wo daa nikɔn nɛnaa wo ne shɛɛ ɛceree mon ne ɛTaanggbey mo. ɛHaa ɛwɛng nga nggyɛy ne hame ɛ kyii ishisim daa ɛkɔn na ne ɛ kɛ mɔn ɛbhɛ wu ɛ so icik ko.

1 iKɔrɔntos 3:8

Sɔng ɛhaa ne tubhus sa labhe ne ɛhaa ne ramas sa nang, ɛTaanggbey ya sɛ bhɛ mɔn ɛrɔngɔ iyɛnɛng ngge kancɛng ne ɛtomɛ gha ne ɛ kɛ mɔn.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 11:15

iPhɛ ɛlɛy, sɔng iphɛ ne so ɛkɔn ne kparat nɛ nikpuru ɛShɛtan na i ma hyere en nibhɛ te tɛ ninaa ne mɔn ɛtomɛ ɛcik ka nang. ɛTsim mɛ, sɛ ne tal nibhɛ nɛ daa ɛkɔn na nɛ nibhɛ kɛ mɔn no.”

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

2 ɛTimɔti 4:14

ɛLɛzɛnda gha, ne ɛ soye ɛtuu gha, kɛ bees me nɛ gbom. ɛDaray ɛbhɛ yaa ne tal ɛbhɛ nɛ ne ɛkɔn na ne ɛ kɛ mɔn me nɛ wo.

Nikɔn ne kɛ Phaal 2:23

Naa phobho ninyi na nɛ nibhɛ roos imɛmɛ ɛJɛjɛbhɛl da, gbik ijwira ninaa ne roos sa yaa seng wu mee nzi wɛɛ ɛduk ne irway ya ɛnyi gha gbik ne icwas ɛbhɛ da. Nzɛ ne tal ɛrɔngɔ nɛ ndɔ mon kancɛng ne ɛkɔn na ne ɛ kɛ mɔn.

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.