iRooma 1:9 - ɛWee ne ìTsɛm iHywas

⁹ ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 1:9 ပူးပေါင်းရင်းမြစ်များ

ɛMarakus 1:1

iBol iYɛnɛng ngɛdee wo so idee ɛYɛso ɛKiriti ne ɛ soye ɛNgɔn ɛTaanggbey.

ɛLuka 18:1

ɛYɛso gha kaa ta tɔng ninɔn ne icwam ɛbhɛ na idɛ ibol ne igɔrɔp be ne iphɛ yaa mɛmɛ nibhɛ nɛ ɛli nibhɛ yaa ku i bol ne ɛTaanggbey tang nibhɛ te kpos.

ɛTomɛ 12:5

Ne sɛ ɛli ne ɛBiturus sa bhɛ so ne ijwee ne nyang ngo, idira ninaa ne roos de ne see ito ne bol ne ɛTaanggbey daa ne ito ɛbhɛ.

ɛTomɛ 19:21

ɛTsim nikɔn nɛnaa wo, ɛBulus sa ne yaang iphɛ kɛ jam mɛ ɛ phyii roos iMakyidɔniya gbik ne iKaya ɛ phɛ ne iYɛrushɛlɛm. Ne ɛ yɔngɔ, “Yaa sɛ nggɛ bhɛ hɔn ɛnggyɛ wo, iphɛ ne so nggbinggbing mbɛ yaang iRooma.”

ɛTomɛ 24:14

ɛKɔn ɛdaan ne nzi yɛɛ zɔng, ɛbhɛ ghaa ɛlɛ, nzi re ɛTaanggbey nikyɛɛ-nikyɛɛ mos ntsong ne Nkiinɛ yɛwoo wo nɛ nibhɛ bo wu ninyi yɛ so ‘ɛGuu ninaa ne irywɛɛk ka.’ Nggɛ nang ne itin nɛ ne ɛShara ɛMuusaa gha gbik nɛ nikɔn na nɛ ninabawa na kɛ haa wo.

ɛTomɛ 27:23

Ne ɛtuk ɛdɛ ɛmalɛka ɛTaanggbey ya ne nzi mɔn ɛbhɛ ɛtomɛ, nzi ta re ɛbhɛ ntsong kɛ yɛɛs ɛlɔ nge.

ɛTomɛ 3:26

Kaa ne sɛ ɛTaanggbey ya kɛ yiisik ɛkpuru ɛbhɛ gha tsik ndɔ ne ikpuu ba, ne ɛ tsa ɛ tom ɛbhɛ ɛlɔ mon, daa ɛli ne ɛTaanggbey ya sim te aa sit nyini ne ɛwɛng, te ɛ hyere ɛrɔngɔ ndɔ mon no, te ɛ tek ihywel ikpɛɛ ɛbhɛ da.”

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

2 iKɔrɔntos 1:23

ɛTaanggbey ɛbhɛ ɛ so ɛshɛɛda nge wu nggɛ sang yɛɛs ne iKɔrɔntos de ɛlɔ ne naa yung hante nyini ne irighitik.

2 iKɔrɔntos 11:31

ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

iGalatiya 1:20

iBol lɛ de wo ne nzi haa wo iphɛ soye itin nɛ. ɛTaanggbey i yɛɛ sɔng irywɛɛk ne nzi wul nang.

iFisus 6:18

Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.

iFilibi 1:3

Gbik nten de ne nggɛ taate ne nyinɛn no, nzi ne tɔɔrek ɛTaanggbey ye irway ihwala.

iFilibi 1:4

Gbik nten de ne nzi bol ne ɛTaanggbey ya daa mon no gbik ko, nzi ne i bol ne ɛbhɛ ne irway ihwala.

iFilibi 2:22

ˆƐ yɛɛ ɛn ɛTimɔti yegha ɛli ne ɛ so, daa ɛli ne njwi kɛ mɔn ɛtomɛ ne sanga ibol iyɛnɛng ngge ne ɛbhɛ wo te ɛngɔn ne ɛkyɛɛ.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

1 iTasɔlɔnika 1:2

Njwii tɔɔsel ɛTaanggbey ye irway ihwala cɛcɛɛy ɛlɔ mon na. Njwii yeres irywɛɛk mon ndɔ ne bol ne ɛTaanggbey ya.

1 iTasɔlɔnika 3:10

Ne ɛtuk ne igbey njwi kyangas nɛ njwi bol ne ɛTaanggbey ya, te njwi sɛ njwi yaang nyini irwisɛ ne irwisɛ, te njwi shwaak ɛkɔn na ne ɛ so byit ndɔ ne ìnang ne itin mon de.

1 iTasɔlɔnika 5:17

Bol ɛn ne ɛTaanggbey cɛcɛɛy.

1 ɛTimɔti 2:7

ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

ɛFilimɔn 1:4

Nzi tɔɔsel ɛTaanggbey nge irway ihwala daa ne igyɛ cɛcɛɛy nten de ne nzi bol ne ɛTaanggbey ya.