iRooma 1:3 - ɛWee ne ìTsɛm iHywas

³ iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

iRooma 1:3 ပူးပေါင်းရင်းမြစ်များ

ɛMacu 1:1

iRɛɛk ninaa ne icwaang ɛYɛso ɛKiriti yɛdee bɛ; ɛYɛso ɛKiriti gha kaa so ɛNgɔn ɛDoda, ɛDoda gha ne so ɛNgɔn ɛBaraying.

ɛMacu 1:16

ɛYakub pa ne yɛk ɛYisifu ye, ɛYisifu gha ne ɛ so ɛ̀ras ɛMɛri gha ne ɛbhɛ so ɛgyinɛ ɛYɛso gha ne i bok ɛbhɛ ɛKiriti gha.

ɛMacu 1:6

ɛYɛsɛ gha ne so ɛkyɛɛ ɛgɔm ɛDoda. ɛDoda gha ne so ɛkyɛɛ ɛSɔlɔmɔn. ɛGyinɛ ɛSɔlɔmɔn na ka tsa ɛ soye ɛkuk ɛYuriya.

ɛMacu 12:23

Ninyi na gbik ne wum ɛnu zii, nibhɛ ne yaa phomos en nibhɛ bo, “Hang ɛbhɛ so ɛNgɔn ɛDoda naa?”

ɛMacu 15:22

ɛDɛ ɛkuk ne iKaana gha ne ɛ so ɛlɔ yɛghaa nggyɛ wo, ne wuru ne ishwin ɛ bo, “ɛDaray, ɛNgɔn ɛDoda, san iyɔm nge, ɛlap nge so shasha, ikabyik ibebhe bok ɛbhɛ.”

ɛMacu 26:63

ɛYɛso gha ne i shɛɛ nggbyak. ɛGɔm nibo gha ne yaak ɛbhɛ, “Nzi bol ne igyɛ ndɔ ne irywɛɛk ɛTaanggbey, mɔng njwii, igyɛ so ɛKiriti ghaa, ne ɛ soye ɛNgɔn ɛTaanggbey yaa?”

ɛMacu 27:43

Ɛ kɛ nang ne itin nɛ ne ɛTaanggbey. Ɛ kɛ nang ne itin ne ɛTaanggbey. Te njwɛɛn yung yaang hang ɛTaanggbey ya yaa phɔt ɛbhɛ daa ɛli ne ɛɛ wu i soye ɛNgɔn ɛbhɛ gha yɔɔ.”

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛMacu 9:27

Kɛ ne sɛ ɛYɛso gha kɛ tek ɛlɔ yɛghaa nggyɛ wo ɛ hyel, nidɛng ninaa ne iwil la ifaa ne kungus ɛbhɛ, nibhɛ bol ne ɛgbaang ne izɔlɔs nibhɛ bo, “San iyɔm mos igyɛ ne ɛNgɔn ɛDoda!”

ɛLuka 1:35

ɛMalɛka gha ne kyii nɛ, ɛ yaak ɛbhɛ, “iKabyik ɛTaanggbey yaa lel ndɔ nggyɛ. ɛTaanggbey ɛdaa ne Nyu ne irywa gha yaa ne cwaal lɛ ne ito-ndiinday ɛbhɛ. iPhɛ ɛlɛy ɛngɔn mo gha ne so ɛngɔn ne ɛ kɛ tul kang, ɛNgɔn ɛTaanggbey.

ɛLuka 1:69

Ɛ kɛ ne nang njwɛɛn ɛgbaang ɛnyi ne phɔt, ne ɛ le ne icwaang ɛkpuru ɛbhɛ ɛDoda.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 1:34

Nggaa ne yaang iphɛ kɛ te ɛlɛy daa ɛYɛso gha, nzi ne tɔng nyini wu ɛbhɛ ɛ soye ɛNgɔn ɛTaanggbey ya.”

ɛYohana 1:49

ɛNatanyɛl la ne yɔngɔ, “ɛKyɛɛ ne iCwam, igyɛ ɛ so ɛNgɔn ɛTaanggbey; igyɛ ne ɛ soyɛ ɛgɔm niSɛrɛla gha.”

