iRooma 10:10 - ɛWee ne ìTsɛm iHywas

¹⁰ Daa ɛli ne ɛɛ nang ne itin de ndɔ ne irway mo ne say yɛ wu ɛ so cik ɛnu ɛyisɛ ɛTaanggbey ya, aa ne ta boote ne ɛnu mo dɔng ɛ sɛ iphɔrɔt da.

iRooma 10:10 ပူးပေါင်းရင်းမြစ်များ

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.

iRooma 10:9

Wu ɛ kɛ boote ne ɛnu mo, ɛ yɔng wu “ɛYɛso so ɛDaray,” ɛ ta nang ne itin nɛ ndɔ ne irway mo wu ɛTaanggbey kɛ yiisik ɛbhɛ tsik ndɔ ne ikpuu, yaa ne phɔt tɛ.

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

ɛLuka 8:15

iHywee de ne ihywɛ kɛ ne ho ne ivel nyɛnɛng ngga ne ji so tɛ ninyi nɛ nibhɛ kɛ phok ibol de, nibhɛ say iphɛ, nibhɛ boos iphɛ yɛnɛng ne irway ilyaak, nibhɛ kyinak ngɛ nting, nibhɛ phyii yɛk ibɔrɔk.”

iBirani 3:12

Nigwaa nge ninaa ne roos, wɛɛ ɛn nyini, sɔng ɛdɛ mon sim iyɔm ne ìnang ne itin de, ne irway ivebhe da te ɛbhɛ ɛ hyereey, ɛ tek ɛTaanggbey ne iken na nang.

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

ɛMarakus 9:23

ɛYɛso gha ne yaak ɛkyɛɛ ɛngɔn na, “ɛYakɔn bhɛ kɛ te ɛ bok me wu naa yɛɛ nɛ woo? Sɔng ɛkɔn i bɛ ɛnyi gha ne ɛ kɛ nang ne itin nɛ wo nang.”

iRooma 10:11

Te ɛli ne ɛWee ne iBol ɛTaanggbey yo bo, “Gbik ɛnyi gha ne ɛ kɛ nang ne itin nɛ ne ɛbhɛ sɔng aa ne sɔ ncwa nang.”

ɛTomɛ 8:37

ɛFilibus sa ne yaak ɛbhɛ, “Wu ɛ kɛ nang ne itin nɛ ne irway mo gbik, yaa ne yɛk kɛ nɛ.” ɛNyi gha ne yɔngɔ, “Nggɛ nang ne itin nɛ ɛYɛso ɛKiriti gha ɛbhɛ so ɛngɔn ɛTaanggbey ya.”