iRooma 13:7 - ɛWee ne ìTsɛm iHywas

⁷ Tal ɛn ɛrɔngɔ gbik ɛkɔn na ne ɛ roos nyini. Wu ijam ne ne ivel te ɛ tal ɛn, wu ijam nikɔn te ɛ tal ɛn. Wu nang ɛnyi ne ndiinday te ne ɛ nang ɛn nɛ, wu phok ɛnik ɛnyi, te ne ɛ phok ɛn.

iRooma 13:7 ပူးပေါင်းရင်းမြစ်များ

ɛLuka 20:25

Nibhɛ ne kyii nɛ, nibhɛ yɔngɔ, “iZazurum ɛKɛɛsat ne, irywɛɛk ɛbhɛ iphɛ sonɛ.” ɛYɛso gha ne yaak nibhɛ, “Ne ɛ nang ɛn ɛKɛɛsat tegha ɛkɔn na ne ɛ so ɛhaa ɛbhɛ ɛ ma nang ɛn ɛTaanggbey yegha ɛhaa ɛbhɛ ne mang.”

ɛMacu 17:25

ɛBiturus sa ne kyii nɛ ɛ yɔngɔ, “Ɛɛy, ɛ taal.” Ne sɛ ɛBiturus sa kɛ kyii ndɔ ne ijwee wo, ɛYɛso gha ne tsa ɛ boote ne ɛbhɛ ɛ yɔngɔ, “ɛSimɔn ɛ yaang ɛli lɛɛ? Nigɔm ɛzay yɛnaa wo i saasel ijam be ɛlɔ ninaye lɛɛ? ɛLɔ ninaa ne ivel lɛɛ? Hang ɛlɔ ninaa ne ne ikpoo?”

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

ɛMacu 22:21

Nibhɛ ne yɔngɔ, “iZazurum ne irywɛɛk ɛKɛɛsat.” ɛYɛso gha ne yaak nibhɛ, “Ne ɛ nang ɛn ɛKɛɛsat tegha ɛkɔn na ne ɛ so ɛhaa ɛbhɛ gha, te ɛ ne ma nang ɛn ɛTaanggbey yegha ɛkɔn na ne ɛ so ɛhaa ɛbhɛ.”

iFisus 6:5

Nyinɛn nikpuru wo, roos ɛn ibol nikyɛɛ ne ijwee mon ɛzay yɛghaa wo. Nang ɛn nibhɛ ne ndiinday te ˆɛ phok ɛn ɛnik nibhɛ ndɔ nikɔn na gbik ne irway ijwaan ɛli ne ɛ roos ɛn ɛKiriti yegha.

1 ɛBiturus 3:7

ɛLɛy ne mang, nyinɛn niras so, boos ɛn nikuk mon na byirik, nang ɛn nibhɛ ne ndiinday, daa ɛli nɛ nibhɛ phyin nyini ne kyɔkyɔt. Daa ɛli ne nyinɛn no nɛ nikuk mon na gbik, ɛ sɛ re ɛn isha ne izɛɛng ne iken de ne ihywɛ le ɛlɔ ɛTaanggbey ya. Mɔn ɛn ɛlɛ wo ɛlɔ ne ɛkɔn yaa yung ring nyini ne boote ɛn ne ɛTaanggbey ya.

1 ɛTimɔti 6:1

Gbik ninyi na nɛ nibhɛ bok irighitik ne soye nikpuru na, tɛ nibhɛ nang nikyɛɛ ne ijwee nibhɛ na ne ndiinday ne iphɛ so kancɛng nɛ nibhɛ, ɛlɔ ne yaa yung bol ivol ne bɛɛs irywɛɛk ɛTaanggbey yo gbik ne imɛmɛ njwɛɛn da.

iFisus 5:33

Gbik ne iphɛ ɛlɛy, te ɛrɔngɔ sim ɛkuk ɛbhɛ ɛli ne ɛ sim ito ɛbhɛ. Te ɛkuk ka ne ma nang ɛras ne ndiinday ne mang.

ɛLuka 23:2

Kɛ ne sɛ nibhɛ kɛ tuu ɛnggyɛy wo nang, nibhɛ ne rop ɛYɛso yegha ne ihyoo nibhɛ bo, “Njwi kɛ wum ɛnyi yɛghaa wo ɛ subhus ninyi. ˆƐɛ bok nibhɛ wu hang nibhɛ tal ɛKɛɛsat re ijam ne ivel, ne ɛ ta yaak nibhɛ wu yee i soye ɛKiriti, i ta soye ɛgɔm.”

ɛMarakus 12:17

ɛYɛso gha ne yaak nibhɛ, “Ne ɛ nang ɛn ɛKɛɛsat tegha ɛkɔn na ne ɛ so ɛhaa ɛbhɛ te nɛ ma nang ɛn ɛTaanggbey yegha ɛkɔn na ne ɛ ma so ɛhaa ɛbhɛ.” Nibhɛ ne yaa wɛɛ ɛYɛso yegha zii.

1 ɛTimɔti 5:13

Sɔng ɛnggyɛ wo zɔng nang, nibhɛ yaa ne ta teye ninaa ne itek nɛ ninaa kaan tsik nibhɛ roos idee-idee. Nibhɛ ne ta teye ninaa ne bol ivol mumuk nɛ ninaa ne ring phɔt nibhɛ ne soos. Nibhɛ bol ivol da ne hame iphɛ kɛ jam mɛ.

ɛLuka 20:22

iPhɛ kɛ ne jam mɛ njwi tal ɛKɛɛsat tegha ijam ne ivel dee hang iphɛ kɛ ma sang jam mɛ?”

iRooma 12:10

Te ɛrɔngɔ sim ɛrɔngɔ ne ihywee ne ishwim ba ne ifɛ so ivaa ninaa ne roos. Te ɛrɔngɔ nang ɛrɔngɔ ne ndiinday ɛ phyin ito ɛbhɛ.

iRooma 13:6

iBol lɛ iphɛ kɛ te ɛ ta taal ɛn ijam ne ivel, daa ɛli nɛ nindiinday ya i mɔn ɛTaanggbey ye ɛtomɛ, nibhɛ kɛ nang nten nibhɛ gbik ndɔ ɛtomɛ yɛghaa nggyɛ wo.