iRooma 2:26 - ɛWee ne ìTsɛm iHywas

²⁶ Wu ninaa ne kɛ sang hyɛghɛ nibhɛ icwee da kɛ shwaak ibol ɛshara de, ɛTaanggbey ya yaa ne sang bo nibhɛ tɛ ninaa ne hyɛghɛ icwee daa?

iRooma 2:26 ပူးပေါင်းရင်းမြစ်များ

iKɔlɔsi 2:11

Ndɔ ɛbhɛ dɔng ne kɛ ne hyɛ nyini ne itee de. Sɔng ne so ihywee ne idee ne i hyɛ ne iwɔ nang, yang so idee ne ɛKiriti gha kɛ hyɛ nyini nɛ lenɛ ne ɛ kɛ tul nyini ndɔ ne ishwɛɛ ne ibek ne iphɛ so ishwɛɛ ɛten ɛsii.

iRooma 8:4

ɛTaanggbey ya kɛ mɔn ɛlɛ wo, te shwaak icik ge ne iMɛmɛ ɛMuusaa da bo te i mɔn ndɔ njwɛɛn, njwɛɛn no ne njwɛɛn i sang shɛɛ ɛli ne icwas ne irway ɛten ɛsii da bo wo, yang kyii shɛɛ ɛli ne iKabyik ge i bo wo.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iFisus 2:11

iPhɛ ɛlɛy ne ˆɛ taate ɛn ɛli ne ˆɛ kɛ so ɛn ne ile de. Sɔng ˆɛ kaa so ɛn iyɛk niYahodawa da nang. niYahodawa na nɛ nibhɛ kaa i yeres itso nibhɛ ninaa ne hyɛghɛ icwee da kaa i yeres nyini ninaa ne sang hyɛghɛ icwee. Nzo ihyɛghɛ icwee yɛdaa wo ne so idee ne ibek ne i hyɛghɛ ne ibɔ.

iRooma 3:30

ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

ɛMacu 15:28

ɛYɛso gha ne kyii ɛkuk ka nɛ, ɛ yaak ɛbhɛ, “ɛKuk, ɛ bok ìnang ne itin gbom! ɛKɔn na ne ɛ sim mo, yaa mɔn nɛ nɛ.” ɛLap ɛkuk ka ne shii te ɛken nɛ ne nten nɛ.

iRooma 2:25

Wu ɛ kɛ ne shwaak ɛkɔn na ne iMɛmɛ da bol lo, ihyɛ itee mo da ne so ɛkɔn ɛyɛnɛng; wu ɛ kɛ ne sang shwaak, sɔng ne ˆɛ lap nyini ne ɛhaa ne kɛ sang hyɛ ɛbhɛ itee de nang.

iRooma 2:27

Ninyi na nɛ nibhɛ sang hyɛghɛ icwee da ndɔ ɛli ne iMɛmɛ ɛMuusaa da i bo wo, nibhɛ kyii hyep iMɛmɛ yɛwo sɛ phoo yɛ ne. Nyinɛn niYahodawa na, ne ɛ bok iMɛmɛ da ne kɛ haa wo, ɛ ta so ɛhaa ne hyɛghɛ icwee da, ɛ kyii tes ɛkɔn na ne iMɛmɛ yɛ kɛ bol lo tsaan no.

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.