iRooma 12:7 - ɛWee ne ìTsɛm iHywas

⁷ Wu izɛɛng ngɛ ne so izee ne mɔn ɛtomɛ ne phyik, te ne ɛ mɔn ɛtomɛ ne phyik ga byirik, wu ihywɛ ne so izee ne mɛmɛ nɛ, te ne ɛ mɛmɛ nɛ byirik.

iRooma 12:7 ပူးပေါင်းရင်းမြစ်များ

iFisus 4:11

Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

ɛTomɛ 13:1

Ndɔ ne idira ninaa ne roos ne iNtakiya na, ninabawa nɛ nikyɛɛ ne icwam kaa ne sonɛ ɛlɛ, ɛBanabas ne ɛSimiyɔn na ne bok ɛbhɛ ɛNija, ne ɛLushiyɔs ne ɛ so ɛnyi ne iSɛrene, ne ɛManayen ne ɛ kɛ shɛɛ ne ɛgɔm ɛHyiridus, gbik ɛShawulu.

2 ɛTimɔti 2:24

Sɔng ɛhaa ne mɔn ɛtomɛ ɛDaray ya teye ɛhaa ne boos izok ge nang; te ɛ yang teye ɛnyi ɛyɛnɛng ɛlɔ ninyi na gbik, ɛhaa ne yɛɛ ne mɛmɛ ninyi nɛ ne ɛhaa ɛbɔk.

2 ɛTimɔti 2:2

Gbik nɛ nikɔn na ne ˆɛ kɛ phok nzi bol ɛnu ɛyisɛ nishɛɛda ne gbom ma, te ˆɛ nang nikɔn nɛnaa wo ndɔ ne iwɔ ninaa nɛ nibhɛ so sɛ kyinak daa ne ibol nibhɛ de tɛ nibhɛ ma bhɛ mɛmɛ nidɛng ngɛ ne mang.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛTimɔti 3:2

iPhɛ ne so nggbinggbing ɛndiinday ne idira ninaa ne roos sa so wɛlɛng ɛkɔn ne tok, ɛ bok ɛkuk ɛdaan. Ɛ so ihywɛɛ, ɛ kɛ wum ito ɛbhɛ, ɛ so lyaak, ɛɛ say ninaa ne kpoo, ɛɛ yɛɛ ne mɛmɛ ninyi nɛ yɛnɛng.

1 ɛTimɔti 2:7

ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

iKɔlɔsi 4:17

Yaak ɛn ɛCipus sa wu te ɛ kyii ne ihywɛɛ ɛbhɛ, ɛ taal ɛtomɛ gha ne ɛDaray ya kɛ nang ɛbhɛ wo.

iGalatiya 6:6

Gbik ɛnyi gha ne i kɛ mɛmɛ ɛbhɛ ne bol ɛTaanggbey de, tɛ ne ɛ ma mɔn ɛKyɛɛ ne icwam ɛbhɛ gha ɛkɔn ɛyɛnɛng.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 20:20

Sɔng nggɛ shɛɛ tang tɔng nyini ɛdɛ ɛkɔn ɛyɛnɛng nga ne aa phyik nyini nang. Nggɛ roos idee-idee gbik n tɔng ibol de wɛsɛrɛk.

ɛTomɛ 6:1

Ndɔ nituk kɛnaa nggyɛ wo nɛ ninaa ne roos sa kɛ hantey yɛ nibhɛ te gbom mo, niYahodawa na nɛ nibhɛ ibol ilem ne iGirik ge ne yaa bol daa ne ito niYahodawa de nɛ nibhɛ bol ilem ne iRamik ge, nibhɛ bo wu hang i wɛɛ nikusang nibhɛ daa nikɔn na ne i hosop izenge ne ihwɛlɛ wo.

ɛYohana 3:2

Kaa ne sɛ ɛdɛ ɛtuk kɛ ne ɛ yel-le ne ɛbyin ɛtuk ɛbhɛ sɛ ɛYɛso yegha ɛ ji yaak ɛbhɛ, “ɛKyɛɛ ne iCwam, njwii ku yɛɛ ɛ soyɛ ɛkyɛɛ ne icwam ne ɛTaanggbey kɛ tom. Daa ɛli ne sɔng ɛnyi sɛɛ yɛɛ ne mɔn nikɔn ne kparat ta ne ɛ mɔn no ne hame ɛTaanggbey kɛ tom ɛbhɛ nang.”

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

1 iKɔrɔntos 12:5

Nkpiinɛ ne mɔn ɛDaray yegha ɛtomɛ gha sonɛ kang-ka-kang, ne so ɛDaray ɛdaan nɛ ne i mɔn ɛbhɛ nɛ.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.