iRooma 14:9 - ɛWee ne ìTsɛm iHywas

⁹ Daa ɛli ne ɛKiriti gha kɛ ku, ɛ ta yilitsik ne iken de te ɛ teye ɛDaray ninaa nɛ nibhɛ so niken nɛ ninaa nibhɛ kɛ kus.

iRooma 14:9 ပူးပေါင်းရင်းမြစ်များ

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

ɛLuka 24:26

iPhɛ so nggbinggbing ɛKiriti gha sɔ nggbang ngɛdaa nggyɛ wo nyɛɛn ɛ kyi lel ndɔ ne ndiinday ɛbhɛ de!”

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

ɛTomɛ 10:42

ɛYɛso gha kaa ne yɛk njwii nɛ te njwi tɔng ninyi na ɛnu ne bol ɛbhɛ gha, te njwi ta tɔɔrek nibhɛ wu ɛYɛso gha ne ɛTaanggbey ya kɛ kasa, ɛbhɛ sɛ bol ninyi na nɛ nibhɛ kɛ kus nɛ ninaa nibhɛ sonɛ niken na ɛshara.

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

1 ɛBiturus 4:5

Nibhɛ sɛ ne kyi bhɛ tɔng ɛTaanggbey ye ɛkɔn na nɛ nibhɛ kɛ mɔn. Ɛbhɛ ɛ so ɛhaa ne ɛ sɛ bhɛ bol ninyi niken nɛ ninyi nɛ nibhɛ kus ɛshara.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

2 iKɔrɔntos 5:14

Gbik ɛkɔn na ne njwii mɔn, njwi mɔn ɛbhɛ daa ɛli ne ishwim ɛKiriti bok igbɔm daa mos. Daa ɛli ne njwii kɛ nang ne itin nɛ wu ɛKiriti gha kɛ ku ɛlɔ ninyi na gbik, iphɛ ɛlɛy ninyi na gbik kɛ ne ma kus ndɔ ɛbhɛ.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

Nikɔn ne kɛ Phaal 2:8

Haa ɛmalɛka ne idira ninaa ne roos ne iSimirina de nɛ te ˆɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛbhɛ ɛ so ɛYisɛ yɛ ne ɛTsim mɛ wo, ɛnyi gha ne ɛ kɛ ku ɛ kyii ta so ɛken na.

ɛYohana 12:24

Nzi tɔng nyini itin nɛ: wu itsarak ɛlikama de kɛ sang lel ne ivel ihywɛ ku, ihywɛ yaa ne ku i shɛɛ itsarak izaan. Wu ihywɛ kɛ ne ku nang, ihywɛ yaa ne yɛk ɛtsak itsarak gbom.

iRooma 10:9

Wu ɛ kɛ boote ne ɛnu mo, ɛ yɔng wu “ɛYɛso so ɛDaray,” ɛ ta nang ne itin nɛ ndɔ ne irway mo wu ɛTaanggbey kɛ yiisik ɛbhɛ tsik ndɔ ne ikpuu, yaa ne phɔt tɛ.

1 iTasɔlɔnika 4:14

Njwɛɛn kɛ nang ne itin nɛ wu ɛYɛso gha kɛ ku ne ɛ kyii ta yilitsik ne ikpuu da. iPhɛ ɛlɛy, njwɛɛn kɛ ne ta nang ne itin nɛ wu ɛTaanggbey ya sɛ yɛɛs ne ɛYɛso gha gbik nɛ ninaa nɛ nibhɛ kɛ wum nwa da ndɔ ɛbhɛ wo.

1 iTasɔlɔnika 5:10

ɛKiriti gha kɛ ku ɛlɔ njwɛɛn, ɛlɔ ne sɛ́ sɛ ɛ kɛ yɛɛs te njwɛɛn shɛɛ ne ɛbhɛ ne njwɛɛn so niken, ne njwɛɛn kɛ wum nwa.