iRooma 12:1 - ɛWee ne ìTsɛm iHywas

¹ iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

iRooma 12:1 ပူးပေါင်းရင်းမြစ်များ

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

iRooma 6:19

Nzi bol ne nyinɛn te ɛli ne ɛten ɛsii i bol, daa ɛli ne ɛ so ɛn niten nisii, icwas mon da kɛ ne taasek. Ne ile de ɛ kaa nang ɛn nilɔ ne ibek mon na nibhɛ teye nikpuru nikɔn ne ishis gbik ne ibebhe ne iphɛ hanas se nɛ. ɛLyilyɛghaa wo, iphɛ ne so nggbinggbing, ɛ nang nilɔ ne ibek mon na nibhɛ teye nikpuru nitomɛ nicik, nɛ nibhɛ te ɛ shɛɛ iwɛwɛy.

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iRooma 6:16

Ɛ doo ɛn ɛli ne ɛnyi gha i teye ɛkpuru ɛkɔn na ne ɛ kɛ ku kasa aa roos ibol ɛbhɛ dee? Ɛ ɛnyi gha sɛɛ yɛɛ ne teye ɛkpuru ne ɛfɔt ta ne ɛbhɛ yɛɛs ne iku, ɛnyi gha ne ta yee ne teye ɛkpuru ne roos ibol ɛTaanggbey ne iphɛ yɛɛs ne ihywel icik.

2 iKɔrɔntos 4:16

iPhɛ ɛlɛy, sɔng njwi kɛ ne tul irway nang. Gbik ɛli ne ibek mos sɛ de wo i bees se wo, ikabyik mos de ne tes se iphas sɛ izenge ne ihwɛlɛ.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

iFisus 5:10

Mɔn ɛn gbik ɛkɔn na ne ˆaa mɔn ɛn, te ˆɛ mɛmɛ ɛn ne ɛkɔn na ne aa nang ɛDaray yegha irway ihwala.

iFilibi 2:17

ìNang ne itin mon de gbik ne ɛtomɛ mon na ndɔ ɛDaray ya so te hap itsanga ɛlɔ ɛbhɛ gha. Sɛ ne kyi yɔng yaa lok neyi nge na daa ne hap itsanga yɛdee wo, nzɛ ne phok iyɛnɛng, n da bok irway ihwala nɛ nyinɛn no gbik.

1 iKɔrɔntos 1:10

Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.

iRooma 2:4

Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

1 ɛBiturus 2:20

Wu kɛ bak nyini nggbang ngga daa ne ibebhe de ne ɛ kɛ mɔn ɛn, ɛ ji rop ɛn iku de, ɛwɛng ngɛ ne ji so kyee? Wu kɛ ne bak nyini nggbang ngga daa ɛkɔn ɛyɛnɛng ne ɛ kɛ mɔn ɛn ɛ ji rop ɛn iku de, iphɛ ne ji so ɛkɔn ne dɛp ɛlɔ ɛTaanggbey ya.

iFilibi 4:18

Kɛ tal me nikɔn na gbik nibhɛ ne phyin igbak. Sɔng n da sang ɛkɔn ɛlyilyɛghaa wo nang, daa ɛli ne nggɛ say nikɔn na ne ˆɛ kɛ tom ɛn ɛBafaratus segha nɛ wo. ìNang ngɛdaa wo ne bok ɛnkyinkyɔp, iphɛ so te ihap itsanga, ɛTaanggbey yaa ne say, ɛ phok iyɛnɛng ngɛ.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iRooma 15:30

Nigwaa ɛn, nzi roro nɛ nyinɛn ndɔ ne irywɛɛk ɛDaray njwɛɛn ɛYɛso ɛKiriti ne ishwim ba ne iKabyik ge naas so, phyik ɛn mɛɛn ne bol ne ɛTaanggbey ndɔ ɛtomɛ yɛghaa wo ne nzi kyangas me nɛ wo.

iRooma 15:16

te n te me ɛhaa ne mɔn ɛYɛso ɛKiriti yegha ɛtomɛ gha ɛlɔ ninyi na ne hame nibhɛ so niYahodawa na. Nzi mɔn ɛtomɛ ɛbo ɛTaanggbey ya ɛli ne nzi sanga iBol iYɛnɛng ɛTaanggbey de tɛ ninyi na hame nibhɛ so niYahodawa na teye ɛkɔn ne hap itsanga ne ɛTaanggbey ne kɛ tek ɛTaanggbey ye nɛ lenɛ ne iKabyik ɛTaanggbey.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

1 ɛTimɔti 2:3

ɛKɔn nɛghaa wo kɛ jam mɛ, iphɛ ne ma ta nang ɛTaanggbey ne Phɔt njwɛɛn na irway ihwala,

1 iTasɔlɔnika 5:12

Nigwaa en, njwii roro nɛ nyinɛn, nang ɛn ninaa ne tak iyɔm ne ɛtomɛ gha ndɔ mon ne ndiinday. Kaabi nindiinday mon na ndɔ ɛDaray ya, nɛ nibhɛ kpɛng nyini wo.

ɛLuka 7:47

iPhɛ ɛlɛy yang, nzi ne bok kɛ, kɛ ne hana ɛbhɛ ne ɛfɔt ɛbhɛ wo ne ɛbhɛ so gbom mo, daa ɛli ne ɛ kɛ ma tɔɔl me ishwim ba gbom. ɛNyi gha ne kɛ ne hana ɛbhɛ nɛ ncɛt to nang, ɛ kɛ ma tɔɔl ishwim ba ncɛt.”

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

1 ɛTimɔti 5:4

Wu ɛkusang nga ne bok ninɔn, hang nihyɛm ɛbhɛ yoo, tɛ nibhɛ ne tsa nibhɛ tɔɔrek iroos nibhɛ da daa ne boos idee nibhɛ. Yaa ne lenɛ ɛlɛy, nibhɛ tal nikyɛɛ nibhɛ na nɛ ne iyɛnɛng. ɛKɔn nɛghaa wo i nang ɛTaanggbey ye irway ihwala.

1 iTasɔlɔnika 4:10

ɛTsak, nyinɛn ninaa ne ivel ne iMakyidɔniya na gbik, ɛrɔngɔ i sim ɛrɔngɔ. Gbik ne iphɛ ɛlɛy nigwaa en, njwii ne bok nyini te ˆɛ hante ɛn nɛ gbom.

iRooma 9:23

Ɛ kɛ ne mɔn ɛlɛ wo te ɛ tɔɔrek ndiinday ɛbhɛ de ne iphɛ so gbom mo daa ninyi na ne ɛ kɛ san iyɔm nibhɛ de, ninyi na ne ɛ kaa ku ryɔng ne ile de tɛ nibhɛ sɛ ndiinday ɛbhɛ de.

2 iKɔrɔntos 4:1

iPhɛ ɛlɛy, daa ɛli ne njwii mɔn ɛtomɛ yɛghaa wo lenɛ ne isan iyɔm ɛTaanggbey, sɔng njwi aa ne tul irway nang.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

ɛFilimɔn 1:9

Gbik ne phɛ ɛlɛy, mee ɛBulus, nzi ne roro ne igyɛ ndɔ ne ishwim. Mee wo ne nggɛ helem mo, n da so ne nyang nggɛ ɛlɔ ɛYɛso ɛKiriti gha.

ɛFilimɔn 1:10

Nzi roro ne igyɛ ɛlɔ ɛngɔn nge ɛNisimos, ne ɛ kɛ teye ɛngɔn nge nten de ne nggɛ so ne nyang ngge.