iRooma 2:4 - ɛWee ne ìTsɛm iHywas

⁴ Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

iRooma 2:4 ပူးပေါင်းရင်းမြစ်များ

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

iRooma 11:22

ɛBɛ wo ne njwɛɛn i yaang iyɛnɛng ɛTaanggbey de ne njenjek ɛbhɛ. Ɛ kɛ tɔɔrek njenjek ɛbhɛ de daa ninaa nɛ nibhɛ kɛ ho, ne ɛ tɔɔrek kɛ iyɛnɛng ɛbhɛ wu ɛ shɛɛ ndɔ ne iyɛnɛng ɛbhɛ de. Wu ɛ kɛ ne sang mɔn ɛlɛy yaa ne ma tɛmɛ yɛ ndɔ ne itin de.

iRooma 11:33

ɛTsak ntsɛntsɛng ɛTaanggbey de ne ishweng ɛbhɛ da sang ɛgak! iHyɛ ɛshara ɛbhɛ da ne phyin ihwet ne phɛl lɛ! Sɔng sɛɛ yɛɛ ne seng nikɔn na ne ɛ mɔn no nang.

iRooma 3:25

ɛTaanggbey ya kɛ tom ɛYɛso yegha te igyol ne hap itsanga, te ne ji lenɛ nɛ neyi ɛbhɛ te han ninyi na ne ɛfɔt nibhɛ wo lenɛ nɛ nibhɛ kɛ nang ne itin nɛ ne ɛbhɛ. ɛTaanggbey ya kɛ mɔn ɛlɛ wo te ɛ tɔɔrek wu ɛ so cik, daa ɛli ne ile de ɛTaanggbey ya kaa bok ɛbɔk daa ne ɛfɔt ninyi wo, sɔng ɛ kaa wɛɛ ibol lɛ nang.

iRooma 6:1

Njwɛɛn yaa ne yɔng ɛli daa mɛɛ? Njwɛɛn yaa ne ku see ito ne mɔn ɛfɔt to te izɛɛng ɛTaanggbey de hantey yɛɛ?

iRooma 6:15

iPhɛ ne ji so ɛlii daa mɛɛ? Njwɛɛn yaa ne mɔn ɛfɔt to daa ɛli ne hame njwɛɛn so ndɔ ne iMɛmɛ ɛMuusaa da, wu njwɛɛn so ndɔ ne izɛɛng ɛTaanggbey dee? Kwa! Sɔng ɛlɛ nang!

2 iKɔrɔntos 8:2

Nibhɛ kaa so ndɔ ne nggbang gbom, nibhɛ so nihala hyahyak, gbik ne iphɛ ɛlɛy, irway ihwala nibhɛ da ne te nibhɛ nang ìnang ngga ne irway walala.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iFisus 2:4

Gbik ne iphɛ ɛlɛy, ɛTaanggbey ya ne soye ɛhaa ne san iyɔm gbom, ishwim ɛbhɛ da daa njwɛɛn no ne so gbogbom.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

iFisus 3:16

Nzi bol ne ɛTaanggbey ya wu te ɛ nang nyini ìnang ne ito-ndiinday ɛbhɛ ne iphɛ sang ɛgak, te ɛ te nyini itsɔngɔl gɛgɛy ne ihwet ɛbhɛ te ˆɛ yɛk ɛn irywa nviit lenɛ ne iKabyik ɛbhɛ.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iFilibi 4:19

ɛTaanggbey ya ne nzi re ɛbhɛ ntsong ngga yaa ne nang nyini gbik nikɔn na ne ˆɛ tɔk ɛn ndɔ ne iryat ne ito-ndiinday ɛbhɛ ne ihywɛ le ɛlɔ ɛYɛso ɛKiriti.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

1 ɛTimɔti 1:16

Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

1 ɛBiturus 3:20

iKpabyik kɛdaa nggyɛ wo ne so ivaa ninaa nɛ nibhɛ kaa mbaray tang roos ibol ɛTaanggbey de, gbik ɛli ɛTaanggbey ya kaa san iyɔm nibhɛ de nten de ne ɛNuhu gha kaa ryɔng ɛgyirigyi inɛn na. Nten nɛdee nggyɛ wo, ninyi ncɛt zɔng nibhɛ kaa phɔrɔt ndɔ inɛn da. Nibhɛ kaa so ɛnaras.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.

2 ɛBiturus 3:15

Seng ɛn iphɛ ndɔ ne irway mon wu ɛDaray njwɛɛn na bok ɛbɔk ka daa ɛli ne ɛ sim tɛ ninyi sɛ iphɔrɔt. ɛLɛ wo ne ɛgwaa njwɛɛn ɛBulus sa kaa ne ma haa nyini nɛ ndɔ ne ishweng ngga ne ɛTaanggbey kɛ nang ɛbhɛ.

2 ɛBiturus 3:3

Tsa ˆɛ seng ɛn iphɛ ɛlɛ, sɛ́ sɛ nten ɛtsim be, nidɛng ninyi na nɛ nibhɛ so ninaa ne bɛɛs sɛ ne wuru nɛ nibhɛ so ninaa ne roos ihyop igywebhe ne ibek zɔng.

2 ɛBiturus 3:9

Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.

Nikɔn ne kɛ Phaal 2:21

Nggɛ ne nang ɛbhɛ nten te ɛ san ɛbɔk ndɔ ra nzangas ɛbhɛ de, ɛ kɛ ne mbaray.

Nikɔn ne kɛ Phaal 3:20

Mee woo bɛ nggɛ kyinak ɛnu ne izuk, nzi hal ɛnu ne izuk ka. Gbik ɛnyi gha ne ɛ kɛ ne phok izɔlɔs nge de ɛ phaal ɛnu ne izuk ka, naa ne lel, naa ne re ɛkyee ɛdaan nɛ ne ɛbhɛ, ɛ ma re ne mee.