iRooma 16:7 - ɛWee ne ìTsɛm iHywas

⁷ Kyili ɛn mɛɛn ɛNdoronikus se ne ɛYuniyas, nɛ nibhɛ so niYahodawa tɛ mee, ne kaa rop njwi ne nyang nɛ nibhɛ. Nibhɛ so ninyi ne yɛɛ nibhɛ gbom ndɔ ninɔn ne tom ma, nibhɛ kaa ne teye ninaa ne roos ɛKiriti yegha ɛyisɛ nge.

iRooma 16:7 ပူးပေါင်းရင်းမြစ်များ

iRooma 16:21

ɛTimɔti gha ne ɛ so ɛtaay ɛtomɛ nge gha i kyisi nyini, ɛlɛy ne ɛLushiyɔs ne ɛYason ne ɛSɔsipata nɛ nibhɛ ma so niYahodawa.

iRooma 16:11

Kyili ɛn mɛɛn ɛHyirɔdiyɔn ne ɛ so ɛgwaa nge ndɔ niYahodawa. Kyili ɛn mɛɛn ninaa ne ijwee ɛNasisu nɛ roos ɛDaray ye.

ɛFilimɔn 1:23

ɛPafaras sa ne kɛ rop njwii ne ɛbhɛ ndɔ ne nyang ngge ɛlɔ ɛYɛso ɛKiriti gha i kyiisi yɛ.

iKɔlɔsi 4:10

ɛRisitakus ne njwi so ne nyang ge ɛbɛ wo ne ɛbhɛ i kyisi nyini. ɛLɛy ne ɛMarakus nɛ nibhɛ bok ɛgaay ɛdaan nɛ ne ɛBanabas ne mang. ɛMarakus sa ne nggɛ ku mɔng nyini ibol ɛbhɛ de, yaa ne sɛ ɛ kɛ yɛɛs so, te ne ˆɛ say ɛn ɛbhɛ ne ibɔ iphaa.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

iGalatiya 1:22

Nten nɛdee nggyɛ wo, sɔng ninaa ne roos ɛKiriti gha nɛ nibhɛ so ne iYahudiya de kaa ku yaang me ne irwisɛ nibhɛ nang.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

1 ɛYohana 4:13

Njwɛɛn i yɛɛ njwɛɛn i shɛɛ ndɔ ɛTaanggbey ya ɛ ma shɛɛ ndɔ njwɛɛn, daa ɛli ne ɛ kɛ nang njwɛɛn iKabyik ɛbhɛ.

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iGalatiya 2:6

Sɔng nzi sap ninyi na nɛ nibhɛ wɛɛ tɛ nibhɛ bhɛ soye nindiinday yɛwo nang, daa ɛli ne sɔng ɛTaanggbey ya bok sim ito nang. Sɔng nibhɛ kɛ ne ta hante ne ɛkɔn da ne bol nge de nang.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

ɛYohana 15:2

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

ɛYohana 14:20

ɛTuk kɛghaa nggyɛ wo, ɛ sɛ ne seng ɛn ɛli ne nzo ndɔ ɛKyɛɛ nge gha; ɛ ta seng ɛn ɛli ne ɛ so ɛn ndɔ me wo, ma nzo ndɔ mon no.

ɛYohana 6:56

ɛHiha ɛnyi ne ɛɛ re ibek nge de ɛ ta i sɔ neyi nge na, ne ɛ so ndɔ mee, ma nzo ndɔ ɛbhɛ.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 9:3

Sɛ ma yung yɔng nggɛ te me ɛhaa ɛkawɛy i hosop me ne ɛKiriti gha tɛ nigwaa nge ne ihywee nge ndɔ ne iyɛk ne ibek sɛ iphɔrɔt.

iRooma 16:3

Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iRooma 16:6

Kyili ɛn mɛɛn ɛMɛri ye ne ɛ kɛ mɔn ɛtomɛ gbom ɛlɔ mon.

iRooma 16:8

Kyili ɛn mɛɛn ɛnyi nge ɛMpiliyatus se ne njwi kɛ mɔn ɛtomɛ ɛDaray ya ne ɛbhɛ.

iRooma 16:9

Kyili ɛn mɛ ɛn, ɛWulubanos se ne ɛ so ɛtaay mos ndɔ ɛtomɛ ɛKiriti gha. Ta kyili mɛɛn ɛnyi nge ɛSitakyi ye.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

2 iKɔrɔntos 12:2

Nzi yɛɛ ɛdɛ ɛhaa ne roos ɛKiriti yegha, ɛhaa ne izenge ɛlɛ ishay yɛ kɛ hɔn ɛnduwubɔ ne iphɛ nwaas, ne kaa bo ɛbhɛ i phɛ nɛ daa ɛnyu ne irywa. Hang ɛ kaa so ndɔ ne ibek yɔɔ, hang ibol ne iyuwa yɔɔ, sɔng nzi yɛɛ nang, ɛTaanggbey zɔng ɛbhɛ ɛ yɛɛ.