iRooma 13:2 - ɛWee ne ìTsɛm iHywas

² iPhɛ ɛlɛy, gbik ɛnyi gha ne ɛ kɛ bɛɛs igbɔm ba ɛ kɛ ne bɛɛs ɛkɔn na ne ɛTaanggbey kɛ see, ninaa nɛ nibhɛ ne mɔn ɛlɛ wo nibhɛ ne hɔ nggbang daa ne ito nibhɛ.

iRooma 13:2 ပူးပေါင်းရင်းမြစ်များ

1 ɛBiturus 2:13

Roos ɛn igbɔm ɛzay da gbik te sɛ i nang ɛDaray ye ne ndiinday. Roos ɛn ibol ɛgɔm ɛndiinday de daa ɛli ne ɛɛ re igbɔm ba daa ninyi na gbik.

ɛTitus 3:1

Taate ninyi mo na nɛ wu tɛ nibhɛ laasek nindiinday ne ivel la nɛ gbik nɛ nigɔm ma. Tɛ nibhɛ roos ibol nibhɛ, nibhɛ ryɔng en ɛli nɛ nibhɛ yaa i mɔn nikɔn niyɛnɛng gbik.

ɛYakub 3:1

Nigwaa en, sɔng iday mon sim nibhɛ teye nikyɛɛ ne icwam ma nang, daa ɛli ne ˆɛ yɛɛ ɛn njwit to ne njwi soye nikyɛɛ ne icwam ma, sɛ bol njwii ɛshara gha ne ihwet i phyin ɛbyin ninyi na.

iRooma 13:5

iPhɛ ɛlɛy, iphɛ ne so nggbinggbing ɛ roos ɛn ibol ne igbɔm ba, sɔng ne ɛ roos ɛn iphɛ ɛlɔ ne ɛ tel ɛn njenjek ɛTaanggbey zɔng nang, mɔn ɛn ɛlɛ wo daa ɛli ne icwas ne irway mon ifɛ ifɛ bok nyini ɛlɛy.

ɛMarakus 12:40

Nibhɛ ne phɔrɔt nikɔn nikusang, nibhɛ ne ji kyangas en nibhɛ roro ne ɛTaanggbey wu te ne yɔng wu nyin i yɛɛ ɛTaanggbey ye n shɛs. ɛShara ninyi yɛnaa nggyɛ wo sɛ ne bhɛ kat gbom!”

ɛLuka 20:47

Nibhɛ bhɛ i re nikɔn niKusang, nibhɛ ne ji kyangas en nibhɛ roro ne ɛTaanggbey wu te yɔngɔ wu nyin i yɛɛ ɛTaanggbey yegha i shɛs. iHywɛɛ ninyi yɛdee wo sɛ ne bhɛ sɔ ɛgbaang nggbang.”

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

iRooma 9:19

ɛDɛ mon sɛ ne yɛɛ ne yaak me, “Wu iphɛ ne so ɛlɛ wo ikyee iphɛ kɛ ne te ɛTaanggbey ya ne tɔ bo wu njwɛɛn soye ninaa ne ɛfɔt ta i? ɛDɛ ɛnyi gha sɛ yɛɛ ne mbaray ɛkɔn na ne ɛTaanggbey ya sim mo be?”

iRooma 13:1

iPhɛ so nggbinggbing ɛrɔngɔ roos ibol ne igbɔm ba, daa ɛli ne sɔng idɛ igbɔm ba sonɛ ne hame ɛTaanggbey ɛbhɛ kɛ nang ifɛ nang. ɛLɛy dɔng, gbik igbɔm ba ne ifɛ sonɛ wo ɛTaanggbey ɛbhɛ kɛ see ifɛ.

iRooma 13:3

Sɔng nigɔm ma so ɛkɔn ne ɛnik ɛlɔ ninyi na nɛ nibhɛ mɔn nikɔn niyɛnɛng nga nang, ifɛ yang so ɛkɔn ne ɛnik ɛlɔ ninyi na nɛ nibhɛ mɔn nikɔn nibebhe. ˆƐ sim te hame ɛ sɛ tel ɛgɔm maa? Ne ɛ mɔn ɛkɔn ɛyɛnɛng, ɛgɔm ma yaa ne ton nɛ.