iRooma 10:12 - ɛWee ne ìTsɛm iHywas

¹² Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

iRooma 10:12 ပူးပေါင်းရင်းမြစ်များ

iFilibi 4:19

ɛTaanggbey ya ne nzi re ɛbhɛ ntsong ngga yaa ne nang nyini gbik nikɔn na ne ˆɛ tɔk ɛn ndɔ ne iryat ne ito-ndiinday ɛbhɛ ne ihywɛ le ɛlɔ ɛYɛso ɛKiriti.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

iRooma 3:22

iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

1 ɛTimɔti 2:5

Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

iFisus 3:6

ɛKɔn ɛgying ɛTaanggbey ya so ɛlɛ, te lenɛ ne iBol iYɛnɛng ɛYɛso ɛKiriti de, tɛ ninaa nɛ nibhɛ sang so niYahodawa na teye ninaa ne re isha ɛTaanggbey de gbik nɛ niYahodawa na. Nibhɛ teye ibap ne ibek idaan nɛ, nibhɛ sɛ ihop ndɔ ɛkɔn na ne ɛTaanggbey ya kɛ sim-mɛ lenɛ ne ɛKiriti gha.

Nikɔn ne kɛ Phaal 19:16

Kɛ haal ne ɛtura ɛbhɛ gbik ne igbap ɛbhɛ irywɛɛk kɛwoo bɛ, “ɛGɔm ngɔm, ɛDaray nidaray.”

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iRooma 14:9

Daa ɛli ne ɛKiriti gha kɛ ku, ɛ ta yilitsik ne iken de te ɛ teye ɛDaray ninaa nɛ nibhɛ so niken nɛ ninaa nibhɛ kɛ kus.

iRooma 2:4

Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

1 iKɔrɔntos 15:47

Ɛnyi ɛyisɛ gha kaa le ɛzay yeghaa, kaa ne ryɔng ɛbhɛ ne ne ivel. ɛHaa ne ifaa gha kaa ne le daa ne irywa.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

iFisus 2:4

Gbik ne iphɛ ɛlɛy, ɛTaanggbey ya ne soye ɛhaa ne san iyɔm gbom, ishwim ɛbhɛ da daa njwɛɛn no ne so gbogbom.

iRooma 15:12

ɛNɛbi ɛShaa gha kɛ ne ta kyi yɔng, “ɛDɛng ndɔ ne itsan ɛYɛsɛ sɛ wuru, ɛ sɛ ne re igbɔm daa ninyi na ne hame nibhɛ so niYahodawa. Ninyi na hame nibhɛ so niYahodawa na, sɛ ne sit irwisɛ daa ɛbhɛ.”

ɛTomɛ 9:14

iPhɛ dee ɛ kɛ ne yɛɛs ɛbɛ wo daa ne igbɔm nindiinday nibo na wu te ɛ wumus gbik ninyi na nɛ nibhɛ yeres daa ne irywɛɛk mo wo nɛ ɛbɛ wo.”

iFisus 3:16

Nzi bol ne ɛTaanggbey ya wu te ɛ nang nyini ìnang ne ito-ndiinday ɛbhɛ ne iphɛ sang ɛgak, te ɛ te nyini itsɔngɔl gɛgɛy ne ihwet ɛbhɛ te ˆɛ yɛk ɛn irywa nviit lenɛ ne iKabyik ɛbhɛ.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

ɛTomɛ 7:59

Kɛ ne sɛ nibhɛ phengɛ ɛSitivin ne gha, ne ɛ roo ɛ yɔngɔ, “ɛDaray ɛYɛso, say iken nge.”