iRooma 11:1 - ɛWee ne ìTsɛm iHywas

¹ Nzi phomos; ɛTaanggbey ya mbaray ninyi ɛbhɛ naa? Kwa! Me wo ne ito nge nzo me ɛnyi niSɛrɛla gha, ɛhaa ne icwaang ɛBaraying ne ijwee ɛBinyami.

iRooma 11:1 ပူးပေါင်းရင်းမြစ်များ

2 iKɔrɔntos 11:22

Wu nibhɛ so niBiriniyawa, ne ma nzo me ɛdɛng. Wu nibhɛ so niSɛrɛla, ne ma nzo me ɛdɛng. Wu nibhɛ so icwaang ɛBaraying, ne ma nzo me ɛdɛng.

iFilibi 3:5

Kaa hyɛ me itee de ɛtuk ɛnaras sɛ ɛtsim mɛ ne kɛ yɛk me. Ne nzo iyɛk niSɛrɛla, icwaang ɛBinyami, ɛHyiburu ririk. Nzo me ɛFarasii, nggɛ roos ikpii ne iMɛmɛ ɛMuusaa da gbyak.

ɛTomɛ 26:4

niYahodawa na gbik, nibhɛ yɛɛ ihywee ne ihywel da ne nggɛ hyel ɛli ne nggɛ tɔ ne ifas nge. Nibhɛ yɛɛ me ɛli ne nggɛ shɛɛ ɛgarang nge gha, nibhɛ ne ta yɛɛ ɛli nggɛ shɛɛ ne iYɛrushɛlɛm be.

ɛTomɛ 22:3

“Nzo ɛnyi niYahodawa, kɛ yɛk me ɛgarang ne iTaasus ne ɛ so ne ivel ne iSilisiya. Nggɛ ne hɔn ɛgarang ngɛghaa bɛ wo. ɛGamaniyɛl ɛbhɛ ne ɛ so ɛkyɛɛ ne icwam nge, ɛbhɛ mɛmɛ me ne ɛShara nikyɛɛ njwɛɛn na gbik, nggaa ne ma so ɛhaa ne ɛ bok irway ne roos ibol ɛTaanggbey yede ɛli ne gbik mon no ɛ bok izenge wo.

iRooma 9:3

Sɛ ma yung yɔng nggɛ te me ɛhaa ɛkawɛy i hosop me ne ɛKiriti gha tɛ nigwaa nge ne ihywee nge ndɔ ne iyɛk ne ibek sɛ iphɔrɔt.

iRooma 3:4

Kwa! Sɔng ɛlɛy nang! Sɛɛ kyi yɔng wu ninyi na gbik so ninaa ne irywɛɛk, ɛTaanggbey ya ku so ɛhaa ne itin, te ɛli ne ibol ɛTaanggbey de i bo; “Te seng ncɛncɛng wu ibol mo de so itin nɛ, ɛ sɛ ne ta phoo ninyi na nɛ gbik nɛ nibhɛ sim tɛ nibhɛ sɛ bol lɛ ɛshara gha.”

ɛLuka 20:16

Aa yɛɛs ɛ phobho ninaa ne wɛɛ ihwap pɛdaa nggyɛ wo ɛ ji nang nihak ninyi ihwap pɛ.” Kɛ ne sɛ ninyi na kɛ phok ɛlɛ wo, nibhɛ ne yɔngɔ, “Njwii bo wu hang ihywee ɛkɔn nɛdee wo sɛɛ te.”

iRooma 11:11

Naa ne ta phom. Ɛli nɛ niYahodawa na kɛ kyibhɛse nibhɛ hoghɛse wo, sɔng nibhɛ aa ne tang yilitsik nang nge? Kwa! Sɔng ɛlɛy yang daa ɛli ne ɛfɔt nibhɛ wo kɛ te ninaa ne hame nibhɛ so niYahodawa na kɛ sɛ iphɔrɔt te ne te niYahodawa na yɛk ɛnkyis nɛ nibhɛ.