iRooma 13:10 - ɛWee ne ìTsɛm iHywas

¹⁰ Wu ɛ sim ɛnyi gha sɔng aa ne mɔn ɛbhɛ ibebhe nang. iPhɛ ɛlɛy, ishwim ba ifɛ ne so kɛ shwaak iMɛmɛ ɛMuusaa da.

iRooma 13:10 ပူးပေါင်းရင်းမြစ်များ

iRooma 13:8

Tal ɛrɔngɔ gbik ɛkɔn na ne ɛ roos sɛ. ɛKɔn na ne ɛ so nggbinggbing ɛ roos ɛn nyini wo so ɛlɛ, tɔɔrek ɛn ishwim ndɔ mon cɛcɛɛy, daa ɛli ne ɛnyi gha ne ɛ sim ɛgwaa ɛbhɛ gha, ɛbhɛ kɛ shwaak iMɛmɛ ɛMuusaa da.

ɛMacu 7:12

iPhɛ ɛlɛy, mɔn ɛn ninyi na ɛkɔn na ne ɛ sim te sɛ mɔn nyini nɛ, ɛlɛy ne iMɛmɛ ɛMuusaa da nɛ ninabawa na bol.

ɛYohana 13:34

“Naa nang nyini ikpii ifas: Sim ɛn nyini. ɛLi ne nggɛ sim nyini wo ɛlɛy ne iphɛ ne so nggbinggbing ɛ sim ɛn nyini.

iGalatiya 5:14

Kɛ byinki ɛShara gha da ne ikɛn ne bol idaan, i bo, “Sim ɛgwaa mo gha ɛli ne ɛ ma sim ito mo.”

ɛYakub 2:8

Wu ˆɛ kɛ ne ɛ roos ɛn iMɛmɛ ne igbɔm ɛTaanggbey da ne kɛ haa ndɔ ɛWee ne iBol ɛTaanggbey de i bo, “Sim ɛhaa ɛcɛcɛk mo gha ɛli ne ɛ sim ito mo,” ˆɛ kɛ ne mɔn ɛn ɛkɔn ɛyɛnɛng.