iRooma 10:16 - ɛWee ne ìTsɛm iHywas

¹⁶ Sɔng ne so gbik ninyi niSɛrɛla na nibhɛ kɛ say iBol iYɛnɛng ngge nang. Te ɛli ne ɛShaa gha kɛ boote ɛ yɔngɔ, “ɛDaray, ɛhay ɛbhɛ kɛ nang ne itin nɛ ne ibol mos dee?”

iRooma 10:16 ပူးပေါင်းရင်းမြစ်များ

iRooma 3:3

Wu nidɛng ndɔ nibhɛ wo ne sang ìnang ne itin, iyɔm ne ìnang ne itin nibhɛ de kɛ ne tɔɔrek wu ɛTaanggbey ya ma sang ìnang ne itin bɛ?

iBirani 4:2

Daa ɛli ne njwɛɛn kɛ phok iBol iYɛnɛng ngge ɛli nɛ ninyi ɛTaanggbey ya nɛ nibhɛ kaa so ndɔ ɛhay ya kaa ma phok ko. Gbik ne iphɛ ɛlɛy, sɔng ibol de nɛ nibhɛ kɛ ne phok ko kɛ ne phyik nibhɛ nang, daa ɛli ne sɔng nibhɛ kaa say iphɛ lenɛ ne ìnang ne itin de nang.

2 iTasɔlɔnika 1:8

Ɛ sɛ ne baasek ninyi na nɛ nibhɛ mbaray tang seng ɛTaanggbey yegha nggbang, gbik nɛ ninaa nɛ nibhɛ kɛ mbaray tang roos iBol iYɛnɛng ɛDaray njwɛɛn ɛYɛso gha.

iGalatiya 5:7

Ɛ kaa tsa ɛ hyel ɛn yɛnɛng, ɛhay ɛbhɛ kɛ ne yaa ring nyini ne roos itin dee?

1 ɛBiturus 2:8

Kɛ haa ndɔ ne ɛWee ne iBol ɛTaanggbey i bo, “iKɛɛ yɛdee wo iphɛ yaa teye ɛkɔn ne kyibhɛ, ne ɛkɔn ne hoghɛse ninyi.” iPhɛ ne so ɛlɛy ɛtsak! Ninyi na gbom kɛ kyibhɛ daa ɛli nɛ nibhɛ kɛ mbaray tang roos ibol ɛTaanggbey de. ɛLɛy ne kɛ ne ku ryɔng nibhɛ nɛ.

iBirani 11:8

Kaa ne lenɛ ne ìnang ne itin de ɛBaraying roos ibol ɛTaanggbey nten de ne kaa yel-le ɛbhɛ, te ɛ phɛ ne ivel ne kaa yɔng aa teye isha ɛbhɛ. Sɔng ɛ kaa ne i yɛɛ ɛlɔ gha ne ɛ phɛɛs nang, gbik ne iphɛ ɛlɛy ne ɛ phɛ.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

iRooma 2:8

Nidɛng ne ma ji sonɛ nɛ nibhɛ ne sim ito, nibhɛ mbaray itin ne ibol nibhɛ ta i mɔn ibebhe, ɛTaanggbey ya sɛ ne tal nibhɛ ne njenjek gbik ne irway njɛt.

1 ɛBiturus 3:1

ɛLɛy ne mang, nyinɛn nikuk ko, roos ɛn ibol niras mon de. Daa ɛli ne wu nidɛng niras sa sonɛ nɛ nibhɛ kɛ sang nang ne itin nɛ ne ibol ɛTaanggbey, sɛɛ ne yɛɛ ne lenɛ ne ihywɛɛ nikuk nibhɛ de nɛ nibhɛ kɛ tɔɔrek ko i hɔwɔ nibhɛ ma yung tɔ tang ku mɔng nibhɛ ibol.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

iGalatiya 3:1

Nyinɛn ninyi ne iGalatiya na, ɛ hoghɛ ɛn nisan naa? Hang kɛ mɔn nyini naa? Nggɛ tɔng nyini wɛsɛrɛk ibol ne gangat ɛYɛso ɛKiriti yeghaa daa ne ihon no te ɛli ne ɛ kɛ yaang ɛn ne irwisɛ mon.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 11:17

Kɛ ne hyɛghɛ ɛbyin ne ilaak ɛphaa de ne kɛ tup i ryɔng ne ji bo ilaak ɛphaa ne ɛ kɛ wuru ɛhay i sang ryɔng ɛbhɛ, i byinki ne ɛphaa gha ne kɛ tup po ɛli ne i rop ɛlɛɛmu ɛwɛrɛ. Nyinɛn no ne hame ɛ so ɛn niYahodawa na ne ɛ so ɛn te ilaak ɛphaa ɛhay de, nyinɛn ne kɛ ne byinki ne itin nɛdee nggyɛ wo. Kaabi i bokɛ byinki nyini nɛ niYahodawa na ninaa ne lenɛ nɛ nibhɛ ɛ sɛɛs ɛn Niwɛng ɛTaanggbey ya.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

ɛTomɛ 28:24

Nidɛng ne sim ɛkɔn na ne ɛ kɛ tɔng ngo, nidɛng ne mbaray tang nang ne itin nɛ.

ɛYohana 10:26

gbik ne iphɛ ɛlɛy sɔng ɛ kɛ ne nang ɛn ne itin nɛ nang daa ɛli ne sɔng ɛ so ɛn ndɔ ne iwa ne ntsabhak nge wo nang.

ɛMacu 13:14

iBol ɛnɛbi ɛShaa de kɛ shwaak ghe daa nibhɛ, ne iphɛ bo; ‘Ninyi yɛnaa wo yaa ku i tenes, sɔng nibhɛ ne kyii seng nang, nibhɛ ne ku i wɛɛ sɔng nibhɛ ne yaang nang, kɔɔ ncɛt.