iRooma 13:12 - ɛWee ne ìTsɛm iHywas

¹² ɛTuk ka yek gbang, ihwɛlɛ yungaa wuru. iPhɛ ɛlɛy te njwɛɛn hana nitomɛ ndɔ gbyik ka njwɛɛn yɛk en ne nikɔn ne itsom ninaa nɛ nibhɛ so iwɛwɛy.

iRooma 13:12 ပူးပေါင်းရင်းမြစ်များ

iFisus 5:11

Hosop ɛn nyini nɛ nitomɛ ndɔ gbyik ka nɛ nibhɛ i sang yɛk ikpam ba. Yang phaal ɛn nibhɛ kpas.

2 iKɔrɔntos 6:7

ne ivol ne itin mos, gbik ne ihwet ɛTaanggbey. Njwi ne so cik, iphɛ ne so te ɛkɔn ne itsom ne njwi bok ne njwii hal ne irywen njwi ta kyɛngɛ ye nɛ.

ɛYakub 1:21

iPhɛ ɛlɛy, ne ˆɛ hana ɛn ishwɛɛ ne ishis da ne ibebhe de gbik. Te ɛ say ɛn ibol de ne kɛ tup ndɔ ne irway mon da ne irway lyaak. iBol de ne iphɛ i yɛɛ ne phɔt nyini wo.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iRooma 13:14

Te njwɛɛn yang boos ɛDaray ɛYɛso ɛKiriti yegha cɛcɛk ne ibek te ɛtura ne njwɛɛn kɛ yɛk ngɛ, sɔng njwɛɛn sim i roos icwas ne irway njwɛɛn da ne ifɛ aa te njwɛɛn yaa sim ibebhe de nang.

Nikɔn ne kɛ Phaal 22:10

Ne ɛ ta yaak me; “Sɔng ɛ rɛɛ ivol da ne kɛ tɔng ndɔ ne ɛwee yɛwoo wo nang, daa ɛli ne nten nɛ ne yaa shwaak nikɔn nɛnaa wo yek cɛcɛk.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

Nikɔn ne kɛ Phaal 1:3

ɛHaa ɛwɛng ngaa nggyɛy ne ɛ tɔng nihak ninyi ibol lɛdee wo ne iphɛ le ɛlɔ ɛTaanggbey ya, ɛhaa ɛwɛng ngaa nggyɛy ne ɛ ne tenes ibɔrɔk ne ibol lɛdee wo ɛ roos gbik nikɔn na ne kɛ haa ndɔ ne ɛWee yɛwoo wo. Daa ɛli ne nten nɛ nikɔn nɛnaa wo sɛ shwaak ghe yek cɛcɛk.

1 iKɔrɔntos 7:29

ɛKɔn na ne nzi bol lo ɛbhɛ ghaa lɛ nigwaa en; nten de kɛ mak ncɛt, sɔng ninaa nikuk ka ne kyii ne ihywɛɛ nibhɛ de daa nikuk nibhɛ na zɔng ngo nang.

1 iKɔrɔntos 10:11

Nikɔn nɛnaa wo kɛ tes te tɔɔrek njwɛɛn ɛkɔn, kɛ ne ta haa te sɛ hɔwɔ njwɛɛn itsoro. Daa ɛli ne njwɛɛn so nten de ne ɛzay ya yungaa taal le.

2 iKɔrɔntos 10:4

Daa ɛli ne sɔng nikɔn ne itsom mos sa so ninaa ɛzay ya nang, nibhɛ so ninaa ɛTaanggbey nɛ nibhɛ bok ihwet. Nibhɛ ne njwii mɔn ne ɛtomɛ njwi bunga ne icwas ne irywɛɛk ga ne ifɛ bok ihwet da.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iBirani 10:25

Sɔng njwɛɛn shɛɛ en itumɛ ne re ntsong ngga te ɛli nɛ nidɛng i mɔn no nang. Te njwɛɛn yang i tes en itsɔngɔl gɛgɛy, te njwɛɛn hante ne mɔn ɛlɛ wo daa ɛli ne ɛtuk ɛDaray ya yek cɛcɛk.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.

ɛYakub 5:8

Nyinɛn no ne mang, ne ˆɛ ma bo ɛn ɛbɔk. Kyinak ɛn nting, daa ɛli ne ɛDaray ya yek cɛcɛk.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

2 ɛBiturus 3:9

Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.

2 ɛBiturus 3:11

Daa ɛli ne sɛ ne bees nikɔn na gbik ɛlɛ wo, iphɛ kɛ ne jam mɛ ɛ sɛ te ɛn nyini iya ihywee ninyi daa mɛɛ? iPhɛ kɛ jam mɛ ɛ sɛ tul ɛn nyini kang ɛ te ɛn ninyi ninaa ɛTaanggbey.

1 ɛYohana 2:18

Nyinɛn ninɔn nge wo, nten nɛdee wo soye nituk ɛtsim. Te ɛli ne ɛ kaa phok ɛn i bo ɛhaa ne iphup ɛKiriti gha yaaso wo, ɛlyilyɛghaa wo, ninaa ne iphup ɛKiriti na kɛ ne ku yɛɛs gbom. iPhɛ phɛ kɛ te njwi kɛ seng ɛli ne nten nɛdee wo soye nituk ɛtsim ma.