ɛYohana 10:30

Mee wo ne ɛkyɛɛ gha njwi so nidaan nɛ.”

ɛYohana 10:36

Mee wo ne ɛKyɛɛ gha kɛ ne tul me ɛ tom me ndɔ ɛzay ya. Aa ne ji mɔn ɛlii ɛ yɔng ɛn wu nzi bɛɛs ɛTaanggbey yegha daa ɛli ne nzi bo wu nzo ɛNgɔn ɛTaanggbey yaa?

ɛYohana 20:28

ɛToma gha ne boote ne ɛYɛso gha ɛ yɔngɔ, “ɛDaray nge, ɛTaanggbey nge.”

ɛYohana 20:31

Kɛ ne haa ninaa wo te ɛ nang ɛn ne itin wu ɛYɛso gha ɛbhɛ soye ɛKiriti gha, ɛNgɔn ɛTaanggbey ya. Te ne ji lenɛ ne itin de ne ɛ kɛ nang ɛn ne ɛbhɛ wo, ɛ sɛ ɛn iken ndɔ ne irywɛɛk ɛbhɛ wo.

ɛYohana 5:25

Nzi ne tɔng nyini itin nɛ, nten nɛ yaaso, iphɛ kɛ tuu nɛ ninyi na nɛ nibhɛ so ikpom sɛ phok izɔlɔs ɛNgɔn ɛTaanggbey de. Ninaa nɛ nibhɛ sɛ ne tenes, nibhɛ sɛ́ ne tes niken.

ɛYohana 7:42

ɛWee ne iBol ɛTaanggbey yo bo ɛKiriti gha sɛ le ne icwaang ɛGɔm ɛDoda, wu sɛ ne yɛk ɛbhɛ ne iBatalami, ɛgarang nga ne ɛDoda gha kaa sonɛ.

ɛTomɛ 2:30

ɛDoda gha kaa so ɛNɛbi, ɛ kaa ne ku i yɛɛ ɛTaanggbey ya kɛ sim-mɛ, ɛ lɛlɛm ihywa wu ɛdɛ ɛhaa ne icwaang ɛDoda gha sɛ re igbɔm ɛbhɛ da.

ɛTomɛ 3:13

ɛTaanggbey ɛBaraying ne ɛShaaku, ne ɛYakub, ɛTaanggbey nikyɛɛ-nikyɛɛ njwɛɛn na kɛ nang ɛkpuru ɛbhɛ ɛYɛso yegha ne ndiinday. ɛYɛso gha ne ɛ kaa nang ɛn ɛbhɛ te i phoo wo. Ɛ kaa ne mbaray ɛn nyini ɛbhɛ ɛnu ɛyisɛ ɛBilatus ɛli ne ɛ kaa jung i sim te aa tek ɛbhɛ ɛ hyel.

ɛTomɛ 8:36

Ne sɛ nibhɛ ma tɔɔ hyel lo nibhɛ ne sɛ irong inɛn, ɛgbaang ɛnyi wo ne yɔngɔ, “Yaang, inɛn daa nggyɛ ɛyakɔn ɛbhɛ yaa ne ring ne yɛk me ne ibatisima dee?”

ɛTomɛ 9:20

Ne phyɔngɔle ncɛt, ɛShawulu gha ne yaa sanga ibol ɛYɛso de ndɔ ne idee ne itɔɔy niYahodawa de wu ɛYɛso gha so ɛngɔn ɛTaanggbey.

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 4:1

Njwɛɛn na ne yɔng ɛli daa ɛkɔn na ne ɛkyɛɛ-nikyɛɛ njwɛɛn ɛBaraying ndɔ ne ibek ge kɛ seng daa ne ibol lɛ de woo?

iRooma 9:3

Sɛ ma yung yɔng nggɛ te me ɛhaa ɛkawɛy i hosop me ne ɛKiriti gha tɛ nigwaa nge ne ihywee nge ndɔ ne iyɛk ne ibek sɛ iphɔrɔt.

iRooma 9:5

Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

1 iKɔrɔntos 10:18

Wɛɛ ɛn niSɛrɛla na. Nzo nzi bo ninyi na nɛ nibhɛ re nikɔn ne hap itsanga ɛTaanggbey ya kɛ teye nidaan nɛ daa ɛli nɛ nibhɛ re ɛraa ne hap itsanga gha nang?

