iRooma 2:13 - ɛWee ne ìTsɛm iHywas

¹³ Sɔng i tenes ɛShara gha zɔng iphɛ te i say ɛnyi gha wu ɛ so cik ɛlɔ ɛTaanggbey ya nang, i yang say ɛnyi gha ne ɛ kɛ roos ikpii ɛShara da gbik.

iRooma 2:13 ပူးပေါင်းရင်းမြစ်များ

1 ɛYohana 3:7

Nyinɛn ninɔn nge ne nzi sim, sɔng ˆɛ tek ɛn ɛnyi luk nyini nang. Gbik ɛnyi gha ne ɛ mɔn nikɔn nicik ka ne ɛ so ɛnyi ɛcik ɛli ne ɛKiriti gha so cik ko.

iRooma 2:25

Wu ɛ kɛ ne shwaak ɛkɔn na ne iMɛmɛ da bol lo, ihyɛ itee mo da ne so ɛkɔn ɛyɛnɛng; wu ɛ kɛ ne sang shwaak, sɔng ne ˆɛ lap nyini ne ɛhaa ne kɛ sang hyɛ ɛbhɛ itee de nang.

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

1 ɛYohana 2:29

Wu ɛ yɛɛ ɛn wu ɛKiriti gha so cik ko, ˆaa ne seng ɛn wu ɛnyi gha ne ɛ mɔn nikɔn nicik ka ɛ soye ɛngɔn ɛTaanggbey.

iRooma 10:5

ɛMuusaa gha kaa haa daa ne ibol ne say ɛnyi gha wu ɛ so icik ko lenɛ ne roos iMɛmɛ ɛMuusaa da, ɛ bo, “Gbik ɛnyi gha ne ɛ kɛ roos iMɛmɛ ɛMuusaa yɛdaa wo, aa ne shɛɛ ɛken lenɛ ne iMɛmɛ da.”

ɛLuka 8:21

ɛYɛso gha ne kyii nɛ, ɛ yɔngɔ, “ɛGyinɛ nge gha, nɛ nigwaa nge na soye ninyi na nɛ nibhɛ kɛ phok ibol ɛTaanggbey, nibhɛ mɔn iphɛ ne ɛtomɛ.”

iRooma 3:30

ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

ɛTomɛ 13:39

Kɛ ne lenɛ ne ɛYɛso, gbik ɛnyi gha ne ɛ kɛ nang ne itin nɛ, kɛ ne say ɛbhɛ wu ɛ so cik ɛnu ɛyisɛ ɛTaanggbey, ɛkɔn na ne hame ɛShara ɛMuusaa gha kaa sang yɛɛ ne mɔn nɛ wo.

ɛLuka 18:14

ɛYɛso gha ne ji yaak ninyi na, “Nzi tɔng nyini itin nɛ, ndɔ ninyi ifaa yɛnaa wo, ɛhaa ne saasel ijam ne ivel la kaa ne hyil le ɛ so ɛnyi ɛcik ɛnu ɛyisɛ ne ɛTaanggbey ya, sɔng ɛFarasii gha nang. Gbik ɛnyi gha ne ɛ kɛ tɔɔk ito ɛbhɛ de, yaa ne laasek ɛbhɛ, ɛhaa ne ɛ kɛ ne tɔmɔsek ito ɛbhɛ de yaa ne tɔɔk ɛbhɛ.”

iGalatiya 5:4

Nyinɛn no ne ɛ sim ɛn te sɛɛ say nyini wu ɛ so ɛn cik ko ɛnu ɛyisɛ ɛTaanggbey ya lenɛ ne roos ɛShara gha, ɛ kɛ ne ku balat ɛn ndɔ ɛKiriti gha, ɛ kɛ tek ɛn izɛɛng ɛTaanggbey de.

iRooma 3:23

daa ɛli nɛ ninyi na gbik kɛ mɔn ɛfɔt nibhɛ kɛ ne taasek ndiinday ɛTaanggbey de.

iRooma 3:20

Daa ɛli ne sɔng ɛTaanggbey ya sɛ bhɛ say ɛnyi wu ɛ so cik daa ɛli ne ɛ kɛ roos ɛShara gha nang. Kwa! ɛShara gha yang te ɛnyi gha ɛ seng ɛfɔt ɛbhɛ.

ɛYohana 13:17

ɛLyilyɛghaa wo ne ˆɛ kɛ seng ɛn nikɔn nɛnaa wo, ˆaa ne sɛ ɛn ɛwɛng wu ɛ kɛ mɔn ɛn nibhɛ.”

1 iKɔrɔntos 4:4

iRway nge so bɛs, sɔng nzi ne bo wu hang n bok ɛfɔt tang. ɛDaray ɛbhɛ teesek me.

ɛYakub 1:27

iRoos da ne ɛTaanggbey ya ne ɛ so ɛTaa gha kɛ say wu ifɛ so itin nɛ wo ne kɛ ta tul kang ngo so ɛlɛ: te i wɛɛ nicwɛɛn nɛ nikusang ndɔ ne nggbang nɛ nibhɛ i sɔ, te ɛnyi yɛ ne tul ito ɛbhɛ ndɔ ne ishwɛɛ ivebhe ɛzay da.