iRooma 10:9 - ɛWee ne ìTsɛm iHywas

⁹ Wu ɛ kɛ boote ne ɛnu mo, ɛ yɔng wu “ɛYɛso so ɛDaray,” ɛ ta nang ne itin nɛ ndɔ ne irway mo wu ɛTaanggbey kɛ yiisik ɛbhɛ tsik ndɔ ne ikpuu, yaa ne phɔt tɛ.

iRooma 10:9 ပူးပေါင်းရင်းမြစ်များ

ɛLuka 12:8

“Nzi ta tɔng nyini dɔng, ɛnyi gha ne ɛ kɛ kyinak kpas ɛ yaak ninyi na wu i so ɛhaa nge gha, mee ne ɛNgɔn ɛNyi wo nzɛ ne ma yaak ɛbhɛ ɛhaa nge ɛnu ɛyisɛ nimalɛka ɛTaanggbey.

ɛTomɛ 16:31

Nibhɛ ne yaak ɛbhɛ, “Nang ne itin nɛ ne ɛDaray ɛYɛso, aa ne sɛ iphɔrɔt da igyɛ ne ijwee mo gbik.”

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

iRooma 8:34

ɛHay ɛbhɛ ɛ kɛ hɔn ɛ sɛ yɛɛ ne hyɛ ɛnyi gha ɛshara ne iku ghaa? Wɛlɛng ɛnyi! ɛYɛso ɛKiriti gha ne ɛ kɛ ku, iphɛ phyinti ɛlɛy, ɛ kɛ ne yilitsik ne ikpuu da, ɛ so ne iwɔ ne irwye ɛTaanggbey yo ɛɛ bol ne ɛTaanggbey ya ɛlɔ njwɛɛn.

iRooma 14:11

ɛWee ne bol ɛTaanggbey yo bo: “Ɛtsak, mee nzo ɛDaray ne iken na nzi ne bo, irum ninyi da gbik sɛ ne i te ne irwa-nggburuk ɛnu ɛyisɛ nge, ɛrɔngɔ sɛ ne boote ne ɛnu ɛbhɛ, wu mee n so ɛTaanggbey ya.”

1 iKɔrɔntos 12:3

iPhɛ ɛlɛy, nzi ne sim te ɛ sɛ seng ɛn, sɔng ɛnyi gha ne iKabyik ɛTaanggbey de so ndɔ ɛbhɛ wo sɛ kyii ta yɔngɔ, “ɛYɛso, te ɛkawɛy roos sɛ,” nang! Sɔng ɛnyi sɛ yɛɛ ne yɔngɔ, “ɛYɛso gha ɛbhɛ ɛ so ɛDaray ya,” tang iKabyik ɛTaanggbey de iphɛ hyel ne ɛbhɛ nang.

2 ɛYohana 1:7

Nidɛng ninaa ne wul irywɛɛk ka, nɛ nibhɛ i bo wu hang ɛYɛso ɛKiriti gha kɛ yɛɛs ɛzay ndɔ ne ibek ɛten ɛsii de, kɛ ne shwalat ndɔ ɛzay ya ɛlyilyɛghaa wo. iHywee ninyi yɛdee nggyɛ wo nɛ nibhɛ luk ninyi na soye ninaa ne iphup ɛKiriti na.

ɛYohana 9:22

ɛKyɛɛ gha ne ɛgyinɛ gha kaa boote ɛlɛ wo daa ɛli nɛ nibhɛ kaa phok ɛnik niYahodawa na. niYahodawa na kaa ku sim me nɛ wu gbik ɛnyi gha ne ɛ kɛ nang ne itin nɛ wu ɛYɛso gha so ɛKiriti gha, yaa ne tul ɛbhɛ ne itɔɔy de.

ɛTomɛ 8:36

Ne sɛ nibhɛ ma tɔɔ hyel lo nibhɛ ne sɛ irong inɛn, ɛgbaang ɛnyi wo ne yɔngɔ, “Yaang, inɛn daa nggyɛ ɛyakɔn ɛbhɛ yaa ne ring ne yɛk me ne ibatisima dee?”

ɛTomɛ 2:24

Gbik ne phɛ ɛlɛy, ɛTaanggbey ya ne yiisik ɛYɛso yegha tsik ndɔ ne ikpuu da. Ɛ kaa sɔ nggbang ndɔ ne iku de, sɔng ɛTaanggbey ya ne sim ɛ shɛɛ ndɔ ne iku de nang, daa ɛli ne sɔng ikpuu da yaa yɛɛ ne boos ɛbhɛ nang.

ɛTomɛ 2:32

ɛTaanggbey ya kaa yiisik ɛYɛso yɛghaa wo tsik ndɔ ne ikpuu da, gbik mos so njwi kaa yaang ɛlɛy ɛtsak.

iRooma 4:24

Kɛ ma haa daa njwɛɛn, sɛ bo njwɛɛn wu njwɛɛn so ninyi nicik, njwɛɛn no ne njwɛɛn kɛ nang ne itin nɛ ne ɛTaanggbey ya ne ɛ kɛ yiisik ɛDaray njwɛɛn ɛYɛso yegha ndɔ ne ikpuu da.

iRooma 10:10

Daa ɛli ne ɛɛ nang ne itin de ndɔ ne irway mo ne say yɛ wu ɛ so cik ɛnu ɛyisɛ ɛTaanggbey ya, aa ne ta boote ne ɛnu mo dɔng ɛ sɛ iphɔrɔt da.

iRooma 14:9

Daa ɛli ne ɛKiriti gha kɛ ku, ɛ ta yilitsik ne iken de te ɛ teye ɛDaray ninaa nɛ nibhɛ so niken nɛ ninaa nibhɛ kɛ kus.

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.