iRooma 15:1 - ɛWee ne ìTsɛm iHywas

¹ Njwɛɛn no ne ìnang ne itin njwɛɛn da bok ihwet da, iphɛ so nggbinggbing njwɛɛn tɔɔk irighitik ninaa nɛ nibhɛ so kyɔkyɔt to. Te njwɛɛn nang nigwaa irway ihwala sɔng ito njwɛɛn nang.

iRooma 15:1 ပူးပေါင်းရင်းမြစ်များ

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

iRooma 14:1

Say ɛn ɛnyi gha ne ìnang ne itin ɛbhɛ da so kyɔkyɔt to, sɔng ne ɛ re ɛn ɛbhɛ ne ishamas wu icwas ɛbhɛ labhe ne ivaa mon nang.

1 iKɔrɔntos 9:22

I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.

1 ɛYohana 2:14

Nyinɛn nikyɛɛ, nzi haa nyini nɛ, daa ɛli ne ˆɛ yɛɛ ɛn ɛhaa ne ɛ ku sonɛ ne ile ne tum mɛ. Nyinɛn ninɔn niphas, nzi haa nyini nɛ daa ɛli ne ˆɛ bok ɛn ihwet, ibol ɛTaanggbey de i ta shɛɛ ndɔ ne irway mon, ˆɛ kɛ ne ta re ɛn ɛwɛng daa ɛbebhe yɛghaa wo.

2 ɛTimɔti 2:1

iGyɛ ne ɛngɔn nge wo, kyinak gɛgɛy ndɔ ne izɛɛng ngge ne ɛTaanggbey ya kɛ nang ngɛ ndɔ ɛYɛso ɛKiriti gha.

iRooma 4:20

Sɔng ɛBaraying nga kaa ne to irway daa ne ìtsɛm be ne ɛTaanggbey ya kɛ rop ne ɛbhɛ wo nang. ìNang ne itin ɛbhɛ de ne kyi yang hante ne ihwet, ɛ naas ɛTaanggbey yegha ne ndiinday.

iFisus 6:10

ɛTsim mɛ gbik, yɛk ɛn ihwet ndɔ ɛDaray ya. Yɛk ɛn ihwet da daa ne igbom ɛbhɛ ne ndiinday ɛbhɛ.

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.

1 iKɔrɔntos 4:10

Njwi kɛ tes se niwamang te sɛ i nang ɛKiriti ye ne ndiinday, ne ɛ ji so ɛn ninaa ne ntsɛntsɛng ndɔ ɛKiriti gha! Sɔng njwi bok ihwet nang, ne ɛ bok ɛn ihwet! I naas nyini ne ndiinday, ne i bɛɛs njwii!

iRooma 14:2

ìNang ne itin ɛdɛ ɛnyi da sɛɛ yɛɛ ne sim ɛbhɛ nɛ ɛ re gbik ɛkɔn na ne ɛ sim, ɛnyi gha ne ìnang ne itin ɛbhɛ da ne so ikyɔkyɔt to nang, icwas ɛbhɛ da ne i bok ɛbhɛ te ɛ re ivee zɔng.

iFilibi 2:4

Sɔng ɛ wɛɛ ɛn ito mon de zɔng ngo nang, ma wɛɛ ɛn nidɛng ne mang.