iRooma 14:2 - ɛWee ne ìTsɛm iHywas

² ìNang ne itin ɛdɛ ɛnyi da sɛɛ yɛɛ ne sim ɛbhɛ nɛ ɛ re gbik ɛkɔn na ne ɛ sim, ɛnyi gha ne ìnang ne itin ɛbhɛ da ne so ikyɔkyɔt to nang, icwas ɛbhɛ da ne i bok ɛbhɛ te ɛ re ivee zɔng.

iRooma 14:2 ပူးပေါင်းရင်းမြစ်များ

1 ɛTimɔti 4:4

Daa ɛli ne gbik nikɔn na ne ɛTaanggbey ya kɛ ryɔng ngo kɛ jam, iphɛ ɛlɛy, sɔng ne mbaray ɛdɛ ɛkɔn na nang wu kɛ say ɛbhɛ ne irway ihwala.

iRooma 14:14

iShwɛɛ nge da ndɔ ɛDaray ɛYɛso gha kɛ te me nggɛ seng ncɛncɛng, sɔng idɛ ire de sonɛ ne kaa ku ryɔng iphɛ iphɛ so ibebhe yɛ nang. Wu ɛdɛ ɛnyi gha kɛ ne bo ndɔ ne irway ɛbhɛ wu idɛ ire de sonɛ ne iphɛ so ɛbebhe yɛ, iphɛ kɛ ne teye ɛbebhe yɛ ɛlɔ ɛbhɛ.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

iGalatiya 2:12

Nten de nɛ ninyi na ne ɛYakub pa kaa tom mo kaa tɔ tang tuu, ɛBiturus sa kaa ne i re ire de ɛte nɛ ninaa ne hame nibhɛ soye niYahodawa na, ne sɛ ninyi na ne nggyɛ wo kɛɛ tuu, ɛBiturus sa ne yaa tuul le, ɛ mbaray tang tɔ re ire nɛ ninaa ne roos sa ne hame nibhɛ soye niYahodawa na. Daa ɛli ne ɛ kaa bok ɛnik ninyi na nɛ nibhɛ bo te hyɛghɛ ninyi na ne hame nibhɛ soye niYahodawa na icwee da.

iBirani 9:10

Nikɔn nɛnaa nggyɛ wo kaa so daa ne re ne sɔ gbik ne ikpii ne tes en wɛwɛy ihywee-ihywee. iKpii yɛdaa nggyɛ wo kaa ne so ivaa ne ibek zɔng te ji hyep nten de ne de sɛ yɛɛs ne ishwɛɛ ifas da.

ɛTitus 1:15

ɛLɔ ɛnyi gha ne irway ɛbhɛ da so wɛwɛy yo, gbik nikɔn na ne so wɛwɛy. ɛLɔ ɛnyi gha ne ɛ kɛ teye ɛkɔn ne ishis sa, ɛ ta sang bok ìnang ne itin de sɔng ɛdɛ ɛkɔn na ne so ɛwɛwɛy ɛlɔ ɛbhɛ nang. Daa ɛli ne irway nibhɛ da gbik ne icwas nibhɛ da kɛ ku bees se.

1 iKɔrɔntos 10:25

Re ɛn gbik ɛkɔn na ne lɛbhɛl ɛlɔ ne lɛbhɛl inwam ba. Sɔng ɛ phom ɛn nang daa ɛli ne irway mon ya yung yaa to.

iRooma 14:1

Say ɛn ɛnyi gha ne ìnang ne itin ɛbhɛ da so kyɔkyɔt to, sɔng ne ɛ re ɛn ɛbhɛ ne ishamas wu icwas ɛbhɛ labhe ne ivaa mon nang.

iRooma 14:20

Sɔng ire de ne te ɛ tobhos ɛtomɛ ɛTaanggbey ya nang. Ɛɛy, gbik ire de kɛ jam, iphɛ ne so ɛkɔn kpɛɛ ɛnyi gha re ɛkɔn na ne aa te ɛhak ɛgwaa ɛbhɛ gha kyibhɛ wo.

iRooma 15:1

Njwɛɛn no ne ìnang ne itin njwɛɛn da bok ihwet da, iphɛ so nggbinggbing njwɛɛn tɔɔk irighitik ninaa nɛ nibhɛ so kyɔkyɔt to. Te njwɛɛn nang nigwaa irway ihwala sɔng ito njwɛɛn nang.

1 iKɔrɔntos 8:9

Ne ɛ wɛɛ ɛn nyini yɛnɛng ɛlɔ ne aa yung le ɛn ne sɔnɔ da ne kɛ sɔnɔ nyini wo ɛ te ɛn nyini ikɛɛ ne kyibhɛ ninaa nɛ nibhɛ so kyɔkyɔt to.

1 iKɔrɔntos 9:22

I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.