iRooma 15:3 - ɛWee ne ìTsɛm iHywas

³ Sɔng ɛKiriti gha kaa mɔn ɛkɔn na ne aa nang ito ɛbhɛ irway ihwala nang, ɛli ne ɛWee ne iBol ɛTaanggbey yo i bo, “iTowos ninyi da nɛ nibhɛ towos sɛ wo kɛ ho daa mee.”

iRooma 15:3 ပူးပေါင်းရင်းမြစ်များ

ɛMacu 10:25

iPhɛ kɛ hɔn ɛNgɔn ne icwam ma nɛ ɛ te tɛ ɛkyɛɛ ne icwam ɛbhɛ gha. iPhɛ kɛ ne ma hɔn ɛkpuru gha nɛ ɛ te tɛ ɛkyɛɛ ne ijwee ɛbhɛ. Wu kɛ yɔngɔ wu ɛkyɛɛ ne ijwee gha soye ɛBɛlizɛbul la, yaa ne yel-le ninaa ne ijwee ɛbhɛ na ne irɛɛk ge ne iphɛ phyin idede nggyɛ wo.

ɛMacu 26:39

ɛYɛso gha kɛ shompeey gyigyɔɔ, ɛ ho ne ivel, ɛyisɛ ɛbhɛ ne so ne ivel da, ne ɛ roo ɛ yɔngɔ, “ɛKyɛɛ nge, sɛɛ yɔng ˆaa sim ˆɛ sɛɛ ne ba me ɛhyihyangas nggbang ngɛdaa wo, gbik ne iphɛ ɛlɛy, sɔng nzi ne bo wu te ɛ roos idee nge nang, idee mo ne yaa roos.”

ɛMacu 26:42

ɛYɛso gha ne ta kyii, ikyii ne ifaa yɛ ɛbhɛ boote ne ɛTaanggbey ya ɛ yɔngɔ, “ɛKyɛɛ nge, wu phɛ so ngbingbing te ne roos ibol mo de.”

ɛMacu 27:44

ɛLɛy ne mang, ninaa ɛyi na ne kaa gangat nibhɛ ne ɛYɛso gha ne ma bol ivol ne bɛɛs da.

ɛYohana 15:10

Wu ɛ kɛ roos ɛn ikpii nge da, aa ne shɛɛ ɛn ndɔ ne ishwim nge da, ɛli ne nggɛ roos ikpii ɛKyɛɛ nge da n da shɛɛ ndɔ ne ishwim ɛbhɛ da.

ɛYohana 15:24

Sɛɛ yɔng nggɛ sang mɔn nikɔn na ne ɛhak ɛnyi gha kɛ sang ku mɔn ndɔ nibhɛ wo, sɔng nibhɛ sɛɛ ne bok ɛfɔt to nang. Nibhɛ kɛ ne yaang nikɔn na ne nggɛ mɔn no, gbik ne iphɛ ɛlɛy nibhɛ kɛ ne mbaray mee nibhɛ ta mbaray ɛKyɛɛ nge gha.

ɛYohana 4:34

ɛYɛso gha ne yaak nibhɛ, “iRe nge de so; te mɔn ɛkɔn na ne ɛnyi gha ne ɛ kɛ tom me wo ɛ sim, te ne n taal ɛtomɛ gha ne ɛ kɛ nang me wo.

ɛYohana 5:30

Sɔng nzi mɔn ɛdɛ ɛkɔn na ne ito nge nang; nzi bol ninyi ɛshara gha ɛli ne ɛKyɛɛ nge tɔng me. iPhɛ ɛlɛy yang, ɛshara nge gha ne so cik, daa ɛli ne sɔng nzi mɔn ɛkɔn na ne ne ito nge nang, nzi mɔn ɛkɔn na ne ɛhaa ne ɛ kɛ tom me wo ɛ sim.”

ɛYohana 6:38

Daa ɛli ne sɔng nggɛ le daa ne irywa wo n yɛɛs so te mɔn ɛkɔn na ne nzi sim nang. Nggɛ yang yɛɛs te mɔn ɛkɔn na ne ɛhaa ne ɛ kɛ tom me wo i sim.

ɛYohana 8:29

ɛHaa ne ɛ kɛ tom me wo ɛ so ne mee, sɔng ɛ kɛ tek me nggenggere nge nang daa ɛli ne nzi mɔn nikɔn na nɛ nibhɛ yaa laasek ɛbhɛ irway cɛcɛɛy.”

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

iFilibi 2:5

Te icwas mon da ma so ihywee ne icwas ɛYɛso ɛKiriti da.

iFilibi 2:8

Ndɔ ne ibek ɛten ɛsii de, ɛ kɛ laasek ito ɛbhɛ, ɛ roos ɛTaanggbey yegha nɛ. iRoos sɛ phyii bhɛ hɔn ɛbhɛ iku, iku ɛdaa ne ihon ne gangat.