iRooma 16:3 - ɛWee ne ìTsɛm iHywas

³ Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iRooma 16:3 ပူးပေါင်းရင်းမြစ်များ

2 ɛTimɔti 4:19

Kyili me ɛPirisila ye, ne ɛKyila gbik nɛ ninaa ne ijwee ɛNisipharus sa.

1 iKɔrɔntos 16:19

iJwira ninaa ne roos ne ivel ne iSiya de i kyiisi nyini. ɛKyila gha ne ɛkuk ɛbhɛ ɛPirisila gha gbik ne idira ninaa ne roos de nɛ nibhɛ so ne ijwee nibhɛ ma kyiisi nyini ndɔ ne irywɛɛk ɛDaray.

ɛTomɛ 18:26

ɛPolos sa tsa ɛ bol ne irway nviit ndɔ ne ijwee ne itɔɔy niYahodawa wo. Ne sɛ ɛKyila gha ne ɛPirisila gha kɛ phok ivol ɛbhɛ da, nibhɛ ne yel-le ɛbhɛ ne ijwee nibhɛ, nibhɛ bhɛ hante ne kpɛl ɛbhɛ ɛnkiinɛ ne ibol ɛTaanggbey yo ywɛywɛy.

1 iKɔrɔntos 16:16

roos ɛn ibol ninyi yɛdee nggyɛ wo gbik nɛ ninaa ɛtomɛ mos sa.

iRooma 16:9

Kyili ɛn mɛ ɛn, ɛWulubanos se ne ɛ so ɛtaay mos ndɔ ɛtomɛ ɛKiriti gha. Ta kyili mɛɛn ɛnyi nge ɛSitakyi ye.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 16:4

Nibhɛ kɛ phɔt ɛwɛt nge. N bok irway ihwala nɛ nibhɛ, sɔng nɛ so mee zɔng n bok irway ihwala da nang ninaa ne iroos sa ne hame nibhɛ so niYahodawa na ma bok.

iRooma 16:7

Kyili ɛn mɛɛn ɛNdoronikus se ne ɛYuniyas, nɛ nibhɛ so niYahodawa tɛ mee, ne kaa rop njwi ne nyang nɛ nibhɛ. Nibhɛ so ninyi ne yɛɛ nibhɛ gbom ndɔ ninɔn ne tom ma, nibhɛ kaa ne teye ninaa ne roos ɛKiriti yegha ɛyisɛ nge.

iRooma 16:10

Kyili ɛn mɛɛn ɛPɛlɛs se ne kɛ ku seng ihywel icik ɛbhɛ da gbik ndɔ ne ibol ne roos ɛKiriti yede. Kyili ɛn mɛɛn ninaa ne ijwee ɛRitobulus se.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

2 iKɔrɔntos 12:2

Nzi yɛɛ ɛdɛ ɛhaa ne roos ɛKiriti yegha, ɛhaa ne izenge ɛlɛ ishay yɛ kɛ hɔn ɛnduwubɔ ne iphɛ nwaas, ne kaa bo ɛbhɛ i phɛ nɛ daa ɛnyu ne irywa. Hang ɛ kaa so ndɔ ne ibek yɔɔ, hang ibol ne iyuwa yɔɔ, sɔng nzi yɛɛ nang, ɛTaanggbey zɔng ɛbhɛ ɛ yɛɛ.

iGalatiya 1:22

Nten nɛdee nggyɛ wo, sɔng ninaa ne roos ɛKiriti gha nɛ nibhɛ so ne iYahudiya de kaa ku yaang me ne irwisɛ nibhɛ nang.

iFilibi 2:25

Nzi ne yaang iphɛ kɛ jam mɛ nggyi tom nyini ne ɛBafaratus se ne ɛ so ɛgwaa nge, ɛtaay ɛtomɛ nge, ɛsooja te me ne ˆɛ kɛ tom ɛn ɛbhɛ te ɛ phyik me wo.

iKɔlɔsi 4:11

ɛYɛsuwa gha ne i ta bok ɛbhɛ ɛYɔsitus sa i ma kyiisi nyini. Ninyi itwat tɛnaa wo nibhɛ bhɛ soye niYahodawa zɔng ndɔ ninaa nɛ nibhɛ mɔn ɛtomɛ ne igbɔm ɛTaanggbey ya ne mee wo. Nibhɛ kɛ laasek me irway gbom.