iRooma 12:3 - ɛWee ne ìTsɛm iHywas

³ Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

iRooma 12:3 ပူးပေါင်းရင်းမြစ်များ

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

1 ɛBiturus 5:5

ɛLɛy ne nyinɛn ninɔn niphas sa, roos ɛn ibol ninu ne ikɔɔn de. Gbik mon no, te ɛrɔngɔ laasek ito ɛbhɛ ɛnu ɛyisɛ ɛgwaa ɛbhɛ daa ɛli ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya mbaray ninyi na nibhɛ tɔɔsek ito de, ne ɛ ji mɔn ninaa nɛ nibhɛ kɛ laasek ito de iyɛnɛng.”

iRooma 12:16

Shɛɛ ɛn ncaang ndɔ mon no. Sɔng ɛ tɔɔsek ɛn ito nang yang sim ɛn ɛ shɛɛ ɛn nɛ ninyi na nɛ nibhɛ soye nitaasek. Sɔng ɛ wɛɛ ɛn te ɛ phyin ɛn ɛbyin ninyi na ne ntsɛntsɛng ge nang.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

ɛYakub 4:6

Gbik ne iphɛ ɛlɛy, ɛTaanggbey ya i ne hanas njwɛɛn ne izɛɛng ngge gbom. iPhɛ phɛ kɛ te kɛ haa ndɔ ne ɛWee ne iBol ɛTaanggbey yo i bo, “ɛTaanggbey ya i mbaray ɛhaa ne tɔɔk ito, ne ɛ nang ɛhaa ne laasek ito izɛɛng ɛbhɛ.”

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.

1 iKɔrɔntos 7:17

Shɛɛ ɛn ɛli ne ɛ kaa so ɛn nyɛɛn ɛTaanggbey ya kyi yel-le nyini wo. iPhɛ phɛ so ikpii da ne nzi mɛmɛ nɛ ne itumɛ ninaa ne roos sa gbik.

ɛTitus 2:12

iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.

ɛTitus 2:2

Mɛmɛ nihelem niras sa nɛ tɛ nibhɛ shɛɛ ihywɛɛ, nibhɛ wum ito nibhɛ, tɛ nibhɛ gbaat ito nibhɛ, tɛ nibhɛ kyinak gɛgɛy ndɔ ne ìnang ne itin de, ne ishwim gbik ne irop iku.

2 iKɔrɔntos 12:7

Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

iRooma 11:20

Ɛlɛy ne phɛ so! Kaa ne hyɛghɛ ilaak ge nɛ ne itin nɛwo daa ne yɔm ne sang nang ne itin nɛ. iGyɛ wo nang, ne lenɛ ne nang itin nɛ ɛ kɛ ne sɛ ɛ shɛɛ ndɔ ne itin de. iPhɛ ɛlɛy, sɔng ne ɛ hal ɛgyɛy ya nang, yang wum ɛnik.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

ɛTitus 2:4

ɛLɛ wo nɛ nibhɛ yaa ne gbaat nikuk niphas sa tɛ nibhɛ sim niras nibhɛ nɛ ninɔn nibhɛ.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

iFisus 4:16

Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

ɛTitus 2:6

ɛLɛy ne mang, te ninɔn niphas sa itsɔngɔl gɛgɛy tɛ nibhɛ shɛɛ hywɛɛ.

1 ɛTimɔti 2:15

Gbik ne iphɛ ɛlɛy, nikuk ka sɛ ne sɛ iphɔrɔt da lenɛ nɛ ninɔn nɛ nibhɛ yaak, wu nibhɛ kɛ re ɛnu ɛyisɛ ndɔ ne ìnang ne itin ne ishwim ne itul le kang, gbik ne wum ito.

1 ɛTimɔti 2:9

Nzi ne ma ta sim tɛ nikuk ka sɛ wɛɛ en yɛnɛng daa ne igyura nibhɛ. Te nibhɛ yaak en ne itsura da ne ifɛ kɛ jam mɛ, sɔng nibhɛ kyangase ne izel ne ban ito, ne izinariya, nɛ nikɔn ne nggyɛmɛng-nggyɛmɛng, ne itsura ne ijam gbom nang,

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

iFisus 3:4

Yaa ne sɛ ˆɛ kɛ tɔng ɛn ɛkɔn na ne nggɛ haa wo, ˆaa ne seng ɛn ɛkɔn na ne nzi yɛɛ daa ɛkɔn ɛgying ɛKiriti gha.

2 iKɔrɔntos 12:13

ɛYa nkiinɛ ne ˆɛ lap ɛn nyini ne ɛbyin ninaa ne roos saa? Yaa yɔng ɛli ne nggaa sang sim ɛ phyik ɛn mɛɛn ne ijam bee? Ne ɛ hana ɛn mɛ ɛn nɛ!

1 iKɔrɔntos 3:10

Lenɛ ne izɛɛng ne ɛTaanggbey ya kɛ nang me, nggɛ ne tum ɛtum ne ijwee wo, daa ɛli ne nzo ɛhaa ne yɛɛ ne ijwee. ɛHak ɛnyi yaa ne ji lɔl daa ne ɛtum mɛwoo wo. iPhɛ ne so nggbinggbing ɛrɔngɔ wɛɛ ye yɛnɛng ɛli ne aa lɔl ijwee wo da ne ɛtum mɛwoo wo,

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

3 ɛYohana 1:9

Nggɛ haa ninaa ne idira ne ninaa ne roos de ɛwee, gbik ne iphɛ ɛlɛy ɛDiyɔtirifɛs sa kɛ ne mbaray tang wɛɛ ɛwee yɛ te ɛkɔn daa ɛli ne ɛ tɔk ghe ndiinday.

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

iFisus 3:2

ɛTsak, ˆɛ kɛ phok ɛn wu ɛTaanggbey ya ndɔ ne izɛɛng ɛbhɛ de kɛ nang me ɛtomɛ yɛghaa wo te iphɛ phyik nyini,

2 iKɔrɔntos 10:13

Sɔng njwi yaa hal ɛgyɛy ya njwi phee ne igbak nang. Njwi yaa yang hal ɛgyɛy ya cɛcɛɛy ne ɛtomɛ gha ne ɛTaanggbey ya kɛ yɛk njwi nɛ, kaabi ɛtomɛ gha ne ɛ kɛ phyii bhɛ hɔn ɛlɔ mon na.

iFilibi 2:13

Daa ɛli ne ɛTaanggbey ya ɛbhɛ ɛ mɔn ɛtomɛ ne irway mon da. Ɛbhɛ ɛ ne yɛk ngɛ ˆɛ sim ɛn ɛkɔn na ɛ sim, ˆɛ ta mɔn ɛn ɛbhɛ.