iRooma 1:6 - ɛWee ne ìTsɛm iHywas

⁶ iBol lɛdee wo kɛ ne ma dat nyini, nyinɛn no ne kɛ yel-le nyini wo te ɛ te ɛn nyini ninaa ɛYɛso ɛKiriti gha.

iRooma 1:6 ပူးပေါင်းရင်းမြစ်များ

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

2 ɛBiturus 1:10

iPhɛ ɛlɛy, nigwaa en ne ɛ mɔn ɛn ɛkɔn na ne aa yɛɛ ne mɔn ɛn te iphɛ tɔɔrek wu ɛTaanggbey ɛbhɛ kɛ yel-le ɛ ta kasa nyini. Wu ɛ kɛ mɔn ɛn ɛlɛ wo, sɔng aa ne kyibhɛ ɛn ɛ ta ho ɛn nang.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

1 ɛBiturus 2:21

Daa ɛkɔn nɛghaa wo ne ɛTaanggbey ya kɛ yel-le nyini nɛ. Ɛ kɛ yel-le nyini te ɛ sɔ ɛn nggbang ngga ɛli ne ɛKiriti gha kɛ ma sɔ ɛlɔ mon na. ɛLɛ wo ne ɛ kɛ ne tek nyini ne ngkɔɔl lɛ ne aa roos ɛn.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

iFisus 1:11

Ndɔ ɛKiriti gha ne kɛ kasa njwɛɛn nɛ te njwɛɛn teye ninyi ɛTaanggbey ya. Kaa ne ku kasa njwɛɛn no lenɛ ne iyɔngɔ ɛbhɛ, ɛbhɛ wo ne ɛɛ mɔn nikɔn na gbik ɛli ne icwas ɛbhɛ da so wo.

2 iTasɔlɔnika 2:14

ɛTaanggbey kɛ yel-le nyini ɛbɛ wo, lenɛ ne iBol iYɛnɛng ngge ne njwi kɛ tɔng nyini wo te ɛ sɛ ɛn ito-ndiinday ɛDaray ɛYɛso ɛKiriti njwɛɛn de.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

iGalatiya 1:6

iPhɛ some ɛkɔn ne kparat ne ˆɛ kɛ shii hyere nyini ˆɛ tek ɛn ɛnyi gha ne ɛ kɛ yel-le nyini lenɛ ne izɛɛng ɛKiriti de ˆɛ yaa roos ɛn ɛhak ɛnkiinɛ wo ne ˆɛ wɛɛ ɛn te ɛbhɛ ɛbhɛ so ibol iyɛnɛng ngge.

iRooma 9:24

Njwɛɛn ne ma so ndɔ ninaa ne ɛTaanggbey ya kɛ yel-le wo, sɔng niYahodawa zɔng nang, gbik nɛ ninaa ne hame nibhɛ soye niYahodawa na.

iKɔlɔsi 1:21

ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.