iRooma 15:7 - ɛWee ne ìTsɛm iHywas

⁷ Say ɛn nyini ne ibɔrɔ iphaa ɛli ne ɛKiriti gha kɛ ma say nyini wo, te ne lenɛ ɛlɛy ɛ nang ɛTaanggbey ye ne ndiinday.

iRooma 15:7 ပူးပေါင်းရင်းမြစ်များ

ɛMacu 10:40

“ɛNyi gha ne ɛ kɛ say nyini, me ne ɛ kɛ ne say, ɛnyi gha ne ɛ kɛ ne say me wo, ɛ kɛ ne say ɛnyi gha ne ɛbhɛ kɛ tom me wo.

ɛYohana 13:34

“Naa nang nyini ikpii ifas: Sim ɛn nyini. ɛLi ne nggɛ sim nyini wo ɛlɛy ne iphɛ ne so nggbinggbing ɛ sim ɛn nyini.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

ɛLuka 9:48

Ne ɛ ji yaak nibhɛ, “ɛHiha ne ɛ kɛ say ɛnyinyɔn neghaa lenɛ ne irywɛɛk nge wo, mee ne ɛ kɛ say. ɛHiha ne ɛ kɛ ne say me wo, ɛ kɛ ne ma say ɛnyi gha ne ɛ kɛ tom me. ɛNyi gha ne ɛ kɛ taasek ɛ shɛs ndɔ mon no, ɛbhɛ ne ɛ phyin nyini ne igbom be.”

ɛMarakus 9:37

“ɛHiha ɛnyi ne ɛ kɛ say ɛnyinyɔn neghaa lenɛ ne irywɛɛk nge wo nang, mee ne ɛ kɛ ne say. ɛHaa ne ɛ kɛ ne say me wo, sɔng mee ne ɛ kɛ ne say zɔng nang, ɛ kɛ ma phyii say ɛKyɛɛ nge gha ne ɛ kɛ tom me wo.”

ɛLuka 15:2

niFarisawa na nɛ Ninaa ne Kpɛl ɛShara gha ne yaa wunga ndɔ nibhɛ, nibhɛ bo, “ɛNyi yɛghaa wo kɛ wum ìtsɛm nɛ ninaa ne ɛfɔt, ɛɛ re ire nɛ nibhɛ.”

iFisus 1:12

Ɛ kɛ kasa njwii wo te njwit niYahodawa na ne njwi kɛ tsa njwi yɛk ne irway da daa ɛKiriti gha, shɛɛ ishwɛɛ ne dɛp ito-ndiinday ɛbhɛ.

iRooma 15:9

Tɛ ninyi na ne hame nibhɛ so niYahodawa na ta nang ɛTaanggbey ye ne ndiinday daa ne isan iyɔm ɛbhɛ de. Te ɛli ne ɛWee ne iBol ɛTaanggbey yo i bo, “iPhɛ ɛlɛy ɛDaray, Naa ne nang ngɛ ne ndiinday ndɔ ninyi na ne hame nibhɛ so niYahodawa, naa yɛk ne iywel, te nang irywɛɛk mo wo ne ndiinday.”

ɛYohana 6:37

Gbik ninyi na ne ɛKyɛɛ nge gha kɛ ne ku nang me wo, nibhɛ yaa ne yɛɛs ɛlɔ nge gha, ɛhiha ɛnyi ne ɛ kɛ ne yɛɛs ɛlɔ nge gha sɔng naa ne mbaray me ɛbhɛ nang.

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.