iRooma 1:8 - ɛWee ne ìTsɛm iHywas

⁸ Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

iRooma 1:8 ပူးပေါင်းရင်းမြစ်များ

ɛMacu 24:14

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

ɛLuka 2:1

Ndɔ nituk kɛnaa nggyɛ wo nang, ɛGɔsitus sa bhɛ kaa ne soyɛ ɛgbaang ɛgɔm ne ivel iRooma. Ɛ kaa ne yɛk ngɛ wu te haa ye ninyi ne na te tɔng nibhɛ gbik ndɔ nigarang nga ne ɛ re ne igbɔm ba.

ɛTomɛ 11:28

ɛDɛng ndɔ nibhɛ wo ne kaa bok ɛbhɛ ɛGabus, ne ɛ yilitsik ɛ bol ɛkɔn na ne iKabyik ge kɛ mɔng ɛbhɛ ɛ yɔngɔ, wu sɛ re iyɔm ndɔ ɛzay ya gbom. iBol ɛbhɛ de kaa ne shwaak ghe nten de ne ɛKaladiyus kaa soye ɛgɔm.

ɛTomɛ 28:22

Gbik ne iphɛ ɛlɛy, njwii ne sim njwi aa phok, ɛnu mo, ɛkɔn na ne icwas mo i bo, daa ɛli ne njwi yɛɛ ninyi na nilɔ na kang-ka-kang kɛ bol ivol ne ifɛ kɛ mbaray ibol ɛguu ɛnyi ne tɔng ivol ifas sɛdaa wo.”

iRooma 10:18

Nzi phomos, “Nibhɛ kɛ shɛɛ tang phok ko ɛtsak ghee? Nibhɛ kɛ phok. ɛWee ne iBol ɛTaanggbey yo bo, ‘iZok ne izɔlɔs nibhɛ de kɛ bhɛ hɔn ndɔ ɛzay de gbik, ivol nibhɛ da kɛ bhɛ tuu ɛgak ɛzay yo.’ ”

iRooma 16:19

Gbik ninyi kɛ ku phok ɛli ne ɛ roos ɛn ibol iyɛnɛng ngge, iphɛ ɛlɛy ne n bok irway ihwala daa ne ibol mon de. Gbik ne iphɛ ɛlɛy, nzi ne sim te ɛ sɛɛ te ɛn ntsɛntsɛng daa ɛkɔn na ne ɛ so ɛyɛnɛng ngɛ, tɛ nyini ninaa nɛ nibhɛ sang sim nibhɛ sɛɛ yaang ibebhe.

iRooma 6:17

N bok irway ihwala ne ɛTaanggbey, ɛ kaa so ɛn nyini ne nikpuru ne ɛfɔt, ɛlyilyɛghaa wo, ɛ kɛ ne yaa roos ɛn itin de ne kɛ tɔɔrek nyini ndɔ ne imɛmɛ da ne kɛ mɛmɛ nyini nɛ wo ne irway mon gbik.

1 iKɔrɔntos 1:4

Nzi ku tɔɔsel ɛTaanggbey nge irway ihwala cɛcɛɛy daa mon daa ne izɛɛng ngge ne ɛ kɛ nang nyini lenɛ ne ɛYɛso ɛKiriti gha.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

iFisus 1:15

iPhɛ phɛ kɛ te, nten de ne nggaa phok ibol ne ìnang ne itin mon de ndɔ ɛDaray ɛYɛso gha gbik ne ishwim mon da daa ninyi ɛTaanggbey ya,

iFisus 1:16

sɔng nggɛ ne kɔɔng me naas ɛTaanggbey ye irway ihwala daa mon no nang. Nzi tas ne nyinɛn gbik nten de ne nzi bol ne ɛTaanggbey ya.

iFisus 3:21

Te nang ɛbhɛ ne ndiinday de ndɔ ne idira ninaa ne roos de gbik ne ndɔ ɛYɛso ɛKiriti gha ne ᐩizam be gbik, ne ishay-ishay! Ɛɛy.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

iFilibi 1:3

Gbik nten de ne nggɛ taate ne nyinɛn no, nzi ne tɔɔrek ɛTaanggbey ye irway ihwala.

iKɔlɔsi 1:3

Njwii tɔɔsel ɛTaanggbey ye ne ɛbhɛ ɛ so ɛKyɛɛ ɛDaray njwɛɛn ɛYɛso ɛKiriti gha irway ihwala, gbik nten de ne njwii bol ne ɛbhɛ daa mon no.

1 iTasɔlɔnika 1:2

Njwii tɔɔsel ɛTaanggbey ye irway ihwala cɛcɛɛy ɛlɔ mon na. Njwii yeres irywɛɛk mon ndɔ ne bol ne ɛTaanggbey ya.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

ɛFilimɔn 1:4

Nzi tɔɔsel ɛTaanggbey nge irway ihwala daa ne igyɛ cɛcɛɛy nten de ne nzi bol ne ɛTaanggbey ya.

iBirani 13:15

iPhɛ ɛlɛy nɛ njwɛɛn ku i dɛp ɛTaanggbey yegha lenɛ ne ɛYɛso gha, te iphɛ so te ihap itsanga njwɛɛn. iDɛp njwɛɛn da iphɛ so ihap itsanga de ne njwɛɛn i bol ne ɛnu, i bo wu ɛbhɛ ɛ so ɛDaray ya.

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.