iRooma 12:8 - ɛWee ne ìTsɛm iHywas

⁸ Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

iRooma 12:8 ပူးပေါင်းရင်းမြစ်များ

2 iKɔrɔntos 9:7

Te ɛrɔngɔ nang ɛli ne ɛ kɛ tas ndɔ ne irway ɛbhɛ, sɔng ne irway ishwii te ɛli ne kɛ yɛk ɛnyi yɛnɛ nggbinggbing nang, daa ɛli ne ɛTaanggbey ya i sim ɛnyi gha ne ɛ kɛ nang ne irway ihwala da.

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

iBirani 13:17

Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.

ɛTomɛ 15:32

ɛYahuza gha ne ɛSila gha nɛ nibhɛ kaa ne soye ninabawa na ne bol nɛ ninaa ne roos sa gbom, ivol nibhɛ da ne hante ne te nibhɛ itsɔngɔl gɛgɛy.

ɛTomɛ 13:15

Ne sɛ kɛ tɔng ɛShara ɛMuusaa gha ne ibol niNabawa de, nindiinday ne ijwee ne itɔɔy yo ne tom nibhɛ nɛ, nibhɛ bo, “Nigwaa en, wu ɛ bok ɛn idɛ bol ne iphɛ yaa phyik ninyi na boote ɛn iphɛ.”

iBirani 13:24

Kyili ɛn nindiinday mon na gbik ninaa ɛTaanggbey ya. Nigwaa mon na nɛ nibhɛ so ne iTaliya na i kyiisi nyini.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.

iBirani 10:25

Sɔng njwɛɛn shɛɛ en itumɛ ne re ntsong ngga te ɛli nɛ nidɛng i mɔn no nang. Te njwɛɛn yang i tes en itsɔngɔl gɛgɛy, te njwɛɛn hante ne mɔn ɛlɛ wo daa ɛli ne ɛtuk ɛDaray ya yek cɛcɛk.

2 iKɔrɔntos 8:12

Wu ɛ bok ɛn irway ne nang ìnang ngga, ɛTaanggbey ya yaa ne say ìnang mon da kancɛng ne ɛkɔn na ne ɛ bok ɛn, sɔng daa ɛkɔn na ne sang bok ɛn nang.

1 iKɔrɔntos 14:3

ɛNyi gha ne ɛ ne bol ivol ɛnɛbi da nang, ɛ ne bol nɛ niten nisii te ɛ byinɛ nibhɛ, ɛ te nibhɛ itsɔngɔl gɛgɛy, ɛ mɔn nibhɛ ɛkɔn na ne aa laasek nibhɛ irway.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 20:2

Ne sɛ ɛ kɛ roos nigarang ngɛnaa nggyɛ wo, ɛ bol nɛ ninaa ne roos ivol da ne ifɛ aa tes nibhɛ itsɔngɔl gɛgɛy, ne ɛ ji phɛ ne iGiris.

1 ɛTimɔti 4:13

Nyɛɛn nggyi yɛɛs so, see ito ne tɔng ɛWee ne iBol ɛTaanggbey yo ndɔ ne idira ninaa ne roos de, te ɛ sanga iphɛ, ɛ mɛmɛ nibhɛ nɛ.

1 iTasɔlɔnika 2:8

Daa ɛli ne njwi sim nyini gbom mo, sɔng njwi kɛ ne sim te njwi sɛɛ nang nyini iBol iYɛnɛng ngge ne iphɛ le ɛlɔ ɛTaanggbey ya zɔng nang, njwi kɛ ne ta phok yɛnɛng ne nang ikpen mos ɛlɔ mon. ˆƐ so ɛn ne irway mos gbom.

1 iTasɔlɔnika 2:3

Daa ɛli ne sɔng iben, ne iluk, ne icwas ivebhe so ndɔ ne ibol de ne njwii tɔng nyini wo nang.

iKɔlɔsi 3:22

Nyinɛn nikpuru, roos ɛn ibol nikyɛɛ ne ijwee mon ɛzay de ndɔ nikɔn na gbik. Sɔng ˆɛ mɔn ɛn ɛtomɛ gha nten de nɛ nibhɛ sonɛ nibhɛ wɛɛ nyini tɛ nibhɛ ji phok iyɛnɛng mon de nang, yang mɔn ɛn ɛtomɛ gha ne irway ijwaan te ˆɛ tel ɛn ɛnik ɛDaray.

iFisus 6:5

Nyinɛn nikpuru wo, roos ɛn ibol nikyɛɛ ne ijwee mon ɛzay yɛghaa wo. Nang ɛn nibhɛ ne ndiinday te ˆɛ phok ɛn ɛnik nibhɛ ndɔ nikɔn na gbik ne irway ijwaan ɛli ne ɛ roos ɛn ɛKiriti yegha.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

2 iKɔrɔntos 9:11

ɛTaanggbey ya yaa ku i naas nyini te ˆɛ maa naas ɛn ne irway ihwala, tɛ ninyi na gbom ne i tɔɔsel ɛTaanggbey yegha irway ihwala lenɛ ne ìnang mon da nɛ nibhɛ kɛ say yo ɛlɔ mos sa.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

iRooma 13:6

iBol lɛ iphɛ kɛ te ɛ ta taal ɛn ijam ne ivel, daa ɛli nɛ nindiinday ya i mɔn ɛTaanggbey ye ɛtomɛ, nibhɛ kɛ nang nten nibhɛ gbik ndɔ ɛtomɛ yɛghaa nggyɛ wo.

iRooma 12:13

Hosop ɛn nikɔn mon na nɛ ninyi ɛTaanggbey ya nɛ nibhɛ so nitaasek. Say ɛn ninaa ne kpoo na ne izinɛ ne ishwɛ.

ɛMacu 25:40

“ɛGɔm ma sɛ ne kyii nɛ ɛ yaak nibhɛ, ‘Nzi tɔng nyini itin nɛ, ɛli ne kaa mɔn ɛn ɛdɛng ɛdaan ne ɛ kɛ taasek ko ndɔ nigwaa nge na, mee ne ɛ kaa ne mɔn ɛn mɛɛn nɛ.’

ɛTomɛ 13:12

Ne sɛ ɛgɔm-na gha kɛ yaang ɛlɛ wo, ne ɛ wum me zii daa ɛkɔn na ne ibol iDaray de kɛ mɛmɛ nɛ wo, ne ɛ nang ne itin nɛ.

ɛTomɛ 4:36

Ɛdɛ ɛnyi ne iKuburus sa kaa ne sonɛ ne kaa bok ɛbhɛ ɛYisifu, ɛ kaa so ɛhaa ne icwaang ɛLawi. Ninɔn ne tom ma kaa ne yeres ɛbhɛ ɛBanabas, Kaabi i bo, ɛHaa ne te itsɔngɔl gɛgɛy.

ɛTomɛ 11:23

Kɛ ne sɛ ɛBanabas sa kɛ bhɛ tuu iNtakiya de ɛ yaang izɛɛng ngge ne ɛTaanggbey ya kɛ nang nibhɛ wo, ne ɛ yɛk irway ihwala. ɛBanabas sa ne kpɛng nibhɛ wu tɛ nibhɛ shɛɛ ndɔ ne itin ne ibol ɛDaray de ne irway nibhɛ gbik.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.