iRooma 1:18 - ɛWee ne ìTsɛm iHywas

¹⁸ Kɛ phaal ɛli ne njenjek ɛTaanggbey de sɛ le daa ne irywa ihywɛ yɛɛs daa ninaa ne ɛfɔt ta, nɛ ninyi nibebhe na, nɛ ninaa ne yɛbhɛsek itin de lenɛ ne ibebhe nibhɛ de.

iRooma 1:18 ပူးပေါင်းရင်းမြစ်များ

iFisus 5:6

Sɔng ɛdɛ ɛnyi gha luk nyini ne ivol ɛbuu da nang. Nzo ihywee nikɔn nɛnaa wo bhɛ hɔ njenjek ɛTaanggbey de daa nisang-phok ka.

iRooma 1:32

Nibhɛ yɛɛ ɛli ne ɛshara ɛTaanggbey ya bo wu gbik ninyi na nɛ nibhɛ mɔn nikɔn nɛnaa wo, iphɛ kɛ jam mɛ nibhɛ kus. Gbik ne iphɛ ɛlɛy sɔng nibhɛ i ne ma yung mɔn nikɔn nɛnaa wo zɔng nang, nibhɛ roos ɛduu ninyi na nɛ nibhɛ mɔn ihywee nikɔn nɛnaa wo.

iKɔlɔsi 3:6

Daa ɛli nɛ nikɔn nɛ naa wo bhɛ yaa te njenjek ɛTaanggbey de yɛɛs daa ninyi na nibhɛ nɛ nibhɛ i sang roos ibol ɛbhɛ de.

2 iTasɔlɔnika 2:10

Ɛ sɛ luk ninaa nɛ nibhɛ so ne ɛnkiinɛ ne bees se. Sɛ bees nibhɛ daa ɛli nɛ nibhɛ kɛ mbaray sim itin de nibhɛ phɔrɔt.

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

iRooma 5:9

Wu ɛTaanggbey ya kɛ ne say njwɛɛn wu njwɛɛn so cik ko lenɛ nɛ neyi ɛKiriti na, yaa ne ji mɔn ɛlii i sang phɔt njwɛɛn ndɔ ne njenjek ɛTaanggbey dee?

iRooma 4:15

iMɛmɛ ɛMuusaa da i yɛɛs ne njenjek ɛTaanggbey, ɛlɔ gha ne ɛshara gha ne sang ngɛ wo nang, sɔng ya ne ben ɛshara gha nɛ nang.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

iRooma 2:3

iGyɛ ninyi wo! iPhɛ dee igyɛ ne ito mo ɛ ne ma kyi mɔn ɛkɔn na ne ɛ kɛ hyɛ ɛhak ɛnyi gha ɛshara gha daa ɛbhɛ wo! Ɛ ne ji wɛɛ te aa phɔrɔt ndɔ ɛshara gha ne ɛTaanggbey ya sɛ hyɛ woo?

iRooma 1:19

ɛKɔn na ne aa te i seng ɛkɔn daa ɛTaanggbey ya ɛ so wɛsɛrɛk ɛnu ɛyisɛ nibhɛ gha, daa ɛli ne ɛTaanggbey ya ɛbhɛ kɛ tɔɔrek nibhɛ.

iRooma 5:6

Yaang ɛn, kaa ne ji sɛ nten nɛ kɛ shwaak ghe, nten de ne njwɛɛn kɛ tɔ iMarasha, ɛKiriti gha ne ku ɛlɔ njwɛɛn ninaa ne ɛfɔt to.

iRooma 3:9

Njwɛɛn ya ne ji taal i yɔng ɛli daa mɛɛ? Njwɛɛn niYahodawa na ne ji phyin ninaa ne hame nibhɛ soye niYahodawa naa? Kwa! Sɔng ɛlɛy yang! Njwi kɛ ku tɔɔl nyini njwi bo niYahodawa na nɛ ninyi na ne hame nibhɛ soye niYahodawa na gbik so ndɔ ɛta ne ɛfɔt.

2 iTasɔlɔnika 2:6

ɛLyilyɛghaa wo, ˆɛ yɛɛ ɛn ɛkɔn na ne ɛ ring ɛbhɛ ne yɛɛs so. iPhɛ so sɛ phaal ɛbhɛ nten de ne kɛ tek ɛbhɛ nɛ.