iRooma 16:4 - ɛWee ne ìTsɛm iHywas

⁴ Nibhɛ kɛ phɔt ɛwɛt nge. N bok irway ihwala nɛ nibhɛ, sɔng nɛ so mee zɔng n bok irway ihwala da nang ninaa ne iroos sa ne hame nibhɛ so niYahodawa na ma bok.

iRooma 16:4 ပူးပေါင်းရင်းမြစ်များ

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

iFilibi 2:30

Daa ɛli ne ɛ kɛ phyii ne ku ɛlɔ ɛtomɛ ɛKiriti gha. Ɛ kɛ ne ta nang ito ɛbhɛ te ɛ phyik me ne ɛkɔn na ne hame ˆɛ kɛ yɛɛ ne phyik ɛn mɛɛn nɛ.

1 iTasɔlɔnika 2:14

Nyinɛn no nigwaa en, ˆɛ kɛ mɛmɛ ɛn ne ɛkɔn ɛlɔ ne ijwira ninaa ne roos ɛTaanggbey ye ndɔ ɛYɛso ɛKiriti gha nɛ nibhɛ so ne ivel ne iYahudiya de. ˆƐ kɛ sɔ ɛn nggbang ɛlɔ ninyi ɛgarang mon na ɛli nɛ nibhɛ kɛ ma sɔ ɛlɔ niYahodawa na.

1 iKɔrɔntos 16:1

Daa ne ibol de ne yaa nang ɛkɔn ne phyik ninyi ɛTaanggbey ya nɛ wo, mɔn ɛn ɛkɔn na ne nggɛ mɔng idira ninaa ne roos ne iGalatiya na.

1 iKɔrɔntos 7:17

Shɛɛ ɛn ɛli ne ɛ kaa so ɛn nyɛɛn ɛTaanggbey ya kyi yel-le nyini wo. iPhɛ phɛ so ikpii da ne nzi mɛmɛ nɛ ne itumɛ ninaa ne roos sa gbik.

iRooma 5:7

iPhɛ bok nggbang gbom ɛnyi gha ku ɛlɔ ɛnyi gha ne ɛ so cik ko, sɛɛ ne ma rɔk ɛdɛ ɛnyi gha rop ku, ɛ ku ɛlɔ ɛnyi ɛyɛnɛng.

ɛTomɛ 16:5

iPhɛ ɛlɛy idira ninaa ne roos de ne hante ne ihwet ndɔ ne ìnang ne itin de, nibhɛ ne ta i hanas se nɛ nibhɛ tes gbogbom.

ɛTomɛ 15:41

Nibhɛ ne phɛ ne iSiriya gbik ne iSilisiya, nibhɛ bhɛ kpɛng ninaa ne roos sa nibhɛ tes nibhɛ itsɔngɔl gɛgɛy.

ɛYohana 15:13

iShwim ba ne ifɛ shɛɛ so ne ɛnyi yaa tɔɔrek nitaay ya ifɛ so ɛlɛ; te ɛ nang iken ɛbhɛ ɛlɔ nibhɛ.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

ɛTomɛ 15:26

Ninyi yɛnaa wo nɛ nibhɛ kɛ ku nang iken nibhɛ, nibhɛ mɔn ɛtomɛ ɛDaray njwɛɛn ɛYɛso ɛKiriti gha.

iRooma 16:3

Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iRooma 16:5

Kyili ɛn mɛɛn ninaa ne iroos sa nɛ nibhɛ tumɛ ɛn ne ijwee nibhɛ wo. Kyili ɛn mɛɛn ɛnyi nge ɛPɛnetus se ne ɛbhɛ ɛ kaa tsa ɛ nang ne itin nɛ ne ɛKiriti gha ne ivel ne iSiya da.