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

1 iTasɔlɔnika 1:10

ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

1 ɛTimɔti 2:5

Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

2 ɛTimɔti 2:8

Taate ne ɛYɛso ɛKiriti gha ne kɛ yiisik ɛbhɛ ne ikpuu da. Ɛbhɛ wo ne ɛ le ne icwaang ɛDoda wo ɛli ne kɛ mɛmɛ nɛ ndɔ iBol iYɛnɛng ngge ne nzi tɔng ngo.

1 ɛYohana 1:3

Njwii tɔng nyini ibol ɛkɔn de ne njwi kɛ yaang, njwi ta phok, te ɛ ma byinki ɛn ìtsɛm be ne njwit. ìTsɛm mos de ne so ne ɛTaa gha gbik ne ɛNgɔn ɛbhɛ ɛYɛso ɛKiriti.

1 ɛYohana 3:23

iKpii ɛbhɛ da ne so ɛlɛ: te njwɛɛn nang ne itin nɛ ne ɛNgɔn ɛbhɛ ɛYɛso ɛKiriti gha, te ɛrɔngɔ ta sim ɛrɔngɔ ɛli ne ɛKiriti gha kɛ yɛk njwɛɛn nɛ wo.

1 ɛYohana 3:8

Gbik ɛnyi gha ne ɛ re ɛnu ɛyisɛ ne mɔn ɛfɔt to, ɛ soye ɛhaa ɛShɛtan, daa ɛli ne ɛShɛtan na kaa ku mɔn ɛfɔt to ne ile ne ɛtum mɛ. ɛKɔn na ne ɛ kɛ te ɛNgɔn ɛTaanggbey ya yɛɛs ɛzay ya so te bunga nitomɛ ɛShɛtan na.

1 ɛYohana 4:15

Gbik ɛnyi gha ne ɛ kɛ boote ne ɛnu ɛbhɛ ɛ yɔngɔ wu ɛYɛso gha soye ɛNgɔn ɛTaanggbey ya, ɛTaanggbey ya i ne shɛɛ ndɔ ɛbhɛ ɛ ma i shɛɛ ndɔ ɛTaanggbey ya.

1 ɛYohana 5:1

Gbik ɛnyi gha ne ɛ kɛ nang ne itin nɛ wu ɛYɛso gha ɛbhɛ ɛ soye ɛKiriti gha, ɛnyi yɛghaa nggyɛ wo ne soye ɛngɔn ɛTaanggbey. Gbik ɛnyi gha ne ɛ ne sim ɛTaa yegha, ɛ ne ma sim ɛNgɔn na.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

1 ɛYohana 5:5

ɛHay ɛbhɛ aa yɛɛ ne re ɛwɛng nga ne ɛzay yaa? iPhɛ so ɛnyi gha ne ɛ kɛ nang ne itin nɛ wu ɛYɛso gha soye ɛNgɔn ɛTaanggbey ya.

2 ɛYohana 1:7

Nidɛng ninaa ne wul irywɛɛk ka, nɛ nibhɛ i bo wu hang ɛYɛso ɛKiriti gha kɛ yɛɛs ɛzay ndɔ ne ibek ɛten ɛsii de, kɛ ne shwalat ndɔ ɛzay ya ɛlyilyɛghaa wo. iHywee ninyi yɛdee nggyɛ wo nɛ nibhɛ luk ninyi na soye ninaa ne iphup ɛKiriti na.

Nikɔn ne kɛ Phaal 2:18

Haa ɛmalɛka ne idira ninaa ne roos ne iTiyatira de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ so ɛNgɔn ɛTaanggbey ya, ne irwisɛ ɛbhɛ da i tol te ilem ne igboo wo, ita ɛbhɛ de ta i tol hyahyak te igyɔs de ne i bok ihywɛ itagula de ne kɛ phan no.