iRooma 13:8 - ɛWee ne ìTsɛm iHywas

⁸ Tal ɛrɔngɔ gbik ɛkɔn na ne ɛ roos sɛ. ɛKɔn na ne ɛ so nggbinggbing ɛ roos ɛn nyini wo so ɛlɛ, tɔɔrek ɛn ishwim ndɔ mon cɛcɛɛy, daa ɛli ne ɛnyi gha ne ɛ sim ɛgwaa ɛbhɛ gha, ɛbhɛ kɛ shwaak iMɛmɛ ɛMuusaa da.

iRooma 13:8 ပူးပေါင်းရင်းမြစ်များ

iRooma 13:10

Wu ɛ sim ɛnyi gha sɔng aa ne mɔn ɛbhɛ ibebhe nang. iPhɛ ɛlɛy, ishwim ba ifɛ ne so kɛ shwaak iMɛmɛ ɛMuusaa da.

iGalatiya 5:14

Kɛ byinki ɛShara gha da ne ikɛn ne bol idaan, i bo, “Sim ɛgwaa mo gha ɛli ne ɛ ma sim ito mo.”

ɛMacu 7:12

iPhɛ ɛlɛy, mɔn ɛn ninyi na ɛkɔn na ne ɛ sim te sɛ mɔn nyini nɛ, ɛlɛy ne iMɛmɛ ɛMuusaa da nɛ ninabawa na bol.

iRooma 13:7

Tal ɛn ɛrɔngɔ gbik ɛkɔn na ne ɛ roos nyini. Wu ijam ne ne ivel te ɛ tal ɛn, wu ijam nikɔn te ɛ tal ɛn. Wu nang ɛnyi ne ndiinday te ne ɛ nang ɛn nɛ, wu phok ɛnik ɛnyi, te ne ɛ phok ɛn.

ɛYakub 2:8

Wu ˆɛ kɛ ne ɛ roos ɛn iMɛmɛ ne igbɔm ɛTaanggbey da ne kɛ haa ndɔ ɛWee ne iBol ɛTaanggbey de i bo, “Sim ɛhaa ɛcɛcɛk mo gha ɛli ne ɛ sim ito mo,” ˆɛ kɛ ne mɔn ɛn ɛkɔn ɛyɛnɛng.

iKɔlɔsi 3:14

Hante ɛn ne ishwim daa nikɔn nɛnaa wo. iShwim ba ifɛ kɛ byingis nikɔn na ɛlɔ ɛdaan nibhɛ te hyɔrɔ.

ɛYohana 13:34

“Naa nang nyini ikpii ifas: Sim ɛn nyini. ɛLi ne nggɛ sim nyini wo ɛlɛy ne iphɛ ne so nggbinggbing ɛ sim ɛn nyini.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 ɛYohana 3:10

I yɛɛ ne seng ɛngɔn ɛTaanggbey ya ne ɛngɔn ɛShɛtan na ɛlɛ: Gbik ɛnyi gha ne hame ɛ mɔn ɛkɔn na ne ɛ so cik sɔng ne ɛ soye ɛNgɔn ɛTaanggbey ya nang, ɛhaa ne ɛ ne mbaray ɛgwaa ɛbhɛ sɔng ne ɛ soye ɛngɔn ɛTaanggbey ya nang.