iRooma 15:2 - ɛWee ne ìTsɛm iHywas

² Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

iRooma 15:2 ပူးပေါင်းရင်းမြစ်များ

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

1 iKɔrɔntos 10:23

“Kɛ sim njwɛɛn nɛ te njwɛɛn mɔn nikɔn na gbik,” sɔng gbik nikɔn na kɛ ne jam njwɛɛn nɛ nang. “Kɛ sim njwɛɛn nɛ te njwɛɛn mɔn nikɔn na gbik,” Sɔng gbik nikɔn na ne ji bok iphyik nang.

1 iKɔrɔntos 10:24

Sɔng ɛ wɛɛ ito mo de zɔng ngo nang, ma wɛɛ ɛkɔn na ne aa phyik ɛgwaa mo ne mang.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 13:5

sɔng ifɛ bok tɔɔk ito nang, sɔng ifɛ sobho irway nang, sɔng ifɛ bok sim ito nang, sɔng ifɛ bok icɔk irway nang, sɔng ifɛ boos ivol icwɛl nang.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

1 iKɔrɔntos 14:3

ɛNyi gha ne ɛ ne bol ivol ɛnɛbi da nang, ɛ ne bol nɛ niten nisii te ɛ byinɛ nibhɛ, ɛ te nibhɛ itsɔngɔl gɛgɛy, ɛ mɔn nibhɛ ɛkɔn na ne aa laasek nibhɛ irway.

2 iKɔrɔntos 12:19

Sɔng ɛ yung wɛɛ ɛn te njwii mɔn nikɔn na te njwi kyɛngɛse itso mos ɛlɔ mon na nang. ɛTaanggbey ɛbhɛ ɛ so ɛshɛɛda mos wu itin nɛ ne njwii tɔng ɛli ne ɛKiriti sɛɛ tɔng, te njwi byinɛ nyini ne njwii sim.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

iFisus 4:29

Sɔng ivol ikpɛɛ wuru ndɔ ɛnu mon nang, yang bol ɛn ivol iywɛnɛng, ivaa ne ifɛ yaa phyik ne lɔl ninyi daa ɛkɔn na nɛ nibhɛ i tɔk. ɛLɛ wo ne ivol mon da yaa ne phyik ninaa nɛ nibhɛ i tenes nyini wo.