iRooma 1:30 - ɛWee ne ìTsɛm iHywas

³⁰ Nibhɛ so ninaa ne ivol ikpɛɛ, ninaa ne iphup ne ɛTaanggbey. Ninaa ne towos, ninaa ne tɔɔsek ito, ninaa ne hal ɛgyɛy, ninaa ne robhos ibebhe, nɛ ninaa nibhɛ sang phok ibol nikyɛɛ.

iRooma 1:30 ပူးပေါင်းရင်းမြစ်များ

2 ɛTimɔti 3:2

Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

ɛYakub 4:16

iPhɛ dee ˆɛ hal ɛn ɛgyɛy, ˆɛ tɔɔsek ɛn ito. iHal ɛgyɛy yɛdaa nggyɛ wo ne so kpɛɛ.

ɛYakub 3:5

ɛLɛy ne ilem be ne ma so. Gbik ɛli ne iphɛ so ncɛt ndɔ nilɔ ne ibek ɛnyi gha, iphɛ i ne hal ɛgyɛy daa ne igbaang nikɔn ne iphɛ sɛ yɛɛ ne mɔn. Yaang ɛn ɛli ne ɛphyuphyut ne igboo gha sɛ yɛɛ ne re ɛgbaang ɛhay yo!

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

2 iTasɔlɔnika 2:4

Ɛ sɛ yɛk iphup ne gbik ɛkɔn na ne i yeres ɛbhɛ ɛtaanggbey, ne ɛ yinɛ ito ɛbhɛ te ɛ phyin gbik ɛkɔn na ne i yeres ɛbhɛ ɛtaanggbey gbik nɛ nikɔn na ne i re nibhɛ ntsong ngga. Ɛ sɛ́ ma yung bhɛ lel ɛ soos ndɔ ne iDeng ɛTaanggbey de, ɛ yɔng, wu yee i soye ɛTaanggbey ya.

2 iKɔrɔntos 10:15

Sɔng njwi kɛ phee igbak nten de njwii hal ɛgyɛy ya daa ɛtomɛ gha nɛ nihak ninyi na kɛ mɔn no nang. Njwi kɛ yɛk ne irway te ìnang ne itin mon da sɛɛ hɔn, te njwi hante ne mɔn nitomɛ na gbom ndɔ mon no kancɛng ɛli ne ɛTaanggbey ya kɛ nang njwii wo.

iRooma 3:27

Njwɛɛn ya ne ji hale ne ɛgyɛy ya daa ne ikyee? Wɛlɛng ɛkɔn! Daa ɛyakɔn ne? Daa ɛli ne njwɛɛn kɛ roos ɛShara ghaa? Kwa! Daa ɛli ne njwɛɛn kɛ yang nang ne itin nɛ.

iRooma 2:23

iGyɛ wo ne ɛ hal ɛgyɛy ya ne iMɛmɛ ɛMuusaa da, ɛɛ sang kyii bees irywɛɛk ɛTaanggbey yo daa ɛli ne ɛ tes ɛshara ɛbhɛ gha tsaan noo?

iRooma 2:17

iGyɛ wo ne ɛ bok ito mo de wu ɛ so ɛdɛng ndɔ niYahodawa na lɛɛ? Ɛ kɛ nang irway mo gbik daa ne iMɛmɛ ɛMuusaa da, ɛ hal ɛgyɛy ya wu ɛ soyɛ ɛhaa ɛTaanggbey,

ɛTomɛ 5:36

Ne ra ɛtsim, ɛdɛ ɛnyi gha kaa wuru nɛ ne kaa i bok ɛbhɛ ɛTawudas, ne ɛ kaa bo ito ɛbhɛ te ɛgbaang ɛnyi. Ninyi na kaa ne hɔn ikpɔl nwaas nɛ nibhɛ kaa roos ɛduu ɛbhɛ. Kaa ne sɛ kɛ phoo ɛbhɛ ninaa ne roos ɛduu ɛbhɛ gha ne tes en shwaa gbik, ibol ɛbhɛ de ne te buu.

ɛLuka 21:16

niKyɛɛ mon, nɛ nigwaa mon, nɛ ninaa ne icwaang mon, gbik nɛ nitaay mon sɛ ne nang nyini ne igbɔm ba nibhɛ yɛk ngɛ phobho ɛbyin mon.

ɛMacu 16:21

Ne lenɛ nten nɛdee nggyɛ wo, ɛYɛso gha ne yaa bol nɛ ninɔn ne icwam ɛbhɛ na wɛsɛrɛk, ɛ bok nibhɛ, “iPhɛ so nggbinggbing mbɛ ne iYɛrushɛlɛm mbɛ sɔ nggbang gbom ne iwɔ ne ndiinday niYahodawa na, nɛ nindiinday nibo na, gbik nɛ ninaa ne kpɛl ɛShara gha. Nibhɛ sɛ bhɛ phoo me ne nggyi ta yilitsik ɛtuk ne itwat tɛ.”

ɛMacu 15:4

ɛTaanggbey ya bo, “Nang ɛkyɛɛ mo ne ɛgyinɛ mo ne ndiinday, ɛnyi gha ne ɛ kɛ bɛɛs ɛkyɛɛ ɛbhɛ ne ɛgyinɛ ɛbhɛ, iphɛ ne so nggbinggbing i phoo ɛbhɛ.”

ɛYohana 7:7

Nyinɛn no nang, sɔng ɛzay ya yaa ne yɛɛ mbaray nang, ɛ mbaray mee daa ɛli ne nzi tɔng ɛbhɛ wu ɛkɔn ne ɛ mɔn ɛ so ɛkpɛɛ yɛ.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.