iRooma 2:16 - ɛWee ne ìTsɛm iHywas

¹⁶ Iphɛ ɛlɛy, ɛli ne ibol iyɛnɛng ngɛdee wo ne nzi sanga wo i bol lo, ɛlɛy ne phɛ sɛ ne te ɛTuk ka ne ɛTaanggbey ya sɛ hyɛ ɛshara gha, lenɛ ne ɛYɛso ɛKiriti gha daa nikɔn na nɛ nibhɛ so igying ndɔ ne irway ninyi da.

iRooma 2:16 ပူးပေါင်းရင်းမြစ်များ

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

ɛTomɛ 17:31

ɛTaanggbey ya kɛ ku yɛk ne ɛtuk ne ɛ sɛ bol ɛzay gbik ɛshara ne itin. Ɛ kɛ ne kasa ɛYɛso ye ɛbhɛ so ɛnyi gha ne ɛ sɛ bol ninaa ɛzay ya ɛshara gha. ɛTaanggbey ya kɛ ne tɔɔrek ninyi ɛzay ya ibol lɛdee wo ywɛywɛy ɛli ne ɛ kaa yiisik ɛYɛso yegha tsik ndɔ ne ikpuu da.”

ɛTomɛ 10:42

ɛYɛso gha kaa ne yɛk njwii nɛ te njwi tɔng ninyi na ɛnu ne bol ɛbhɛ gha, te njwi ta tɔɔrek nibhɛ wu ɛYɛso gha ne ɛTaanggbey ya kɛ kasa, ɛbhɛ sɛ bol ninyi na nɛ nibhɛ kɛ kus nɛ ninaa nibhɛ sonɛ niken na ɛshara.

ɛLuka 8:17

“Gbik ɛkɔn na ne kɛ rɛɛ, yaa ne phaal ɛbhɛ, ɛhaa ne kɛ ne cwaal, yaa ne phaal ɛbhɛ.”

1 ɛBiturus 4:5

Nibhɛ sɛ ne kyi bhɛ tɔng ɛTaanggbey ye ɛkɔn na nɛ nibhɛ kɛ mɔn. Ɛbhɛ ɛ so ɛhaa ne ɛ sɛ bhɛ bol ninyi niken nɛ ninyi nɛ nibhɛ kus ɛshara.

iRooma 3:6

Kwa! Sɔng ɛlɛy nang! Sɛɛ yɔng ɛlɛy ne iphɛ so wo, ɛTaanggbey ya sɛ ne hyɛ ɛzay ya ɛshara gha ɛlii?

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

2 ɛTimɔti 2:8

Taate ne ɛYɛso ɛKiriti gha ne kɛ yiisik ɛbhɛ ne ikpuu da. Ɛbhɛ wo ne ɛ le ne icwaang ɛDoda wo ɛli ne kɛ mɛmɛ nɛ ndɔ iBol iYɛnɛng ngge ne nzi tɔng ngo.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

ɛYohana 12:48

ɛHaa ne hyɛ ɛshara gha sɔ nɛ ne ɛ sɛ hyɛ ninaa nɛ nibhɛ kɛ mbaray ibol nge de nibhɛ ta mbaray me wo. iBol nge de ne nzi bol lo iphɛ phɛ sɛ hyɛ nibhɛ ɛshara gha ɛtuk ne taal ɛzay ya.

iBirani 9:27

Kɛ ku ryɔng ngɛ, ɛnyi gha sɛ ku ɛdaan zɔng, ɛtsim mɛ ɛlɛy ɛ hyep ɛshara ɛTaanggbey.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

iRooma 2:5

Ɛ bok ito ihet ne irway gɛgɛy, ɛ ne waa ito mo ɛndok ɛTaanggbey, ne iphɛ sɛ phaal le ɛtuk ne njenjek ɛTaanggbey ya, ɛtuk ka ne sɛ tɔɔrek ɛli ne ɛTaanggbey ya i hyɛ ɛshara ɛbhɛ gha cik ko.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

iGalatiya 1:11

Nigwaa en, naa mɔng nyini, sɔng ɛnyi ɛbhɛ bok ibol iyɛnɛng ngge ne nggɛ tɔng nyini wo nang.

1 iKɔrɔntos 15:1

ɛLyilyɛghaa wo nigwaa en, nzi sim na taate nyini ne iBol iYɛnɛng ngge ne nggaa tɔng nyini wo, idee ne ɛ kɛ say ɛn, ɛ ta roos ɛn no.